- यूहन्‍ना 8:19 - Bundeli Holy Bible

¹⁹ तब बे ऊसे कैन लगे, तोरो बाप किते आय? यीशु ने उन से कई, तुम न तो मोय जानत आव, और न मोरे बाप हां, अगर तुम मोय जानते, तो मोरे बाप हां सोई जानते।

- यूहन्‍ना 8:19 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- यूहन्‍ना 1:10

बो जगत में हतो, और जगत ऊके द्वारा पैदा भओ, और जगत ने ऊहां नईं चीनो।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 15:21

परन्त जे सब बातें, बे मोरे नाओं के काजें तुमाए संग्गै कर हैं, कायसे बे ऊहां नईं चीनत जीने मोय पठैव।

- यूहन्‍ना 16:3

और बे ऐसो ई लाने कर हैं कायसे उन ने न बाप हां जानो और न मोय।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 7:28

तब यीशु ने मन्दर में सीख देत भय जोर देके कई, तुम मोय जानत आव और जौ भी जानत हों, कि मैं किते कौआंव: मैं अपने से नईं आओ परन्त जीने मोय पठैव बो सांचो आय, जीहां तुम नईं चीनत।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- गलतियों 4:9

अकेले अब तो तुम ने परमेसुर हां चीन लओ आय, तो बे छोटी और नेंची पेंला की बातन में काय फिरत आव, का तुम उनई के पाछें फिन के चलो चाहत आव।

- इफिसियों 1:17

कि हमाए पिरभू यीशु मसीह के परमेसुर जौन सबरे जस को देबेवारो आय, तुम हां अपनी चिनारी में, बुद्धि और प्रकास की आत्मा देबे।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- कुलुस्सियों 1:15

पिरभू यीशु मसीह में परमेसुर को रूप दिखात आय, बे सबरी सृष्टि के पेंला से आंय।

- इब्रानियों 1:3

पुत्तर परमेसुर पिता की जस की जोत और उनके जैसो आय, और बेई अपने बल से धरती हां संभाले आंय: बे मान्सन के पापन हां धोके परमेसुर महान के दाएं हाथ पै जा बैठे।

- 1 यूहन्‍ना 2:23

जो बेटा हां नईं मानत उन लौ परमेसुर पिता सोई नईंयां, परन्त जौन बेटा हां मानत आय, पिता परमेसुर ऊके संग्गै रैत आय।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।

- 2 यूहन्‍ना 1:9

जौन आगे हां यीशु मसीह की सीख पै नईं चलत, मानो ऊ लौ परमेसुर नईंयां, परन्त जौन उनकी सीख पै चलत आंय, बौ मानो परमेसुर पिता और उनके बेटा यीशु मसीह में पक्को बनो रैत आय।