- यूहन्‍ना 8:14 - Bundeli Holy Bible

¹⁴ यीशु ने उन से कई; जदि अपनी गवाही मैं खुद देत आंव, तौभी मोरी गवाही ठीक आय, कायसे मैं जानत आंव, कि मैं किते से आओ हों और किते जा रओ आंव? परन्त तुम नईं जानत कि मैं किते से आओ या किते जात आंव।

- यूहन्‍ना 8:14 ပူးပေါင်းရင်းမြစ်များ

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 10:36

तो जीहां बाप ने पवित्र ठहराके जगत में पठैव, तुम ऊसे कहत आव कि तें ठट्ठा करत आय, ई लाने की मैंने कई, मैं परमेसुर कौ पूत आंव?

- यूहन्‍ना 13:3

तो यीशु जौ जानत भओ कि बाप ने सब कछु मोरे अधकार में कर दओ आय, और मैं परमेसुर के ऐंगर से आओ आंव, और परमेसुर के ऐंगर लौट के जा रओ आंव।

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 16:28

मैं बाप में से कड़के संसार में आओ आंव, मैं फिन संसार हां छोड़के बाप के ऐंगर जा रओ आंव।

- यूहन्‍ना 17:8

कायसे जो बातें तेंने मोय दईं, मैंने उन हां कै दओ आय, और उन ने उन बोलन हां मान लओ और सही में जान लओ आय, कि मैं तोसें कड़ो आंव, और उन ने भरोसा करो आय कि तेंने ही मोय पठैव आय।

- यूहन्‍ना 18:37

पीलातुस ने यीशु से कई, तो का तें राजा आय? यीशु न ऊसे कई, तें सही कहत आय कि मैं राजा आंव; मैंने ई लाने जन्म लओ, और ई लाने जगत में आओ कि सत्य की गवाही देओं, जो कौनऊं सत्य कौ आय, मोरी बानी सुनत आय।

- यूहन्‍ना 5:31

अगर मैं केवल अपने बारे में गवाही देओं; तो मोरी गवाही सांची नईं।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- दूसरी कुरिन्थियों 11:31

पिरभू यीशु के परमेसुर पिता को धन्न मानत आंव, और जौ सोई जानत आंव, कि मैं लाबरी नईं कैत।

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 12:19

तुम अब लौ समझत हुईयो के हम तुमाए सामूं जबाव दे रए आंय, हम परमेसुर हां सामूं जान के मसीह में बोलत आंय, और भईया हरौ, जे सबरी बातें तुमाए बढ़बे के काजें कैत आंय।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।

- यूहन्‍ना के दरसन कौ खुलासा 3:14

लौदीकिया की मण्डली के दूत हां ऐसो लिखो, कि, जो आमीन, और भरोसा धरबे जोग, और सच्चो गवाह आय, और परमेसुर के संसार कौ खास कारन आय, बो ऐसो कैत आय।