- यूहन्‍ना 6:27 - Bundeli Holy Bible

²⁷ ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- यूहन्‍ना 6:27 ပူးပေါင်းရင်းမြစ်များ

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- मत्ती 25:46

जे लोग अनन्त दण्ड भोग हैं, पर धर्मी अनन्त जीवन में जै हैं।

- मत्ती 3:17

और हेरो, जा आकासवानी भई, कि जौ मोरो प्यारो पूत आय, जीसे मैं बिलात खुस हों।

- मत्ती 6:19

अपने लाने धरती पे धन जमा न करियो; जिते कीड़ा और जंग नास करत आंय, और जिते भड़या सेंध मारके भड़याई करत आंय।

- मत्ती 8:20

यीशु ने ऊसे कई, लुखरियन की खोह और आकास के पंछियन के बसेरा होत आंय; पर मान्स के पूत के लाने मूड़ धरबे की भी जांगह नईंयां।

- मरकुस 1:11

और ऐसी आकासवानी भई, कि तें मोरो प्यारो बेटा आय, तोय से मैं खुस आंव।

- मरकुस 9:7

तब एक बादल ने उने ढंक लओ, और ऊ बादल में से जा आवाज आई, कि जौ मोरो प्यारो बेटा आय; ऊ की सुनो।

- लूका 3:22

तब पवित्तर आत्मा कबूतर की भांत ऊ पै उतरो, और जा आकासवानी भई, तें मोरो प्यारो पूत आय, मैं तोसें खुस आंव।

- लूका 9:35

तब ऊ बादल में से जौ बोल कड़ो, कि जौ मोरो पूत और मोरो नबेरो भओ आय, ई की सुनो।

- यूहन्‍ना 10:28

मैं उन हां अनन्त जीवन देत आंव, बे कभऊं नास नईं हुईंयें, और उन हां मोरे हाथन से कोऊ नईं छीन सकत।

- यूहन्‍ना 11:42

और मैं जानत आंव, कि तें सदा मोरी सुनत आय, परन्त चारऊं कोद ठांड़े भए मान्सन के काजें मैंने ऐसी कई, कि बे भरोसा करें, कि तेंने मोय पठैव आय।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 15:24

अगर मैं उन के बीच बे काज नईं करतो, जिन हां और कोई ने नईं करो तो बे पापी नईं ठहरते, पर अब तो उन ने मोय और मोरे बाप हां तको आय, और दोई से बैर करो आय।

- यूहन्‍ना 17:2

कायसे तेंने तो ऊहां सब प्राणियों पे हक दओ आय, कि बो उन सब हां जिन हां तेंने ऊहां दओ आय, उन सब हां अनन्त जीवन देबे।

- यूहन्‍ना 3:15

कि जो कोऊ भरोसा करे, बो ऊ में अनन्त जीवन पाबै।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:47

मैं तुम से सांची सांची कहत आंव, की जौन भरोसा करत आय, अनन्त जीवन ओई कौ आय।

- यूहन्‍ना 6:51

जीवन की रोटी जौन सरग से उतरी बो मैं आंव। जो कोऊ ई रोटी में से खा है, तो बो सदा लौ जीयत रै है, और जौन रोटी मैं जगत के जीवन के लाने दै हों, बो मोरो मांस आय।

- यूहन्‍ना 6:53

यीशु ने उन से कई; मैं तुम से सांची सांची कहत आंव जब लौ तुम मान्स के पूत कौ मांस न खै हौ, और ऊ को रकत न पी हौ, तुम में जीवन नईंयां।

- यूहन्‍ना 6:54

जौन मोरो मांस खात, और मोरो रकत पीयत आय, अनन्त जीवन ऊ को आय, और मैं अखिरी दिना में ऊहां फिन जिला दें हों।

- यूहन्‍ना 6:58

जो रोटी सरग से उतरी बा जाई आय, पुरखन जैसीनईं कि खाई और मर गए। ई रोटी हां जो खै है बो सदा लौ जीयत रै है।

- यूहन्‍ना 6:62

और तुम मान्स के पूत हां ऊ परे जात तक हौ, जिते बो पेंला हतो, तो का कर हौ?

- यूहन्‍ना 6:68

शमौन पतरस ने ऊसे कई, हे प्रभु हम की के ऐंगर जाबें? अनन्त जीवन की बातें तो तोरे ऐंगर आंय।

- यूहन्‍ना 8:18

एक तो मैं अपनी गवाही खुद देत आंव, और दूसरो आय बाप जीने मोय पठैव और मोरे बारे में गवाही देत आय।

- प्रेरितन के काम 10:38

परमेसुर ने कौन भांत से यीशु नासरी हां पवित्तर आत्मा और सामर्थ से भर दओ: बो भलाई करत, और सब हां जौन शैतान छलिया के सताए भए हते, साजो करत फिरो; कायसे परमसुर ऊके संग्गै हतो।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- रोमियों 4:11

इब्राहीम ने खतने कौ चिन्ह पाओ, कि बो बिसवास की धार्मिकता पे छाप होबे, जौन ऊ ने बिना खतना की दसा में धरो हतो: जी से बो उन सबरन कौ बाप ठैरो, जौन बिना खतना की दसा में बिसवास करत आंय, जीसे बे सोई धर्मी ठैरें।

- रोमियों 6:23

कायसे पाप की मजूरी मौत आय, परन्त परमेसुर कौ बरदान हमाए पिरभु यीशु मसीह में अनन्त जीवन आय।

- पैली कुरिन्थियों 6:13

भोजन पेट के लाने और पेट भोजन के लाने आय, परन्त परमेसुर ईहां और ऊहां दोईयन हां नास कर है, परन्त देयां बुरए काम हां नईं, परन्त पिरभु के लाने आय; और पिरभु देयां के लाने आय।

- पैली कुरिन्थियों 9:2

जदि मैं औरन के लाने चेला नईंयां, पर तुमाए लाने तो आंव, कायसे तुम पिरभु में मोरे चेलापन पे मानो छाप आव।

- दूसरी कुरिन्थियों 4:18

हम तो जौन बस्तें दिखात आंय उनहां नईं अकेले जौन दिखात नईंयां उनहां तकत रैत आंय, कायसे जौन बस्तें दिखात आंय बे तनक दिना की आंय, अकेले जौन नईं दिखात बे बिरोबर बनी रै हैं।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- फिलिप्पियों 2:13

कायसे परमेसुर जौन तुमाए मन से और इच्छा हां तुमाए जीवन में पूरो करके अपनी जय करो चाहत आय।

- कुलुस्सियों 1:29

ऐई से मैं बहुतई मैनत करत आंव जौन मोहां उनसे मिलत आय।

- कुलुस्सियों 2:22

(कायसे जे सबरी बस्तें काम में लात लात खतम हो जै हैं)।

- कुलुस्सियों 3:2

ई धरती की बस्तन से मोह न करो परन्त सरग की बस्तन पै ध्यान करो।

- 1 थिस्सलुनीकियों 1:3

हम हमेसा परमेसुर के सामूं तुमाए बिसवास से करे काम, और सेवा जौन प्रेम से करी आय, और यीशु मसीह में हमाई जौन आस आय ऊहां याद करत आंय।

- 2 तीमुथियुस 2:19

परन्त परमेसुर की बातें जीमें नीं जैसी बैठ गई आंय, उन पै ऐसी छाप लगी आय कि परमेसुर उन हां चीनत आंय; जो कोनऊं परमेसुर को नाओं जपत आय, बो अधरम से बचो रै है।

- इब्रानियों 12:16

एसव घांई बुरओ और अधरमी मान्स न कड़े, जीने तनक से भोजन के लाने अपनी आबेवारी आसीस हिरा दई।

- इब्रानियों 4:11

हम हां ऊ विश्राम में जैबे की कोसस करने आय, कहूं ऐसो न होबै, कि हम उनकी कई न करके उते न पहुंच पाबें।

- याकूब 1:11

कायसे सूरज ऊ गतई कड़ो घाम पड़त आय और घांस हां सुखा देत आय, और ऊकौ फूल झड़ जात आय, और ऊ की सुन्दरता जात रैत आय; ओई भांत धनवालो सोई अपनी गैल पे निंगत निंगत धूला में मिल जै है।

- 1 पतरस 1:24

सबरे प्रानी घांस घांई आंय, और ऊ की सबरी सुन्दरता घांस के फूल घांई आय: घांस सूख जात और फूल झड़ जात आय।

- 2 पतरस 1:17

जब पिरभु यीशु मसीह ने परमेसुर बाप से मान, और मईमां पाई तब ऊ जस भरी मईमां में से जौ बोल सुनाई दओ कि जौ मोरो प्यारो पूत आय, जीसे मैं खुस आंव।