- यूहन्‍ना 5:20 - Bundeli Holy Bible

²⁰ कायसे बाप पूत से प्रेम करत आय, और बो उन सब कामन हां ऊहां दिखात आय; जिन हां बो खुद करत आय, और बो इन से भी बड़े कामन हां ऊहां तका है, जीसे की तुम अचरज करो।

- यूहन्‍ना 5:20 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 17:5

बो बोलई रओ हतो, कि हेरो, एक उजले बादल ने उन हां छा लओ, और हेरो; बादल में से जौ बोल सुनाई दओ, कि जौ मोरो लाड़लो पूत आय, जीसे मैं बिलात खुस आंव: ई की सुनियो।

- मत्ती 3:17

और हेरो, जा आकासवानी भई, कि जौ मोरो प्यारो पूत आय, जीसे मैं बिलात खुस हों।

- मत्ती 4:8

फिन शैतान ऊहां एक बिलात ऊंचे पहरवा पै लै गओ, और जगत कौ पूरो राज्य और सिहांसन तका के।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:32

यीशु ने उन से कई, मैंने बाप की कोद से तुम हां बिलात साजे काज दिखाए आंय, उन में से की काज के लाने तुम मोय पत्थरा मारत आव?

- यूहन्‍ना 14:12

मैं तुम से सांची सांची कहत आंव, कि जौन मोय में भरोसा करत आय, बे काज जौन मैं करत आंव बो भी कर है, और ईसे भी बड़े काज कर है, कायसे मैं बाप के ऐंगर जात आंव।

- यूहन्‍ना 15:15

अब से मैं तुम हां गुलाम नईं कै हों, कायसे गुलाम नईं जानत, कि ऊ को मालक का करत आय, परन्त मैंने तुम हां संगी कहो आय, कायसे बे सब बातें जौन मैंने अपने बाप से सुनी आंय, तुम हां बता दईं आंय।

- यूहन्‍ना 17:26

और मैंने तोरो नाओं इन हां बताओ और बतात रै हों की जो प्रेम तेंने मोय से करो, बो प्रेम उन में रैबे और मैं उन में रहों।

- यूहन्‍ना 3:35

बाप पूत से प्रेम करत आय, और ऊ ने ओई के हाथ में सब कछु दै दओ आय।

- यूहन्‍ना 5:21

कायसे जी तरहां बाप मरे भयन हां जिला देत आय, ऊं सई पूत जिन हां चाहत आय उन हां जिलात आय।

- यूहन्‍ना 5:25

मैं तुम से सांची सांची कहत आंव, बो बेरा आ रई आय, और अबै आय, जब मरे भए लोग परमेसुर के पूत कौ बोल सुन हैं, और जौन सुन हैं बे जी जै हैं।

- यूहन्‍ना 5:29

जिन ने साजे काज करे आंय बे अनन्त जीवन के लाने जी उठ हैं, और जिन ने बुरय काज करे आंय बे दण्ड भोगबे के लाने फिन जी उठ हैं।

- 2 पतरस 1:17

जब पिरभु यीशु मसीह ने परमेसुर बाप से मान, और मईमां पाई तब ऊ जस भरी मईमां में से जौ बोल सुनाई दओ कि जौ मोरो प्यारो पूत आय, जीसे मैं खुस आंव।