- यूहन्‍ना 21:15 - Bundeli Holy Bible

¹⁵ जब बे कलेवा कर चुके, तो यीशु ने पतरस से कई, हे शमौन यूहन्ना के पूत, का तें इन से ज्यादा मोसे प्रेम करत आय? पतरस ने यीशु से कई, हओ प्रभु, तें तो जानत आय, कि मैं तोसे प्यार करत आंव: यीशु ने पतरस से कई, मोरी गाड़रन हां चरा।

- यूहन्‍ना 21:15 ပူးပေါင်းရင်းမြစ်များ

- उत्पत्ति 33:13

याकूब ने कई, “हे मोरे पिरभु, तें जानतई आय कि मोरे संगै छोटे-छोटे बच्चे, और दूध दैबेवारी गाड़र-छिरियां और गईयां आंय; जदि एैसे पसु एक दिना भी और हांक दए जाएं, तौ सबके सब मर जैहें।

- मत्ती 10:37

जौन मोय से बढ़के अपने मताई या बाप से प्रेम करत आय, बो मोरे लायक नईंयां जौन मोय से बढ़के अपने बिटवा और बिटियन से प्रेम करत आय, बो मोरे जोग नईंयां।

- मत्ती 16:17

यीशु ने ऊसे कई, कि हे शमौन योना के पूत, तें धन्य आय; कायसे मांस और खून ने ईहां तोपे उजागर नईं करो, बल्कि मोरे बाप ने जौन सरग में आय।

- मत्ती 18:10

कायसे तोरे लाने कनवा होकें सरग के राज्य में जाबो ईसे कहूं भलो आय, कि तें दो आंखें रहत भए नरक की आगी मैं डारो जाबै।

- मत्ती 26:33

ई पे पतरस ने ऊसे कई, जदि सबरे तोरे काजें ठोकर खाएं तो खाएं, पर मैं कभऊं नईं खै हों।

- मत्ती 26:35

पतरस ने ऊसे कई, जदि मोय तोरे संग्गै मरने भी पड़े, तो भी मैं तोसे न मेंट हों: और सब चेलन ने भी जाई बात कई।

- मरकुस 14:29

पतरस ने यीशु से कओ; अगर सब ठोकर खाएं तौ खाएं, पै मैं ठोकर न खै हों।

- लूका 12:32

हे हलके झुण्ड़, न डर; कायसे तुमाए बाप हां जौ साजो लगो आय, कि राज तुम हां दे।

- लूका 22:32

पर मैं ने तोरे लाने बिन्तवाई करी, कि तोरो बिसवास जात न रैबे: और जब तें फिरे तब अपने भईयन हां पक्को करिए।

- यूहन्‍ना 1:42

और बो ऊहां यीशु के ऐंगर ले आओ, यीशु ने ऊ पै नजर डालके कई, तें यूहन्ना कौ पूत शमौन आय, तें कैफा यानि पतरस कहला है।

- यूहन्‍ना 13:37

पतरस ने ऊसे कई, हे प्रभु मैं अबै तोरे पाछें काय नईं आ सकत? मैं तो तोरे लाने अपनी जान भी दे दै हों।

- यूहन्‍ना 16:27

कायसे बाप खुद तुम से प्रेम करत आय, ई लाने कि तुम ने मोय से प्रेम करो आय, और जे भरोसा करो आय, कि मैं बाप में से कड़ के आओ आंव।

- यूहन्‍ना 21:12

यीशु ने उन से कई, आओ कलेवा करो, चेलन में से कोऊहां जौ पूछबे की हिम्मत नईं भई, कि ऊसे पूछें, तें को आय? कायसे जान गए हते, कि जौ प्रभु ही आय।

- यूहन्‍ना 21:7

ई लाने ऊ चेले ने जीसे यीशु प्रेम करत हतो पतरस से कई, जौ तो प्रभु आय: जब पतरस ने सुनी कि जौ प्रभु आय, तो ऊ ने अपनो चोगा पहन लओ, कायसे बो नंगो हतो, और झील में कूद पड़ो।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- प्रेरितन के काम 20:29

मैं जानत आंव, की मोरे जाबे के पाछें फाड़बे वाले बिगना तुमाए बीच आ हैं, जो गुट हां न छोड़ हैं।

- रोमियों 14:1

जौन बिसवास में कमजोर होबै, उन हां अपनी संगत में ले लेओ; परन्त उन के सक सन्देह पर बतकाओ के लाने नईं।

- रोमियों 15:1

हम जौन धार्मिक बातन के मानबे में पक्के आंय, हम उन की जौन अपने आचरण में कमजोर आंय उन की सहें; जौ नईं कि हम अपने हां खुसी करें।

- पैली कुरिन्थियों 8:11

ई परकार से तोरी समज के काजें बो कमजोर भईया जीके लाने मसीह मरो, नास हो जै है।

- गलतियों 5:6

मसीह यीशु में न खतनावारो और न बिना खतनावारो कछु काम के आंय, अकेले जौन प्रेम से काम करत आय।

- इफिसियों 4:14

कि हम आगे बच्चन घांई नईं रैबें, जौन मान्सन की ठगाई और चालाकी से उनके फंसाबे की चाल, और उनके कैबे से, एक एक बयार से उछाले, और इते उते घुमाए जात आंय।

- इफिसियों 6:24

जौन जनें हमाए पिरभू यीशु मसीह से पूरे मन से प्रेम राखत आंय, उन सबरन पै दया होत रए।

- इब्रानियों 13:20

परमेसुर जौन सान्ति देबेवारे आंय, जिन ने हमाए पिरभू यीशु मसीह हां जौन गाड़र के बड़े रखनवारे आंय, अपने रकत से अपने लोगन हां पाप की मौज से बचाओ।

- इब्रानियों 4:13

कछु भी परमेसुर से लुको छिपो नईंयां बे सब जानत आंय, और उनकी आंखन से कछु नईं बरको आय।

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।

- 1 पतरस 2:2

नये जन्मे भए बच्चन की घांई सुद्ध आत्मिक दूध की लालसा करो, ताकि ऊ सें तारण पाबे के लाने बढ़त जाओ।

- 1 पतरस 2:25

कायसे तुम पेंला हिरानी भई गाड़रन घांई हते, पर अब अपने प्रानो के रखनवारे और परधान के ऐगर फिन आ गए आव।

- 1 यूहन्‍ना 4:19

हम ईसे प्रेम करत आंय, कि उन ने पेंला होकें हम से प्रेम करो।

- 1 यूहन्‍ना 5:1

जो कोनऊं जौ बिसवास करत आय कि यीशु ही मसीह आय, बो परमेसुर से पैदा भओ आय और जो कोनऊं पैदा करबेवारे से प्रेम करत आय, बे सोई उन से प्रेम करत आय और उनकी मानत आय।

- यूहन्‍ना के दरसन कौ खुलासा 2:23

जौन ऊ की बातें मानत आय उन हां सोई मार हों, कि मण्डली के जनें जौ जान लें हैं कि मान्सन के मन की बात मोहां पता आय। मैं तुम सब के करमन कौ बदला तुम हां दैहों।