- यूहन्‍ना 7:32 - Bundeli Holy Bible

³² फरीसियन ने भीड़ हां ऊके बारे में कानाफूसी करत देखो; और महापुरोहित और फरीसियन ने ऊहां पकड़ाबे के लाने सिपाहियन हां पठैव।

- यूहन्‍ना 7:32 ပူးပေါင်းရင်းမြစ်များ

- मत्ती 12:14

तब फरीसी बायरै कड़े और ऊके खिलाफ सलाह करी, कि ऊहां कैसऊ मार डारें।

- मत्ती 23:13

हे कपटी शास्त्रियो और फरीसियो तुम पे श्राप! कायसे तुम मान्सन के विरोध में सरग के राज्य कौ द्वार बन्द कर देत आव, तुम न तो खुद जात आव और न जाबे वारन हां भीतर जान देत आव।

- मत्ती 26:58

पतरस भी कछु दूरी पे ऊके पाछें पाछें निंग के महायाजक के आंगन लौ पोंचो, और भीतरै पिड़ के का हुईये जौ देखबे के लाने पहरेदारन के संग्गै बैठ गओ।

- यूहन्‍ना 11:46

परन्त कछु ने फरीसियन के ऐंगर जाके उन हां बताओ कि यीशु ने का-का करो आय।

- यूहन्‍ना 12:19

तब फरीसियन ने एक दूसरे से कई, सोचो तो सही कि तुम से कछु नईं बन पड़त, हेरो, जगत ऊके पाछें चल पड़ो आय।

- यूहन्‍ना 18:3

तब यहूदा पलटन हां और महापुरोहितन और फरीसियन की कोद से सिपाहियन हां लेके, उते लालटेन, मशालें और हथियारों समेंत आओ।

- यूहन्‍ना 7:30

ई लाने बे ऊहां पकड़बे की कोसिस करन लगे, फिन भी कोऊ ने ऊ पे हाथ नईं डालो, कायसे ऊ की बेरा अबै लौ नईं आई हती।

- प्रेरितन के काम 5:26

तब सरदार, सिपाईयन के संग्गै जाके, उन हां ले आए, पर जबरदस्ती नईं, कायसे मान्सन से डरात हते, कि बे उन हां पत्थरन से न मार डालें।