- यूहन्‍ना 5:26 - Bundeli Holy Bible

²⁶ कायसे जैसे बाप अपने में जीवन धरत आय, ऊं सई ऊ ने पूत हां भी खुद में जीवन धरबे कौ हक्क दओ आय।

- यूहन्‍ना 5:26 ပူးပေါင်းရင်းမြစ်များ

- यूहन्‍ना 1:4

ऊ में जीवन हतो, और बो जीवन मान्सन की ज्योत हती।

- यूहन्‍ना 10:18

कोई ऊहां मोय से नईं छीनत, पर मैं ऊहां अपने आपई देत आंव: मोय ऊहां देबे को हक भी आय, और फिन ले लेबे कौ भी हक आय: जौ हुकुम मोय अपने बाप से मिलो आय।

- यूहन्‍ना 11:25

यीशु ने ऊसे कई, फिन जी जाबो और जीवन मैं ही आंव, जौन मोय पे भरोसा करत आय बो जदि मर भी जाए, तो भी जी जै है।

- यूहन्‍ना 11:26

और हरएक जौन जीयत आय, और मोय पे भरोसा करत आय, कभऊं नईं मर है, का तें ई बात पे भरोसा करत आय?

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 4:10

यीशु ने ऊसे कई, अगर तें परमेसुर के बरदान हां चीनती, और जौ भी कि बो को आय जो तोसे कैत आय; मोय पानू पिला तो तें ऊसे मांगती, और बो तोय जीवन कौ पानू देतो।

- यूहन्‍ना 6:57

जैसे जीयत बाप ने मोय पठैव और मैं बाप के काजें जीयत आंव, ऐंसई बो भी जौन मोय खात आय मोरे लाने जीयत रै है।

- यूहन्‍ना 8:51

मैं तुम से सांची सांची कहत आंव, अगर कोऊ मोरो बचन कौ पालन कर है, तो बो कभऊं मृत्यु हां न तक है।

- प्रेरितन के काम 17:25

और न ही मान्सन के हाथन से खुसामत करात आय, कायसे ऊहां कोऊ बात की कमी घटी नईंयां, बो सब हां जीवन और सांस और सब कछु देत आय।

- पैली कुरिन्थियों 15:45

ऐसई लिखो सोई आय, कि पैलो मान्स, आदम जीबेवारो प्रानी बनो, और आखरी आदम, जीवन देबेवारो आत्मा बनो।

- 1 तीमुथियुस 1:17

अब महान राजा सदा बने रैबेवारे अनदेखे, ऐसे परमेसुर जिनको कोऊ मेल को नईयां उन हां मान, जस जुगजुग होत रैबै। आमीन।

- 1 तीमुथियुस 6:16

और अमरता केवल ओई की आय, और बो अगम्य ज्योत में रहत आय, और न ऊहां कोई मान्स ने तको, और न कभऊं तक सकत आय: ऊ की प्रतिष्ठा और राज जुग जुग लौ रै है। आमीन।

- इब्रानियों 1:2

अन्त में परमेसुर ने अपने पुत्तर हां पठै कै उन में होकें बातें करीं जीसे संसार हां रचो, और एक दिना बेई पूरे संसार के मालक हुईयें।

- यूहन्‍ना के दरसन कौ खुलासा 21:6

फिन ऊ ने मोय से कहो, जे बातें पूरी हो गई आंय, मैं अलफा और ओमिगा, शुरु और अन्त आंव: मैं प्यासे मान्स हां जीवन के जल के झरने से सेंत मेंत पिला हों।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:17

आत्मा और दुल्हिन दोई कैत हैं, कि आओ; सुनबेवारे सोई कहें, कि आओ; और जीहां प्यास लगी होबे बो आबै, और जो चाहे जीवन को जल सेंतमेंत लेबे।

- यूहन्‍ना के दरसन कौ खुलासा 7:17

कायसे मेमना जो सिंहासन के बीच में आय, बो उनकी रखनवारी कर है; और उन हां जीवन के जल के झरने लौ ले जै है, और परमेसुर उन की आंखन से सबरे अंसुआ पोंछ डाल है।