- यूहन्‍ना 5:36 - Bundeli Holy Bible

³⁶ परन्त जौन गवाही मोरी आय, बो यूहन्ना की गवाही से बढ़के आय: कायसे बाप ने जिन कामन हां पूरो करबे के लाने मोय सौंपो आय, यानि बे काम जौन मैं करत आंव, बेई मोरे बारे में गवाही देत आंय, कि बाप ने मोय पठैव।

- यूहन्‍ना 5:36 ပူးပေါင်းရင်းမြစ်များ

- मत्ती 11:4

यीशु ने उन से कई, कि जो कछु तुम सुनत और हेरत आव, जाके ऊकी खबर यूहन्ना हां देओ।

- लूका 2:49

ऊ ने उन से कई; तुम मोय काय ढूंढ़त हते? का न जानत हते, कि मोय अपने बाप के घर में होबो जरूरी आय।

- यूहन्‍ना 10:25

यीशु ने उन से कई, मैंने तुम से कह दई, और तुम भरोसा नईं करत, जौन काज मैं अपने बाप के नाओं से करत आंव बेई मोरे बारे में गवाही देत आंय।

- यूहन्‍ना 11:37

परन्त उन में से कितेक ने कई, का जौ जीने अन्धरे की आंखन हां खोलो, का ई मान्स हां मरबे से नईं बचा सकत हतो?

- यूहन्‍ना 15:24

अगर मैं उन के बीच बे काज नईं करतो, जिन हां और कोई ने नईं करो तो बे पापी नईं ठहरते, पर अब तो उन ने मोय और मोरे बाप हां तको आय, और दोई से बैर करो आय।

- यूहन्‍ना 17:4

जौन काज तेंने मोय करबे हां दओ हतो, ऊहां पूरो करके मैंने धरती पे तोरी महिमा करी आय।

- यूहन्‍ना 2:23

जब बो फसह के परब की बेरा यरूशेलेम में हतो, तो बिलात लोगन ने उन चिन्ह हां जिन हां बो दरसात हतो, हेर के ऊके नाओं पे भरोसा करो।

- यूहन्‍ना 3:17

कायसे परमेसुर ने अपने पूत हां जगत में ई लाने नईं पठैव, कि जगत हां दोषी ठहराए, पर ई लाने, कि जगत ऊके द्वारा उद्धार पाबै।

- यूहन्‍ना 3:2

ऊ ने रात में यीशु के ऐंगर आके कई, हे गुरू, हम जानत आंय, कि तें परमेसुर की कोद से आओ भओ गुरू आय; कायसे इन चिन्ह हां जौन तें दिखात आय, कोऊ नईं दरसा सकत, जब लौ परमेसुर ऊके संग्गै नईं होबै।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- यूहन्‍ना 5:32

मोरे बारे में गवाही देबेवालो एक और आय, और मैं जानत आंव, कि जौन मोरे बारे में गवाही देत आय बो सांची आय।

- प्रेरितन के काम 2:22

हे इस्राएलियो, जे बातें सुनो: कि यीशु नासरी नाओं को एक मान्स हतो बो परमेसुर कोद से आओ हतो जा बात ऊके द्वारा करे गए सामर्थ के काम, आश्चर्य कर्म और चिन्हों से साबित आय, जौन परमेसुर ने तुमाए बीच ऊके द्वारा करे, जीहां तुम जानत आव।

- 1 यूहन्‍ना 5:9

जब हम मान्सन की कई मानत आंय, तो परमेसुर की कई तो ईसे बढ़के होत आय; जौन बात उन ने अपने बेटा यीशु मसीह के लाने कई आंय।