- यूहन्‍ना 21:7 - Bundeli Holy Bible

⁷ ई लाने ऊ चेले ने जीसे यीशु प्रेम करत हतो पतरस से कई, जौ तो प्रभु आय: जब पतरस ने सुनी कि जौ प्रभु आय, तो ऊ ने अपनो चोगा पहन लओ, कायसे बो नंगो हतो, और झील में कूद पड़ो।

- यूहन्‍ना 21:7 ပူးပေါင်းရင်းမြစ်များ

- मरकुस 11:3

अगर तुम से कोऊ जौ पूछे, जौ का करत आव? तो कईयो, कि प्रभु हां ईकौ प्रयोजन आय; और ऊ तुरतईं ऊहां इतै भेज दै है।

- लूका 12:35

तुमाई कमर बन्धी रएं, और तुमाए दिये जलत रएं।

- लूका 2:11

कि आज दाऊद के नगर में तुमाए लाने एक उद्धार कबेवारो जन्मो आय, और जौई मसीह पिरभु आय।

- लूका 7:47

ई लाने मैं तोसें कैत आंव; कि ईके पाप जौन कुल्ल बिलात हते, छिमा भए, कायसे ईने बिलात प्रेम करो; पर जीकौ तनक छिमा भओ आय, ऊ तनक प्रेम करत आय।

- यूहन्‍ना 13:23

ऊके चेलन में से एक जीसे यीशु प्रेम करत हतो, यीशु की कोद झुको बैठो हतो।

- यूहन्‍ना 19:26

यीशु ने अपनी मताई और ऊ चेला हां जीसे बो प्रेम करत हतो, ऐंगर ठांड़े भए हेरो और अपनी मताई से कई; हे नारी, हेर, जौ तोरो पूत आय।

- यूहन्‍ना 20:2

तब बो गदबद देके शमौन पतरस और दूसरे चेला जीसे यीशु प्रेम करत हतो, उन के ऐंगर आके कई, बे प्रभु हां कबर में से काड़ ले गए आंय; और हम नईं जानत, कि उन ने ऊहां किते धर दओ आय।

- यूहन्‍ना 20:20

जब बो जौ कह चुको तो ऊ ने अपने हाथ और पंजर दोई उनहां दिखाए, तब चेले प्रभु हां हेर के खुस भए।

- यूहन्‍ना 20:28

थोमा ने यीशु से कई, हे मोरे प्रभु, हे मोरे परमेसुर!

- यूहन्‍ना 21:20

पतरस ने फिर के ऊ चेले हां पाछें आत तको, जीसे यीशु प्रेम करत हतो, यानि ओई जीने खाबे की बेरा ऊ की छाती की कोद नब के पूंछी हती, प्रभु, तोय पकड़वाबे वालो को आय?

- यूहन्‍ना 21:24

जौ ओई चेलो आय, जौन इन बातन की गवाही देत आय और जीने इन बातन हां लिखो आय और हम जानत आंय, कि ऊ की गवाही सांची आय।

- यूहन्‍ना 21:8

पर दूसरे चेले हल्की नाव पे मछरियों से भरो भओ जाल खेंचत भय आए, कायसे बे घाट से बिलात दूर नईं, पर मानो दो सौ हाथ दूर हते।

- प्रेरितन के काम 10:36

जौन सन्देसो ऊ ने इस्राएलियन के ऐंगर पठैओ, जब ऊ ने यीशु मसीह के द्वारा (जौन सबई कौ पिरभु आय) सान्ति कौ भलो सन्देसो सुनाओ।

- प्रेरितन के काम 2:36

सो अब इस्राएलियन कौ सबरो घरानो पक्को जान लैबे कि परमेसुर ने ओई यीशु हां जीहां तुम ने क्रूस पे चढ़ाओ, प्रभु भी ठहराओ और मसीह सोई।

- पैली कुरिन्थियों 15:47

पैलो मान्स धरती से, जाने कि माटी कौ हतो; दूसरो मान्स सरग कौ आय।

- दूसरी कुरिन्थियों 5:14

कायसे मसीह को प्रेम हम हां बिवस कर देत आय; ईसे हम समझत आंय, कि एक जनों सबरन के काजें मरो तो सबरे मानो मर गए।

- याकूब 2:1

हे मोरे भईया हरौ, हमाए पिरभु यीशु मसीह जौन जसवारे आंय, उनकौ बिसवास तुम में पिच्छदारी से न होबे।