- यूहन्‍ना 2:18 - Bundeli Holy Bible

¹⁸ तब यहूदियन ने यीशु से कई, तें जौन जौ करत आय, तो हम हां कौन सौ चिन्ह दिखाऊ त आय?

- यूहन्‍ना 2:18 ပူးပေါင်းရင်းမြစ်များ

- मत्ती 21:23

जब बो मन्दर में आके सन्देस दे रओ हतो, तो महायाजकन और पुरनियन ने ऊके ऐंगर आके कई, कि तें जौ काम कौन अधकार से कर रओ आय? और कीने तोय जौ हक दओ आय?

- मरकुस 8:11

फिन फरीसी निकल के ऊसे बहस करन लगे, और ऊहां जांचबे के लाने ऊसे कौनऊं सरग की निसानी मांगी।

- लूका 11:29

जब बड़ी भीड़ जुड़त जात हती तो बो कैन लगो; ई जुग के मान्स बुरए आंय; बे चिन्ह खोजत आंय; पर यूनुस के चिन्ह हां छोड़ कोई और चिन्ह उन हां न दओ जै है।

- यूहन्‍ना 1:19

यूहन्ना की गवाही जा आय, जब यहूदियन ने ऊके ऐंगर यरूशलेम से याजकन और लेवियन हां पूंछबे पठैव, तें को आय?

- यूहन्‍ना 1:25

तबई उन ने ऊसे पूछी, जब तें न तो मसीह आय, न एलिय्याह आय, और न तो अगमवक्ता, तब तें बपतिस्मा काय देत आय?

- यूहन्‍ना 6:30

तब उन ने ऊसे कई, फिन तें कैसो चिन्ह दिखात आय कि हम ऊहां हेरें और तोपे भरोसा करें, तें कैसो काम दिखात आय?

- प्रेरितन के काम 4:7

बे उन हां महापंचयात के बीच ठांड़ो कर के पूछन लगे, कि तुम ने जौ काम की सामर्थ से और की नाओं से करो आय?

- प्रेरितन के काम 5:28

का हम ने तुम हां हटक के हुकम न दओ हतो, कि तुम ई नाओं से परचार न करियो? पर तको, तुम ने सबरे यरूशलेम हां अपने सन्देसे से भर दओ आए और ऊ जने कौ रकत हमाई घींच पे लाओ चाहत आव।