- यूहन्‍ना 4:34 - Bundeli Holy Bible

³⁴ यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- यूहन्‍ना 4:34 ပူးပေါင်းရင်းမြစ်များ

- मत्ती 26:39

फिन बो उन से तनक आंगू बढ़ो और मों के बल गिरो, और जा बिनती करन लगो, ओ मोरे बाप, जदि हो सकत आय, तो जौ कटोरा मोय से टल जाबै; फिन भी मोरी नईं, पर तोरी मनसा पूरी होय।

- मत्ती 3:15

यीशु ने ऊसे कई, अब तो ऐसई होन दे, कायसे हमाए लाने जौई साजो आय कि ई तरहां ऐसई सबरी धार्मिकता हां पूरो करबें, तब ऊने ऊकी बात मान लई।

- मत्ती 9:19

यीशु उठो और अपने चेलन के संग्गै ऊके पाछें चल दओ।

- लूका 15:10

मैं तुम से कैत आंव; कि ऐई भांत से एक हिया फेरबेवारे अधरमी के विषय में परमेसुर के सरगदूतन के सामूं खुसी मनाई जात आय।

- लूका 19:10

कायसे मान्स कौ पूत हिराने भयन हां ढूढ़बे और उन कौ उद्धार करबे हां आओ आय।

- लूका 2:49

ऊ ने उन से कई; तुम मोय काय ढूंढ़त हते? का न जानत हते, कि मोय अपने बाप के घर में होबो जरूरी आय।

- यूहन्‍ना 17:4

जौन काज तेंने मोय करबे हां दओ हतो, ऊहां पूरो करके मैंने धरती पे तोरी महिमा करी आय।

- यूहन्‍ना 19:28

ईके पाछें यीशु ने जौ जानके कि सब कछु पूरो हो गओ आय; ई लाने कि पवित्र शास्त्र की बात पूरी होय कई, मैं प्यासो आंव।

- यूहन्‍ना 19:30

जब यीशु ने बो सिरका लओ, तो कई, पूरो भओ और ऊ ने मूड़ नवा के प्राण छोड़ दए।

- यूहन्‍ना 4:32

पर यीशु ने उन हां बोलो, मोरे ऐंगर खाबे हां ऐसी रोटी आय, जीके बारे में तुम नईं जानत आव।

- यूहन्‍ना 5:30

मैं अपनी कोद से कछु नईं कर सकत आंव; जैसो सुनत आंव, वैसई न्याव करत आंव, और मोरो न्याव सांचो आय; कायसे मैं अपनी नईं, परन्त अपने पठैबेवाले की मनसा चाहत आंव।

- यूहन्‍ना 5:36

परन्त जौन गवाही मोरी आय, बो यूहन्ना की गवाही से बढ़के आय: कायसे बाप ने जिन कामन हां पूरो करबे के लाने मोय सौंपो आय, यानि बे काम जौन मैं करत आंव, बेई मोरे बारे में गवाही देत आंय, कि बाप ने मोय पठैव।

- यूहन्‍ना 6:33

कायसे परमेसुर की रोटी बा आय, जौन सरग से उतरत आय और संसार को जीवन देत आय।

- यूहन्‍ना 6:38

कायसे मैं अपनी मनसा नईं, परन्त अपने पठैबेवाले की मनसा पूरी करबे के लाने सरग से उतरो आंव।

- यूहन्‍ना 8:29

जीने मोय पठैव बो मोरे संग्गै आय; ऊ ने मोय अकेलो नईं छोड़ो; कायसे मैं सदा बे ही काज करत आंव, जीसे बो खुस होत आय।

- प्रेरितन के काम 20:35

मैंने तुमहां हरएक बातन से जौ बताओ आय, की तुम भी ऐंसई कड़ी मेहनत करके, कमजोरन हां संभालो, और प्रभु यीशु मसीह की बातन की खबर धरियो, जौन ऊ ने आपऊ कहे; की लेबे से देबो धन्य आय।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।