- यूहन्‍ना 21:18 - Bundeli Holy Bible

¹⁸ मैं तोसे सांची सांची कहत आंव, जब तें जुआन हतो, तो अपनी करयाई बांध के जिते चाहत हतो, उते फिरत हतो; पर जब तें बूढ़ो हुईये, तो अपने हाथ लम्बे कर है, और कोऊ दूसरो तोरी करयाई बांध है और जिते तें नईं चाहे उते तोय ले जै है।

- यूहन्‍ना 21:18 ပူးပေါင်းရင်းမြစ်များ

- लूका 12:37

धन्न आंय बे चाकर, जिन हां उन कौ मालक आके जागत पाबे; मैं तुम से सांसी कैत आंव, कि बो कमर बान्ध के उन हां भोजन कराबे हां बैठा है, और ऐंगर आन के उन की सेवा कर है।

- यूहन्‍ना 13:36

शमौन पतरस ने ऊसे कई, हे प्रभु, तें किते जात आय? यीशु ने ऊसे कई, जिते मैं जात आंव, तें अबै मोरे पाछें नईं आ सकत! परन्त ईके बाद तें मोरे पाछें आ है।

- यूहन्‍ना 21:17

यीशु ने पतरस से तीसरी बेर कई, हे शमौन यूहन्ना के पूत, का तें मोय से प्यार करत आय? पतरस उदास भओ, कायसे यीशु ने तीसरी बेर ऐसी कई; कि का तें मोसे प्यार करत आय? और पतरस ने कई, हे प्रभु, तें सब कछु जानत आय, कि मैं तोसे प्यार करत आंव: यीशु ने ऊसे कई, तें मोरी गाड़रन चरा।

- यूहन्‍ना 21:19

ऊ ने ऐसो जौ इसारा देत भय कई, कि पतरस कैसी मौत से परमेसुर की महिमा कर है; और जब बो जौ कह चुको, तो यीशु ने ऊसे कई मोरे पाछें चलो आ।

- प्रेरितन के काम 21:11

हमाए ऐंगर आके ऊ ने पौलुस को करियाई कौ फेंटा लओ, और अपने हाथ गोड़े बांधके कई; पवित्र आत्मा जौ कहत आय, जी मान्स कौ जो करियाई कौ फेंटा आय, ऊहां यरूशलेम में यहूदी ऐई तरहां बांध हैं, और अन्यजातियन के हाथ में दें हैं।

- दूसरी कुरिन्थियों 5:4

ई डेरा में रैत बुझवा से दबे गुहार देत रैत आंय; कायसे हम उतारबो नईं, अकेले धरे रैबो चाहत आंय, कि जौन मरबेवारो आय बो जीवन में मानो डूब जाबे।