- यूहन्‍ना 7:35 - Bundeli Holy Bible

³⁵ यहूदियन ने आपस में कई, जौ किते जाहै, कि हम ऊहां न पाहैं? का बो उन के ऐंगर जाहै, जो यूनानियन में तितर-बितर होकें रहत आंय, और का यूनानियन हां भी सीख दै है?

- यूहन्‍ना 7:35 ပူးပေါင်းရင်းမြစ်များ

- मत्ती 12:21

और ओई के नाओं में अन्य जातियन आस धर हैं।

- लूका 2:32

कि बो दूसरी जात वारन हां उजारो दैबे हां ज्योत, और तोरे निज मान्स इस्राएल कौ जस होबे।

- यूहन्‍ना 12:20

जौन लोग परब में प्रार्थना करबे जा रए हते, उन में कछु यूनानी हते।

- यूहन्‍ना 7:1

इन बातन के पाछें यीशु गलील में फिरत रओ, बो यहूदिया में नईं जाओ चाहत हतो, कायसे यहूदी ऊहां मार डालबे की खोज में हते।

- यूहन्‍ना 8:22

ईपे यहूदी कैन लगे, कहूं बो अपने आप हां मार तो न डाल है, बो कहत आय; जिते मैं जा रओ आंव उते तुम नईं आ सकत?

- प्रेरितन के काम 11:18

बे जौ सुनके चिमा गए, और परमेसुर की बड़ाई करके कहन लगे, तबई तो परमेसुर ने गैर यहूदियन हां भी जीबे के लाने मन फिराबे कौ बरदान दओ आय।

- प्रेरितन के काम 11:20

पर उन में से कछु क्रुप्रुस और कुरेनी हते, जौन अन्ताकिया पोंच के यूनानियन हां भी प्रभु यीशु कौ सन्देसो सुनाउन लगे।

- प्रेरितन के काम 14:1

फिन ऐसो भओ कि इकुनियुम में बे संगै संगै यहूदियन के प्रार्थनाघर में गए, और उन ने ई ढंग से बतकाव करो, कि यहूदियन और यूनानियन दौनऊ में से बिलात लोगन ने भरोसा करो।

- प्रेरितन के काम 17:4

उन में से कछु मान्सन ने भरोसा करो, और भक्त यूनानियन के बड़े झुण्ड व बिलात खास बईयरन संग्गै बे पौलुस और सीलास के संग्गै मिल गए।

- प्रेरितन के काम 18:4

और बो हर सब्त के दिना प्रार्थना घरन में बहस करके यहूदियन और यूनानियन हां समझाबे की कोसिस करत हतो।

- प्रेरितन के काम 21:21

और उनहां तोरे बारे में बताओ गओ आय, की तें गैर यहूदियन के बीच रहबेवालो, यहूदियन हां जौ सिखात आय, की मूसा की सीख हां छोड़ दो, और कहत आय की न अपने बच्चन कौ खतना कराओ, और बनाई भई रीतियन हां मानो।

- प्रेरितन के काम 22:21

और ऊ ने मोसे कई, चलोजा: कायसे मैं तोय दूर दूर लौ गैर यहूदियन के बीच में पठै हों।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- कुलुस्सियों 1:27

परमेसुर ने ऐसो ई लाने करो, कायसे बे चाहत हते कि गैर इस्राएलियन उनके जसवारी बातन हां समझें, और यीशु मसीह अब उनके हिये में बसे आंय, और आंगे आबेवारी बातन की आस आय।

- 1 तीमुथियुस 2:7

मैं सांची कैत आंव, ईमें तनकई झूठ नईयां, कि मैं ऐई के लाने परचारक और प्रेरित बनो, कि यहूदीयन हां छोड़ दूसरी जात वारन के बीच जाई सांची बात बताबेवारो होओं।

- 2 तीमुथियुस 1:11

ऐई बचन को मैंने परचार करो और उनको भेजो, और सबरे हार उपदेस करो।

- याकूब 1:1

परमेसुर और पिरभु यीशु मसीह के चाकर याकूब की कोद से उन बारहों कुलों हां, जौन फैल फुट होकें रैत आंय, नमस्कार पोंचे।

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।