- यूहन्‍ना 7:12 - Bundeli Holy Bible

¹² और भीड़ ऊके बारे में कुड़कुड़ान लगी, कछु लोग कह रए हते; बो भलो मान्स आय, दूसरे कह रए हते; नईं, बो लोगन हां भरमात आय।

- यूहन्‍ना 7:12 ပူးပေါင်းရင်းမြစ်များ

- मत्ती 10:25

चेले हां अपने गुरू के, और चाकर हां अपने मालक के बरोबर होबो कठन है; जब उन ने घर के मालक हां शैतान कई तो का ऊके घरवाले कछु न कै हैं?

- मत्ती 21:46

और उन ने ऊहां पकड़बो चाहो, तो बे भीड़ से डरा गए कायसे लोगबाग ऊहां आगमवकता मानत हते।

- मत्ती 27:63

हे महाराज, हम हां खबर आय, कि ऊ भरमाबे वाले ने अपने जीते जी कई हती, कि तीन दिना के बाद मैं जी जै हों।

- लूका 18:19

यीशु ने ऊसे कओ; तें मोय उत्तम काय कैत आय? कोई उत्तम नईंयां, बस एक, जाने कै परमेसुर।

- लूका 23:47

सेना के अधकारी ने, जौन कछु भओ हतो तक के, परमेसुर हां धन्न कओ, और ऊ ने कओ; सांचई में जौ मान्स धरमी हतो।

- लूका 23:50

धरम पंचयात कौ एक पंच हतो ऊ को नाओं यूसुफ हतो, ऊ साजो और धरमी मान्स हतो।

- लूका 6:45

भलो मान्स अपने हिये के भले भण्डार से भली बातें काड़त आय; और बुरओ मान्स अपने हिये के बुरए भण्डार से बुरई बातें काड़त आय; कायसे जौन हिये में भरो आय ओई ऊके मों पे आत आय।

- लूका 7:16

ई से सब जनें बिलात डरा गए; और बे औरें परमेसुर की बड़वाई कर के कैन लगे, कि हमाए मजारें एक बड़ो आगमवकता उठो आए, और परमेसुर ने अपने लोगन पे बड़ी किरपा करी आय।

- यूहन्‍ना 6:14

जब लोग ने ऊ अचरज हां जीहां ऊ ने करो हतो, हेरो तो उन ने कई; सांची में जे ओई अगमवकता आय जौन जगत में आबेवालो हतो।

- यूहन्‍ना 7:32

फरीसियन ने भीड़ हां ऊके बारे में कानाफूसी करत देखो; और महापुरोहित और फरीसियन ने ऊहां पकड़ाबे के लाने सिपाहियन हां पठैव।

- यूहन्‍ना 7:47

तब फरीसियन ने उन से कई, कहूं तुम भी तो ऊ की बातन में नईं आ गए?

- यूहन्‍ना 7:52

उन ने ऊसे कई; कहूं तें भी तो गलील कौ नईंयां? हेर, गलील से कोऊ अगमवकता प्रगट नईं होबे कौ।

- यूहन्‍ना 9:16

ई लाने फरीसी कैन लगे; जौ मान्स परमेसुर की कोद से नईं आय, कायसे बो सब्त कौ दिना नईं मानत। दूसरे कैन लगे, पापी जन ऐसे चिन्ह हां कैसे दिखा सकत आय? और उन में फूट पड़ गई।

- प्रेरितन के काम 11:24

कायसे बो भलो मान्स हतो; और पवित्र आत्मा और भरोसे से भरपूर हतो: और बिलात लोग प्रभु के ऐंगर आए।

- रोमियों 5:7

का कोई धरमी मान्स के लाने अपनी जान दै है, जौ तो अन्होनो आय, परन्त हो सकत आय कोऊ भले मान्स के लाने अपनी जान की बाजी लौ लगा देबे।

- फिलिप्पियों 2:14

सबरे काम बिना कुड़कुड़ाए और बिना कछु कहे करो।