- यूहन्‍ना 7:37 - Bundeli Holy Bible

³⁷ फिन परब के अखिरी दिना, जौन खास दिना हतो, यीशु ठांड़ो भओ और जोर से कहन लगो, अगर कोऊ प्यासो होय तो मोरे ऐंगर आके पी ले।

- यूहन्‍ना 7:37 ပူးပေါင်းရင်းမြစ်များ

- नहेम्याह 8:18

फिन पैले दिना सें आखरी दिना लौ एज्रा ने रोज यहोवा परमेसुर की ब्‍यवस्‍था की पोथी में सें बांच बांचकें सुनाओ। और ई तरहां सें बे सात दिना लौ त्‍योहार मनात रए, और आठवें दिना नैम के अनसार महासभा भई।

- मत्ती 11:28

हे सब थके हारे और बोझा से दबे लोगो, मोरे ऐंगर आओ; मैं तुम हां मुक्ति दै हों।

- मत्ती 3:3

जौ ओई आय जीको बखान आगमवकता यशायाह ने जौ कहत भए करो हतो कि हार में कोऊ बोलबेवारे कौ ऐरो हो रओ आय, कि पिरभू की गैल सई करो, ऊको रास्तो सूदो करो।

- मत्ती 5:6

धन्न आंय बे, जौन धर्म के भूखे और प्यासे हैं, कायसे बे अफर जें हैं।

- यूहन्‍ना 1:23

ऊ ने कई, मैं डांग में एक चिल्लाबेवाले कौ ऐरो आंव, प्रभु की गैल सूदी करियो, जैसो यशायाह अगमवक्ता ने कई हती।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- यूहन्‍ना 4:11

बईयर ने ऊसे कई, हे प्रभु, तोरे ऐंगर पानी भरबे हां कछु नईंयां, और कुआं गहरो आय, तो बो जीवन कौ पानू तोरे ऐंगर किते से आओ?

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 5:40

और तुम मोरे ऐंगर आबो नईं चाहत कि जीवन पाओ।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- यूहन्‍ना 6:55

मोरो मांस तो सांची रोटी आय और मोरो खून सांची पीबे की चीज आय।

- यूहन्‍ना 7:28

तब यीशु ने मन्दर में सीख देत भय जोर देके कई, तुम मोय जानत आव और जौ भी जानत हों, कि मैं किते कौआंव: मैं अपने से नईं आओ परन्त जीने मोय पठैव बो सांचो आय, जीहां तुम नईं चीनत।

- पैली कुरिन्थियों 10:21

तुम पिरभु के कटोरा, और बुरई आत्माओं के कटोरा दोईयन में से नईं पी सकत! तुम पिरभु के बैठका पे और बुरई आत्मा के बैठका दोईयन के भागीदार नईं हो सकत।

- पैली कुरिन्थियों 10:4

और सबरन ने एकई आत्मिक पानू पियो, कायसे बे ऊ आत्मिक चट्टान से पियत हते, जौन उन के संग्गै-संग्गै निंगत हती; और बो चट्टान मसीह हतो।

- पैली कुरिन्थियों 11:25

ओई भांत से पिरभु ने बियारी के पाछें कटोरा सोई लओ, और कओ; जौ कटोरा मोरे रकत में नओ कौल आय: जब कभऊं पियो, तो मोरे सुमरन के लाने जौई करे करौ।

- पैली कुरिन्थियों 12:13

कायसे कि हम सबरन ने का यहूदी, का यूनानी, चाए दास, या छुट्टा, एकई आत्मा से एक देयां होबे के लाने बपतिस्मा लओ, और हम सबरन हां एकई आत्मा पिबाओ गओ आय।

- इफिसियों 5:18

और दाखन के रस पीके बेसुर्त न हो, कायसे ऐसे में बुरय काम होत आंय, पै आत्मा से भरत जाओ।

- यूहन्‍ना के दरसन कौ खुलासा 21:6

फिन ऊ ने मोय से कहो, जे बातें पूरी हो गई आंय, मैं अलफा और ओमिगा, शुरु और अन्त आंव: मैं प्यासे मान्स हां जीवन के जल के झरने से सेंत मेंत पिला हों।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:17

आत्मा और दुल्हिन दोई कैत हैं, कि आओ; सुनबेवारे सोई कहें, कि आओ; और जीहां प्यास लगी होबे बो आबै, और जो चाहे जीवन को जल सेंतमेंत लेबे।