- यूहन्‍ना 18:28 - Bundeli Holy Bible

²⁸ और बे यीशु हां काइफा के ऐंगर से राजमहल में लै गए और भुनसारे की बेरा हती, परन्त बे खुद राजमहल में नईं पिड़े, कहूं अशुद्ध न हो जाबें ताकि फसह खा सकें।

- यूहन्‍ना 18:28 ပူးပေါင်းရင်းမြစ်များ

- मत्ती 27:27

तब राज्यपाल के सिपाही यीशु हां किले में लै गए, और उते ऊके चारऊं कोद सबरे रोमी सिपाहियन हां जमा कर लओ।

- मरकुस 15:16

और सिपाही ऊहां किले के भीतर आंगन में लै गए जौन प्रीटोरियुन कहाऊ त आय, और सबरी पलटन हां बुला लाए।

- लूका 22:66

जब दिन भओ तो मान्सन के बड़े बूढ़े और महापण्डत और शास्त्रज्ञानी जुड़े, और यीशु हां अपनी महापंचयात में लाके पूंछो।

- यूहन्‍ना 11:55

यहूदियन के फसह कौ परब ऐंगर हतो, और गांव के बिलात लोग फसह से पेंलई यरूशलेम हां गए, कि अपने आप हां शुद्ध करें।

- यूहन्‍ना 18:13

और पेंला ऊहां हन्ना के ऐंगर ले गए, कायसे बो ऊ बरस के महापुरोहित काइफा कौ ससुर हतो।

- यूहन्‍ना 18:15

शमौन पतरस और एक और चेला यीशु के पाछें हो लए, जौ चेला महापुरोहित कौ चिनार को हतो और यीशु के संग्गै महापुरोहित के आंगन में गओ।

- यूहन्‍ना 18:33

तब पीलातुस फिन राजमहल में भीतर गओ और यीशु हां टेरवाओ, और ऊसे कई, का तें यहूदियन को राजा आय?

- यूहन्‍ना 18:39

पर तुमाई रीत आय कि फसह के दिना मैं तुमाए लाने एक जन हां छोड़ देओं, का तुम चाहत आव कि मैं तुमाए लाने यहूदियन के राजा हां छोड़ देओं?

- यूहन्‍ना 19:11

यीशु ने कई, अगर तोय ऊ परै से नईं दओ जातो, तो तोरो मोय पे कोऊ हक नईं होतो; ई लाने जीने मोय तोरे हाथन सौंपो आय, ऊ को पाप बिलात आय।

- यूहन्‍ना 19:14

जौ फसह की तईयारी कौ दिन हतो और करीब बारह बजे हते, तब ऊ ने यहूदियन से कई, तको, जौई आय तुमाओ राजा!

- यूहन्‍ना 19:9

तब फिन राजमहल के भीतरै जाके यीशु से कई, तें किते कौ आय? पर यीशु ने ऊहां कछु नईं बोलो।

- प्रेरितन के काम 10:28

उनसे कओ, तुम जानत आव, कि दूसरी जात वारन की संगत करबो या उन के इते जाबो यहूदी के लाने अधर्म आय, पर परमेसुर ने मोय बताओ आय, कि कोई मान्स हां अपवित्र या अशुद्ध न कहों।

- प्रेरितन के काम 10:32

ई लाने कोऊहां याफा पठै के शमौन हां जौन पतरस कहात आय, बुला ले, बो समुन्दर के कगारें शमौन चमड़े के धन्धा करबेवारे के इते पाहुन आय।

- प्रेरितन के काम 11:3

तेंने तो बिना खतना वाले लोगन के इते जाके उन के संग्गै रोटी खाई।

- प्रेरितन के काम 3:13

इब्राहीम और इसहाक और याकूब के परमेसुर, हमाए पुरखन के परमेसुर ने अपने सेवक यीशु की मईमा करी, जीहां तुम ने पकड़वा दओ, और जब पीलातुस ने ऊहां छोड़ देबे कौ विचार करो, तब तुम ने ऊके सामूं ऊकौ इन्कार कर दओ।

- प्रेरितन के काम 4:27

कायसे कि सांची में तोरे चाकर यीशु के विरोद में, जौन को तेंने अभिषेक करो, हेरोदेस और पुन्तियुस पिलातुस सोई दूसरी जातवारन और इस्राएलियन के संग्गै ई नगर में जुड़े।