- यूहन्‍ना 5:15 - Bundeli Holy Bible

¹⁵ ऊ मान्स ने जाके यहूदियन हां बताओ, कि बो यीशु आय, जीने मोय साजो करो।

- यूहन्‍ना 5:15 ပူးပေါင်းရင်းမြစ်များ

- मरकुस 1:45

लेकिन ऊ बाहर जाके ई बात हां भौत परचार करन लगो, और इते तक फैलान लगो कि यीशु फिन खुलासां नगर में ना जा पाओ, लेकिन बाहरी जंगली जांगा में रओ; और चारऊं कोद से लोग ऊके ऐंगर आत रए।

- यूहन्‍ना 1:19

यूहन्ना की गवाही जा आय, जब यहूदियन ने ऊके ऐंगर यरूशलेम से याजकन और लेवियन हां पूंछबे पठैव, तें को आय?

- यूहन्‍ना 4:29

आओ, एक मान्स हां तको, जीने बो सब कछु जौन मैंने करो, ऊ ने मोय बता दओ: कहूं जौई तो मसीह नईंयां?

- यूहन्‍ना 5:10

ई लाने यहूदियन ने ऊ से, जौन साजो भओ हतो, कई आज सब्त कौ दिना आय, ई लाने बिछौना उठाबो तोरे लाने साजो नईंयां।

- यूहन्‍ना 5:12

उन ने ऊसे पूंछी, बो मान्स को आय जीने तोसे कई अपनो बिछौना उठा और चल फिर?

- यूहन्‍ना 5:16

ईसें यहूदी लोग यीशु हां परेसान करन लगे, कायसे बो जे काम सब्त के दिन करत हतो।

- यूहन्‍ना 5:18

ई बात से यहूदी ऊहां मार डालबे की और ज्यादा कोसिस करन लगे, कायसे बो न केवल सब्त की रीत हां तोड़ रओ हतो, परन्त परमेसुर हां अपनो बाप कहके, अपने आप हां परमेसुर के बरोबर ठहरा रओ हतो।

- यूहन्‍ना 9:15

फिन फरीसियन ने ऊसे पूंछी; कि तें कैसे हेरन लगो? और ऊ ने उन से कई; ऊ ने मोरी आंखन पे माटी लगाई, और मैंने धोओ, और अब मैं हेरत आंव।

- यूहन्‍ना 9:25

तब ऊ ने उन से कई, मैं नईं जानत, कि बो पापी आय या नईंयां। मैं तो एक बात जानत आंव, कि मैं अन्धरो हतो और अब हेरत आंव।

- यूहन्‍ना 9:30

ऊ मान्स ने उन से जा कई; अरे जा तो बड़ी अचरज की बात आय कि तुम नईं जानत कि बो किते कौ आय, फिन भी ऊ ने मोरी आंखें खोल दईं।

- यूहन्‍ना 9:34

उन ने ऊसे कई, तें तो पापन से जन्मो आय, तें हम हां का सिखात आय? और उन ने ऊहां बायरें काड़ दओ।