- यूहन्‍ना 3:16 - Bundeli Holy Bible

¹⁶ कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 3:16 ပူးပေါင်းရင်းမြစ်များ

- उत्पत्ति 22:12

ऊने कई, “ऊ मोंड़ा पै हाथ नें बढ़ा, और नें ऊहों कछु कर; कायसे तेंने जो मोए सें अपने मोंड़ा, बल्‍कि अपने एकलौते मोंड़ा हों भी नईं रख छोड़ो; ईसें मैं अब जान गओ कि तें यहोवा परमेसुर कौ डर मानत आय।”

- उत्पत्ति 22:2

यहोवा परमेसुर ने कई, “अपने मोंड़ा हों मतलब अपने एकलौते मोंड़ा इसहाक हों जीसें तें प्रेम रखत आय, संगै लैकें मोरिय्‍याह देस में चलो जा; और उतै ऊहों एक पहड़वा के ऊपर मैं जो तोहों बताहों होमबलि करके चढ़ा।”

- मत्ती 9:13

तुम जाओ और ईको मतलब सीख लेओ, मैं बलि नईं बल्कि दया चाहत आंव; कायसे मैं धर्मियन हां नईं पर पापियन हां बचाबे हां आओ हों।

- मरकुस 12:6

अब एकई बचो हतो, जौन ऊ को प्यारो बेटा हतो; अन्त में ऊ ने ऊहां भी उनके ऐंगर जौ सोच के भेजो कि बे मोरे बेटा की इज्जत कर हैं।

- लूका 2:14

आकास में परमेसुर की मईमा और धरती पे उन मान्सन में जिन से बो खुस आय सान्ति होबे।

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 1:29

दूसरे दिना ऊ ने यीशु हां अपनी कोद आत तक के कई, हेरो, परमेसुर को मेमना आय, जौन जगत कौ पाप उठा लै जात आय।

- यूहन्‍ना 10:28

मैं उन हां अनन्त जीवन देत आंव, बे कभऊं नास नईं हुईंयें, और उन हां मोरे हाथन से कोऊ नईं छीन सकत।

- यूहन्‍ना 3:15

कि जो कोऊ भरोसा करे, बो ऊ में अनन्त जीवन पाबै।

- यूहन्‍ना 3:18

जौन ऊ पे भरोसा करत आय, बो दोषी नईं ठहराओ जात, जौन भरोसा नईं करत, बो दोषी ठहराओ जा चुको आय; कायसे ऊ ने परमेसुर के एकलौते पूत के नाओं पै भरोसा नईं करो।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- रोमियों 5:10

कायसे बैरी होबे की दसा में ऊके पुत्र की मौत के द्वारा हमाओ मेल मिलाप परमेसुर से भओ, सो फिन मेल हो जाबे पे ऊके जीवन से हम तरन तारन काय न पा हैं?

- रोमियों 5:8

परन्त परमेसुर हम पे अपने प्रेम की भलाई ई भांत से उजागर करत आय, कि जब हम पापी हते तबई मसीह हमाए लाने मरो।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- इफिसियों 2:4

अकेले परमेसुर जौन बड़ी दया करत आय; और अपने प्रेम से जौन उन ने अपन से करो।

- 2 थिस्सलुनीकियों 2:16

और हमाओ पिरभू यीशु मसीह और पिता परमेसुर जीने हम से प्रेम करो, और अपनी दया से ऐसी सान्ति जौन हमेसा रै है और बढ़िया आस दई आय।

- तीतुस 3:4

परन्त जब हमाए पिरभु यीशु मसीह ने किरपा करके हम से प्रेम करो।

- इब्रानियों 2:9

यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- 1 यूहन्‍ना 3:1

हेरो, परमेसुर पिता ने हम से कैसो प्रेम करो, कि हम परमेसुर के लड़का बिटिया कहाय, और हम आंय सोऊ: ऐईसे संसार हम हां नईं चीनत, कायसे संसार के मान्सन ने उन हां सोई नईं मानो।

- 1 यूहन्‍ना 4:19

हम ईसे प्रेम करत आंय, कि उन ने पेंला होकें हम से प्रेम करो।

- यूहन्‍ना के दरसन कौ खुलासा 1:5

और यीशु मसीह की कोद से, जौन सच्चे गवाह और मरे भयन में से जी जाबेवाले में पहलौठा, और संसार के राजन के स्वामी आंय, तुम हां सान्ति और दया मिलत रए: जो हम से प्रेम रखत आय, और जीने अपने खून के द्वारा हम हां पापन से छुड़ाओ आय।