- यूहन्‍ना 6:38 - Bundeli Holy Bible

³⁸ कायसे मैं अपनी मनसा नईं, परन्त अपने पठैबेवाले की मनसा पूरी करबे के लाने सरग से उतरो आंव।

- यूहन्‍ना 6:38 ပူးပေါင်းရင်းမြစ်များ

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- यूहन्‍ना 3:13

और कोऊ सरग पे नईं चढ़ो, केवल ओई जौन सरग से उतरो, यानि मान्स को पूत जौन सरग में आय।

- यूहन्‍ना 3:17

कायसे परमेसुर ने अपने पूत हां जगत में ई लाने नईं पठैव, कि जगत हां दोषी ठहराए, पर ई लाने, कि जगत ऊके द्वारा उद्धार पाबै।

- यूहन्‍ना 3:31

जौन ऊ परै से आत आय, बो सबई से बढ़के आय, जौन धरती से आत आय बो धरती कौ आय; और धरती की बातें करत आय: बो जौन सरग से आत आय, बो सब से बढ़के आय।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- यूहन्‍ना 5:19

ई लाने यीशु ने उन से कई, मैं तुम से सांची सांची कैत हों, कि पूत खुद कछु नईं कर सकत, केवल ओई जौन बो बाप हां करत हेरत आय, कायसे जौन कछु बाप करत आय, उनई कामन हां पूत भी ओई रीत से करत आय।

- यूहन्‍ना 5:30

मैं अपनी कोद से कछु नईं कर सकत आंव; जैसो सुनत आंव, वैसई न्याव करत आंव, और मोरो न्याव सांचो आय; कायसे मैं अपनी नईं, परन्त अपने पठैबेवाले की मनसा चाहत आंव।

- यूहन्‍ना 6:29

यीशु ने उन से कई; परमेसुर को काम जौ आय, कि जीहां ऊ ने पठैव आय, तुम ऊ पै भरोसा करो।

- यूहन्‍ना 6:33

कायसे परमेसुर की रोटी बा आय, जौन सरग से उतरत आय और संसार को जीवन देत आय।

- यूहन्‍ना 6:42

और बे कैन लगे; का जौ यूसुफ कौ पूत यीशु नईंयां, जीके मताई बाप हां हम चीनत आंय? तो बो काय कैत आय कि मैं सरग से उतरो आंव।

- यूहन्‍ना 6:57

जैसे जीयत बाप ने मोय पठैव और मैं बाप के काजें जीयत आंव, ऐंसई बो भी जौन मोय खात आय मोरे लाने जीयत रै है।

- रोमियों 15:3

कायसे मसीह ने अपने आप हां खुस नईं करो, पर लेख आय, तोरे निन्दा करबेवारन कौ निन्दरबो मोय पे आ पड़ो।

- इफिसियों 4:9

(उनके चढ़बे से, और का भओ कि बे पाताल में सोई उतर के गए।

- इब्रानियों 5:8

परन्त परमेसुर के लड़का होबे पै भी, उन ने अपने मरबे लौ परमेसुर की कई करी।