- यूहन्‍ना 3:15 - Bundeli Holy Bible

¹⁵ कि जो कोऊ भरोसा करे, बो ऊ में अनन्त जीवन पाबै।

- यूहन्‍ना 3:15 ပူးပေါင်းရင်းမြစ်များ

- मत्ती 18:10

कायसे तोरे लाने कनवा होकें सरग के राज्य में जाबो ईसे कहूं भलो आय, कि तें दो आंखें रहत भए नरक की आगी मैं डारो जाबै।

- मत्ती 25:46

जे लोग अनन्त दण्ड भोग हैं, पर धर्मी अनन्त जीवन में जै हैं।

- मरकुस 16:16

जो बिसवास कर है और बपतिस्मा लै है ओई को उद्धार हुईये, लेकिन जो बिसवास नें कर है ऊ दोषी ठहराओ जै है।

- लूका 19:10

कायसे मान्स कौ पूत हिराने भयन हां ढूढ़बे और उन कौ उद्धार करबे हां आओ आय।

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- यूहन्‍ना 16:33

जे बातें मैंने तुम से ई लाने कई आंय, कि तुम मोय में सान्ति पाओ; संसार में तुम हां दुख होत आय, परन्त हिम्मत बांधो, मैंने जगत हां जीत लओ आय।

- यूहन्‍ना 20:31

पर जे ई लाने लिखे गए आंय, कि तुम भरोसा करो, कि यीशु ही परमेसुर कौ पूत मसीह आय: और भरोसा करके ऊके नाम से अनन्त जीवन पाओ।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 5:24

मैं तुम से सांची सांची कहत आंव, जौन मोरो बचन सुनके मोरे पठैबेवाले पे भरोसा करत आय, अनन्त जीवन ऊ को आय, और ऊ पे दण्ड कौ हुकुम नईं हुईये, परन्त बो मृत्यु से पार होकें जीवन में पिड़ चुको आय।

- यूहन्‍ना 6:27

ऊ रोटी के लाने मेहनत नईं करो जौन नास हो जात आय, परन्त ऊ रोटी के लाने जौन अनन्त जीवन लौ बनी रहत आय, जीहां मान्स कौ पूत तुम हां दै है, कायसे बाप यानि परमेसुर ने ओई पे अपनी छाप लगाई आय।

- यूहन्‍ना 6:40

कायसे मोरे बाप की मनसा जा आय, कि जौन पूत हां तके, और ऊ पे भरोसा करत आय, बो अनन्त जीवन पाबै; और मैं अखिरी दिना में ऊहां फिन जिला दें हों।

- यूहन्‍ना 6:47

मैं तुम से सांची सांची कहत आंव, की जौन भरोसा करत आय, अनन्त जीवन ओई कौ आय।

- प्रेरितन के काम 13:41

हे ठट्ठौ करबेवालो, हेरो, और अचरज करो, और मिट जाओ; कायसे मैं तुमाए दिन में एक काज कर रओ आंव; ऐसो काज, जीकी अगर कोऊ तुम से चरचा भी करे, तो तुम कभऊं ऊ की बातन कौ भरोसा न करियो।

- प्रेरितन के काम 8:36

गैल पे चलत चलत बे कौनऊ सूनसान जांगा पोंचे, तब खोजे ने कओ, तको इते पानी आय, अब मोहां बपतिस्मा लेबे हां का रोक आय।

- रोमियों 5:21

कि जैसो पाप ने मौत फैलात भए राज करो, ऊंसई हमारे पिरभु यीशु मसीह के द्वारा दया सोई अनन्त जीवन के लाने धर्मी ठैरात भए राज करे।

- पैली कुरिन्थियों 1:18

कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- दूसरी कुरिन्थियों 4:3

अकेले हमाए परचार पै कछु परदा डलो आय, तो बो जौन नरक कुण्ड जाबेवारे आंय उन के लाने मानो डलो आय।

- गलतियों 2:16

अकेले जौ जानत आंय कि मान्स नैम पूरो करके नईं, परन्त यीशु मैं बिसवास धरके बच सकत आय, हम ने सोई मसीह पै बिसवास धरो, कि हम नैम के कानून कायदन से नईं, अकेले मसीह पे बिसवास धरे से धरमी बने; कायसे नैम के काम करबे से कोऊ जनो धरमी नईं होत।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इब्रानियों 10:39

हम उन मान्सन घांई नईंयां, जो पिछल के बिगड़ गए परन्त हम अपने बिसवास में पक्के रै हैं, कि तरन तारन पाबें।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- 1 यूहन्‍ना 2:25

जी की उन ने हमसे कौल करो हतो बो बैकुण्ड को वास आय।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- 1 यूहन्‍ना 5:20

कायसे हम हां पता आय, कि परमेसुर के बेटा ई धरती पै आ गए आंय, और उन ने हम हां ऐसी सीख दई आय, कि हम उन सांचे जनें को चीनें, और उनईं के संग्गै बने रैबें; बे सांचे परमेसुर आंय और उन में होकें बैकुण्ड वास मिलत आय।