- यूहन्‍ना 6:40 - Bundeli Holy Bible

⁴⁰ कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:40 ပူးပေါင်းရင်းမြစ်များ

- मत्ती 10:15

मैं तुम से सांची कहत आंव, कि न्याव के दिना ऊ नगर की दसा सदोम और अमोरा देश की दसा से बिलात सहबे लाक हुईये।

- मत्ती 25:46

जे लोग अनन्त दण्ड भोग हैं, पर धर्मी अनन्त जीवन में जै हैं।

- मरकुस 16:16

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- लूका 2:30

कायसे मोरी आंखन ने तोरे उद्धार हां तक लओ आय।

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 10:28

मैं उन हां अनन्त जीवन देत आंव, बे कभऊं नास नईं हुईंयें, और उन हां मोरे हाथन से कोऊ नईं छीन सकत।

- यूहन्‍ना 11:24

मरथा ने ऊसे कई, मैं जानत आंव, कि अखिरी दिना में जी जाबे की बेरा बो जी जै है।

- यूहन्‍ना 11:25

यीशु ने ऊसे कई, फिन जी जाबो और जीवन मैं ही आंव, जौन मोय पे भरोसा करत आय बो जदि मर भी जाए, तो भी जी जै है।

- यूहन्‍ना 12:45

और जौन मोय हेरत आय, बो ऊहां हेरत आय जीने मोय पठैव आय।

- यूहन्‍ना 12:50

और मैं जानत आंव, कि ऊ को हुकुम अनन्त जीवन आय, ई लाने मैं जो कछु बोलत आंव, जैसो बाप ने मोय से कई आय, वैसई बोलत आंव।

- यूहन्‍ना 14:17

यानि सत्य कौ आत्मा, जीहां संसार ग्रहण नईं कर सकत, कायसे बो ऊहां नईं देखत आय और न चीनत आय: तुम ऊहां चीनत आव, कायसे बो तुमाए संग्गै रहत आय, और बो तुमाए भीतरे हुईये।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 17:2

कायसे तेंने तो ऊहां सब प्राणियों पे हक दओ आय, कि बो उन सब हां जिन हां तेंने ऊहां दओ आय, उन सब हां अनन्त जीवन देबे।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 6:27

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- यूहन्‍ना 6:39

जीने मोय पठैव, ऊ की मनसा जा आय, कि सब कछु जौन ऊ ने मोय दओ आय, ऊ में से कछु भी न हिराओं पर अखिरी दिना ऊहां फिन जिला दों।

- यूहन्‍ना 6:44

मोरे ऐंगर कोऊ नईं आ सकत, जब लौ बाप जीने मोय पठैव आय, ऊहां अपने ऐंगर खेंच न ले; और मैं अखिरी दिना ऊहां फिन जिला दें हों।

- यूहन्‍ना 6:54

जौन मोरो मांस खात, और मोरो रकत पीयत आय, अनन्त जीवन ऊ को आय, और मैं अखिरी दिना में ऊहां फिन जिला दें हों।

- यूहन्‍ना 8:56

तुमाओ बाप इब्राहीम मोरो दिन तकबे की आस में खुस हतो, ऊ ने तको भी और खुस भओ।

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- इब्रानियों 11:1

बिसवास से हम जिन बातन की आस धरें आंय, पक्की होती और जौन बातें दिखात नईंयां ऊहां पक्को करत आंय।

- इब्रानियों 11:27

बिसवास से मूसा ने मिसर हां छोड़ दओ, और राजा से नईं डरानो, कायसे जौन बातें अबै न दिखात हतीं ऊ ने होत तकीं।

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।

- 1 यूहन्‍ना 2:25

जी की उन ने हमसे कौल करो हतो बो बैकुण्ड को वास आय।

- यहूदा 1:21

और परमेसुर से प्रेम करत रओ; और पिरभु यीशु मसीह से हमाओ तरन तारन हुईये जा बात मन में बसाएं रओ।