- यूहन्‍ना 7:28 - Bundeli Holy Bible

²⁸ तब यीशु ने मन्दर में सीख देत भय जोर देके कई, तुम मोय जानत आव और जौ भी जानत हों, कि मैं किते कौआंव: मैं अपने से नईं आओ परन्त जीने मोय पठैव बो सांचो आय, जीहां तुम नईं चीनत।

- यूहन्‍ना 7:28 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 2:23

और नासरत नाओं के एक नगर में जाके रान लगो; जीसे आगमवकता की कई बात पूरी होबै, कि बो नासरी कहा है।

- मत्ती 26:55

तब यीशु ने भीड़ से कई; का तुम तलवारें और लठियां लए मोय डाकू के समान पकड़बे आए आव? मैं रोजीना मन्दर में बैठ के सन्देसो दओ करत हतो, और तुम ने मोय नईं पकड़ो।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- लूका 2:11

कि आज दाऊद के नगर में तुमाए लाने एक उद्धार कबेवारो जन्मो आय, और जौई मसीह पिरभु आय।

- लूका 2:39

और जब बे पिरभु की नैम व्यवस्था अनसार सब कछु निपटा चुके, तो गलील में अपने नगर नासरत हां फिन चले गए।

- लूका 2:4

सो यूसुफ सोई ई लाने कि बो दाऊद के घराने और वंस कौ हतो, गलील के नासरत नगर से यहूदिया में दाऊद के नगर बैतलहम हां गओ।

- लूका 2:51

तब बो उन के संग्गै गओ, और नासरत में आओ, और मताई-बाप के वंस में रहो; और ऊ की मताई ने जे सबरी बातें अपने हिए में धरीं।

- यूहन्‍ना 1:46

नतनएल ने ऊसे कई, भला नासरत से भी कोई उमदा बसत कड़ सकत आय? फिलिप्पुस ने ऊसे कई, आके तक ले।

- यूहन्‍ना 10:36

तो जीहां बाप ने पवित्र ठहराके जगत में पठैव, तुम ऊसे कहत आव कि तें ठट्ठा करत आय, ई लाने की मैंने कई, मैं परमेसुर कौ पूत आंव?

- यूहन्‍ना 12:49

मैंने अपने लाने कछु नईं कई, परन्त बाप जीने मोय पठैव आय, ओई ने मोय हुकुम दओ आय, कि का कहों और का बोलूं।

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 14:31

परन्त जौ ई लाने भओ कि संसार जान ले कि मैं बाप से प्रेम करत आंव, और जी तरहां बाप ने मोय हुकुम दओ आय, वैसई मैं ऊ को पालन करत आंव, उठो, इते से चलें।

- यूहन्‍ना 16:3

और बे ऐसो ई लाने कर हैं कायसे उन ने न बाप हां जानो और न मोय।

- यूहन्‍ना 17:25

हे धर्म बाप, संसार ने तोय नईं जानो, परन्त मैंने तोय जानो और इन ने सोई तोय जानो कि तेंने ही मोय पठैव आय।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 3:2

ऊ ने रात में यीशु के ऐंगर आके कई, हे गुरू, हम जानत आंय, कि तें परमेसुर की कोद से आओ भओ गुरू आय; कायसे इन चिन्ह हां जौन तें दिखात आय, कोऊ नईं दरसा सकत, जब लौ परमेसुर ऊके संग्गै नईं होबै।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- यूहन्‍ना 5:32

मोरे बारे में गवाही देबेवालो एक और आय, और मैं जानत आंव, कि जौन मोरे बारे में गवाही देत आय बो सांची आय।

- यूहन्‍ना 5:43

मैं अपने बाप के नाओं से आओ आंव, और तुम मोय नईं अपनात; जदि कोऊ और अपने ही नाओं से आबै तो तुम ऊहां अपना हौ।

- यूहन्‍ना 6:42

और बे कैन लगे; का जौ यूसुफ कौ पूत यीशु नईंयां, जीके मताई बाप हां हम चीनत आंय? तो बो काय कैत आय कि मैं सरग से उतरो आंव।

- यूहन्‍ना 7:14

और जब परब के आधे दिना बीत गए; तो यीशु मन्दर में गओ और प्रवचन करन लगो।

- यूहन्‍ना 8:14

यीशु ने उन से कई; जदि अपनी गवाही मैं खुद देत आंव, तौभी मोरी गवाही ठीक आय, कायसे मैं जानत आंव, कि मैं किते से आओ हों और किते जा रओ आंव? परन्त तुम नईं जानत कि मैं किते से आओ या किते जात आंव।

- यूहन्‍ना 8:16

अगर मैं न्याव करों भी, तो मोरो न्याव सांचो आय; कायसे मैं अकेलो नईंयां, परन्त ऊ में आंव, और मोरो पठैबेवालो भी आय।

- यूहन्‍ना 8:19

तब बे ऊसे कैन लगे, तोरो बाप किते आय? यीशु ने उन से कई, तुम न तो मोय जानत आव, और न मोरे बाप हां, अगर तुम मोय जानते, तो मोरे बाप हां सोई जानते।

- यूहन्‍ना 8:26

मोय तुमाए बारे में बिलात बातें कैने और न्याव करने आय, परन्त जीने मोय पठैव बो सांचो आय; और बे बातें जौन मैंने ऊसे सुनी, बे ही मैं जगत से कहत आंव।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- यूहन्‍ना 9:29

हम जानत आंय कि परमेसुर ने मूसा से बातें करी; परन्त ई मान्स के बारे में हम नईं जानत कि किते कौ आय।

- प्रेरितन के काम 17:23

कायसे जब मैं घूमत फिरत तुमाए पूजबे की चीजन को हेर रओ हतो, तो मोहां एक वेदी मिली, जीपे लिखो हतो, “अनजाने ईश्वर के लाने”। ई लाने जीहां तुम बिना जाने पूजत आव, ओई कौ सन्देसो मैं तुम हां सुनात आंव।

- रोमियों 1:28

जब उन ने परमेसुर हां नईं मानो, तो परमेसुर ने सोई उन हां उन के बुरे हियन पे छोड़ दओ; कि बे बुरए काम करें।

- रोमियों 3:4

बिलकुल नईं, बलकी परमेसुर सांचो और सबरे मान्स लबरे ठैरें, जैसो लिखो आय, जीसे तें अपनी बातन में धरमी ठैरे और न्याय करत समय तें जय पाए।

- दूसरी कुरिन्थियों 1:18

और नईं सोई करत आंव, परमेसुर जानत आय कि हमाई बातन में दोई हां और नईं नईयां।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- तीतुस 1:2

अनन्‍तकाल लौ जीयत रैबे की आस से करी, जीके लाने परमेसुर ने कई जौन लाबरी नईं कैत।

- इब्रानियों 6:18

परमेसुर झूटो नईं कात, सो जब बे कौल खात और वचन देत तो ऊ बात हां कभऊ नईं बदलत, सो अब जौन हमाई आस आय जी हां हमें पाने आय ऊहां पक्को धरें रैत आंय।

- 1 यूहन्‍ना 5:10

जौन परमेसुर के बेटा पै बिसवास धरें आय, कि जा सांची आय; जीने परमेसुर की कई गई मानी, ऊने मानो उन हां झूठो मानो; जौन उन ने अपने बेटा के लाने कई।