- यूहन्‍ना 19:30 - Bundeli Holy Bible

³⁰ जब यीशु ने बो सिरका लओ, तो कई, पूरो भओ और ऊ ने मूड़ नवा के प्राण छोड़ दए।

- यूहन्‍ना 19:30 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- मत्ती 27:50

तब यीशु ने जोर से चिल्ला के प्राण छोड़ दए।

- मत्ती 3:15

यीशु ने ऊसे कई, अब तो ऐसई होन दे, कायसे हमाए लाने जौई साजो आय कि ई तरहां ऐसई सबरी धार्मिकता हां पूरो करबें, तब ऊने ऊकी बात मान लई।

- मरकुस 15:37

तब यीशु ने जोर से चिल्ला के प्रान छोड़ दए।

- लूका 22:37

कायसे मैं तुम से कैत आंव, कि धरम पोथी में जौन लिखो आय, कि बो अपराधियन के संग्गै लेखो गओ, ऊकौ मो में पूरो होबो जरूरी आय; कायसे मोरे बारे में धरम पोथी में लिखी भई बातें पूरी होबे हां आंय।

- लूका 23:46

यीशु ने जोर से टेर के कओ; हे पिता, मैं अपनी आत्मा तोरे हाथ में सौंपत आंव: और जौ कै कें प्रान छोड़ दओ।

- यूहन्‍ना 10:11

उमदा गड़रिया मैं आंव; उमदा गड़रिया अपनी गाड़रन के लाने अपनो प्राण देत आय।

- यूहन्‍ना 10:18

कोई ऊहां मोय से नईं छीनत, पर मैं ऊहां अपने आपई देत आंव: मोय ऊहां देबे को हक भी आय, और फिन ले लेबे कौ भी हक आय: जौ हुकुम मोय अपने बाप से मिलो आय।

- यूहन्‍ना 17:4

जौन काज तेंने मोय करबे हां दओ हतो, ऊहां पूरो करके मैंने धरती पे तोरी महिमा करी आय।

- यूहन्‍ना 19:28

ईके पाछें यीशु ने जौ जानके कि सब कछु पूरो हो गओ आय; ई लाने कि पवित्र शास्त्र की बात पूरी होय कई, मैं प्यासो आंव।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- रोमियों 10:4

कायसे सब कोऊ जौन बिसवास करत आंय उन के काजें धार्मिकता के लाने मसीह नेम व्यवस्था कौ अन्त आय।

- रोमियों 3:25

उए परमेसुर ने ऊके रकत के काजें एक ऐसो दाम ठैरा दओ, जौन बिसवास करबे से काम करत आय, कि जौन पाप पेंला करे गए, और परमेसुर ने सहनकर उन पे गौर नईं करो; उन के लाने बो अपनी धार्मिकता उजागर करे।

- पैली कुरिन्थियों 5:7

पुराने खमीर हां काड़ डालो, और तुम साजे कड़ आओ: और साजो मड़ो भओ चून बनो: कि तुम में खमीर न रैबे, कायसे हमाओ फसह जौन मसीह आय, हमाए लाने बलदान भओ आय।

- फिलिप्पियों 2:8

और मान्स बनके ई संसार में आए और खुदई नेंचें हो गए, और परमेसुर की अग्या मानके क्रूस पै मरबे हां तईयार हो गए।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 9:22

मूसा के नैम से सबरी बस्तें रकत से साजी होत आंय; और रकत बहाए बिना पापन की छिमा नईं होत।