- यूहन्‍ना 7:36 - Bundeli Holy Bible

³⁶ जा कैसी बात आय जौन ऊ ने कई, तुम मोय ढूंढ़ हौ और न पाहौ, और जिते कौ मैं आंव, उते तुम नईं आ सकत?

- यूहन्‍ना 7:36 ပူးပေါင်းရင်းမြစ်များ

- यूहन्‍ना 12:34

ई लाने भीड़ ने ऊसे कई, हम ने रीतियन में पढ़ो आय, कि मसीह सदा बनो रै है, फिन तें कैसे कहत आय, कि मान्स के पूत हां ऊंचे पे चढ़ाओ जाओ जरूरी आय?

- यूहन्‍ना 13:33

हे लड़को, मैं और तनक देर तुमाए संग्गै आंव, फिन तुम मोय ढूंढ़ हौ, और जैसो मैंने यहूदियन से कई, तुम से सोई कैत आंव, कि जिते मैं जाबेवालो आंव, उतै तुम नईं आ पा हौ।

- यूहन्‍ना 3:4

नीकुदेमुस ने ऊसे कई, बूढ़ो मान्स कैसे जन्म लै सकत आय? का बो अपनी मताई के गरभ में दूसरी बेर जाके जन्म लै सकत आय?

- यूहन्‍ना 3:9

नीकुदेमुस ने जवाब देत भय ऊसे कई; जौ सब कैसे हो सकत आय?

- यूहन्‍ना 6:41

ई लाने यहूदी ऊ पे कुड़कुड़ान लगे, कायसे ऊ ने कई; जो रोटी सरग से उतरी आय, बो मैं आंव।

- यूहन्‍ना 6:52

ईपे यहूदी आपस में जौ कहके बतकाव करन लगे, जौ मान्स हम हां अपनो मांस खाबै हां कैसे दे सकत आय?

- यूहन्‍ना 6:60

ई लाने ऊके चेलन में से बिलात ने जब जा सुनी तो कई, जा तो कठिन बात आय; ईहां कौन सुन सकत आय?

- यूहन्‍ना 7:34

तुम मोय ढूंढ़ हौ, पर नईं पाहौ और जिते कौ मैं आंव, उते तुम नईं जा सकत।

- यूहन्‍ना 8:21

ऊ ने फिन उन से कई, मैं जानत आंव और तुम मोय ढूंड़ हौ और अपने पापन में मर हौ: जिते मैं जा रओ आंव, उते तुम नईं आ सकत।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।