- यूहन्‍ना 5:18 - Bundeli Holy Bible

¹⁸ ई बात से यहूदी ऊहां मार डालबे की और ज्यादा कोसिस करन लगे, कायसे बो न केवल सब्त की रीत हां तोड़ रओ हतो, परन्त परमेसुर हां अपनो बाप कहके, अपने आप हां परमेसुर के बरोबर ठहरा रओ हतो।

- यूहन्‍ना 5:18 ပူးပေါင်းရင်းမြစ်များ

- मत्ती 12:5

का तुम ने नैम की पोथी में नईं पढ़ो, कि याजक सब्त के दिना मन्दर में सब्त के नैम हां नईं मानत, फिन भी बरी माने जात आंय?

- यूहन्‍ना 1:19

यूहन्ना की गवाही जा आय, जब यहूदियन ने ऊके ऐंगर यरूशलेम से याजकन और लेवियन हां पूंछबे पठैव, तें को आय?

- यूहन्‍ना 10:30

मैं और बाप एकई आंय।

- यूहन्‍ना 10:33

यहूदियन ने ऊसे कई, हम साजे काजन के लाने तोय पत्थरा नईं मारत, पर परमेसुर कौ ठठ्ठो करबे के लाने और ई लाने भी की तें मान्स होकें अपने हां परमेसुर बतात आय।

- यूहन्‍ना 14:23

यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- यूहन्‍ना 14:9

यीशु ने ऊसे कई; हे फिलिप्पुस, मैं इतेक दिना से तुमाए संग्गै आंव फिन भी तुम मोय नईं जानत? जीने मोय जानो आय ऊ ने बाप हां सोई जानो आय: तें काय कहत आय कि बाप हां हम हां दिखा दे?

- यूहन्‍ना 19:7

यहूदियन ने ऊसे कई, हमाई भी रीतियां आंय और ऊ रीतियन के अन्सार ईहां मृत्यु दन्ड मिलबो चईये, कायसे ऊ ने अपने हां परमेसुर कौ पूत कहो।

- यूहन्‍ना 5:15

ऊ मान्स ने जाके यहूदियन हां बताओ, कि बो यीशु आय, जीने मोय साजो करो।

- यूहन्‍ना 5:16

ईसें यहूदी लोग यीशु हां परेसान करन लगे, कायसे बो जे काम सब्त के दिन करत हतो।

- यूहन्‍ना 5:17

परन्त यीशु ने उन से कई, की मोरो बाप अबै लेओ काम करत आय, और मैं खुद भी काम करत आंव।

- यूहन्‍ना 5:23

कि सब लोग पूत कौ वैसई मान करें, जैसो की बाप कौ मान करत आंय, जौन पूत को मान नईं करत, बो बाप को भी मान नईं करत, जीने ऊहां पठैव।

- यूहन्‍ना 7:1

इन बातन के पाछें यीशु गलील में फिरत रओ, बो यहूदिया में नईं जाओ चाहत हतो, कायसे यहूदी ऊहां मार डालबे की खोज में हते।

- यूहन्‍ना 7:19

का मूसा ने तुम हां नैम नईं दईं? फिन भी तुम में से कोई रीतियन कौ पालन नईं करत। तुम काय मोय मार डालबो चाहत आव?

- यूहन्‍ना 8:54

यीशु ने उन से कई; जदि मैं खुद की बड़ाई करों, तो मोरो मान कछु भी नईंयां, मोय मान देबेवालो मोरो बाप आय, जीके बारे में तुम कहत आव, कि बो हमाओ परमेसुर आय।

- यूहन्‍ना 8:58

यीशु ने उन से कई; मैं तुम से सांची सांची कहत आंव; ईसे पेंला कि इब्राहीम पैदा भओ मैं आंव।

- फिलिप्पियों 2:6

जौन परमेसुर हते परन्त उन ने परमेसुर जैसो होबो नईं चाहो।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:3

फिन श्राप न हुईये, और परमेसुर और मेमना कौ सिंहासन नगर में हुईये, और ऊके चाकर ऊ की सेवा कर हैं।