- यूहन्‍ना 4:11 - Bundeli Holy Bible

¹¹ बईयर ने ऊसे कई, हे प्रभु, तोरे ऐंगर पानी भरबे हां कछु नईंयां, और कुआं गहरो आय, तो बो जीवन कौ पानू तोरे ऐंगर किते से आओ?

- यूहन्‍ना 4:11 ပူးပေါင်းရင်းမြစ်များ

- यूहन्‍ना 3:4

नीकुदेमुस ने ऊसे कई, बूढ़ो मान्स कैसे जन्म लै सकत आय? का बो अपनी मताई के गरभ में दूसरी बेर जाके जन्म लै सकत आय?

- यूहन्‍ना 4:14

पर जो कोनऊं ऊ पानू में से पी है, जौन मैं ऊहां दै हों, बौ कभऊं प्यासो नईं हुईये, कायसे बो पानू ऐसो दैहों, ऊ में सदा लौ जीबे के लाने उमड़बे वालो पानू कौ सोता बन जै है।

- यूहन्‍ना 7:37

फिन परब के अखिरी दिना, जौन खास दिना हतो, यीशु ठांड़ो भओ और जोर से कहन लगो, अगर कोऊ प्यासो होय तो मोरे ऐंगर आके पी ले।

- प्रेरितन के काम 10:14

पर पतरस ने कओ, नईं पिरभु, कभऊं नईं; कायसे कि मैंने कभऊं कौनऊ अपवित्र या अशुद्ध बस्त नईं खाई आय।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- यूहन्‍ना के दरसन कौ खुलासा 21:6

फिन ऊ ने मोय से कहो, जे बातें पूरी हो गई आंय, मैं अलफा और ओमिगा, शुरु और अन्त आंव: मैं प्यासे मान्स हां जीवन के जल के झरने से सेंत मेंत पिला हों।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:17

आत्मा और दुल्हिन दोई कैत हैं, कि आओ; सुनबेवारे सोई कहें, कि आओ; और जीहां प्यास लगी होबे बो आबै, और जो चाहे जीवन को जल सेंतमेंत लेबे।

- यूहन्‍ना के दरसन कौ खुलासा 7:17

कायसे मेमना जो सिंहासन के बीच में आय, बो उनकी रखनवारी कर है; और उन हां जीवन के जल के झरने लौ ले जै है, और परमेसुर उन की आंखन से सबरे अंसुआ पोंछ डाल है।