- यूहन्‍ना 2:10 - Bundeli Holy Bible

¹⁰ सब जने मान्स पेंला उमदा दाखरस देत आय और जब लोगबाग पीके अफर जात आंय, तब घटिया देत आंय; तेंने तो उमदा दाखरस अबै लौ धरें रओ।

- यूहन्‍ना 2:10 ပူးပေါင်းရင်းမြစ်များ

- उत्पत्ति 43:34

तब यूसुफ अपने सामूं सें भोजनबस्‍तें उठा-उठाकें उनके लिगां पठैन लगो, और बिन्‍यामीन हों अपने भईयों सें पांचगुना ज्‍यादा भोजनबस्‍त मिली, ई तरहां उनोंरन ने ऊके संगै मनमानो खाओ-पिओ।

- मत्ती 24:49

और अपने संगी चाकरन हां मारन लगे, और दारू खोरन के संग्गै खान पीयन लगे।

- लूका 12:45

पर ऊ चाकर जदि जौ सोचन लगै, कि मोरो मालक तो आबे में अबेर कर रओ आय, और नौकरन और नौकरानियन हां मारन-पीटन लगे और खाबे-पीबे और पियक्कड़ होन लगे।

- लूका 16:25

पर इब्राहीम ने कओ; हे पूत सुमरन कर, कि तें अपने जीयत में साजी बस्तें ले चुको आय, ऊंसई लाजर बुरई बस्तें: पर अब बो इते सान्ति पा रओ आय, और तें तड़प रओ आय।

- प्रेरितन के काम 2:15

जे नसे में नईंयां, जैसो तुम समज रए आव, कायसे अबै तो पहर ही दिन चढ़ो आय।

- पैली कुरिन्थियों 11:21

कायसे खाबे की बेरा, एक दूजे से पैले अपनी बियारी कर लेत आय, और कोऊ तो भूखो रैत आय, और कोऊ मतवारो हो जात आय।

- इफिसियों 5:18

और दाखन के रस पीके बेसुर्त न हो, कायसे ऐसे में बुरय काम होत आंय, पै आत्मा से भरत जाओ।

- 1 थिस्सलुनीकियों 5:7

कायसे जौन सोत आंय, बे रात हां सोत आंय, और जौन पियत आंय, बे सोई रात में पियत आंय।

- यूहन्‍ना के दरसन कौ खुलासा 17:2

जौन वेश्या के संग्गै धरती के राजन ने बुरओ कर्म करो; और ऊके सबरे लजाबे के काम मानो ऐसे हते, जैसे संसार के मान्सन ने ऊके बुरय कर्म की मदिरा पी लई होबै।

- यूहन्‍ना के दरसन कौ खुलासा 17:6

और मैंने बा बईयर हां पिरभू ईसा मसीह के जनों कौ रकत पिये और मतवालो तको, और ऊहां तक के मैं चकित भओ।