- यूहन्‍ना 17:8 - Bundeli Holy Bible

⁸ कायसे जो बातें तेंने मोय दईं, मैंने उन हां कै दओ आय, और उन ने उन बोलन हां मान लओ और सही में जान लओ आय, कि मैं तोसें कड़ो आंव, और उन ने भरोसा करो आय कि तेंने ही मोय पठैव आय।

- यूहन्‍ना 17:8 ပူးပေါင်းရင်းမြစ်များ

- मत्ती 13:11

ऊने उन हां उत्तर दओ, तुम हां सरग के राज्य के भेदन की समझ दई गई आय, पर उन हां नईं।

- यूहन्‍ना 12:49

मैंने अपने लाने कछु नईं कई, परन्त बाप जीने मोय पठैव आय, ओई ने मोय हुकुम दओ आय, कि का कहों और का बोलूं।

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 15:15

अब से मैं तुम हां गुलाम नईं कै हों, कायसे गुलाम नईं जानत, कि ऊ को मालक का करत आय, परन्त मैंने तुम हां संगी कहो आय, कायसे बे सब बातें जौन मैंने अपने बाप से सुनी आंय, तुम हां बता दईं आंय।

- यूहन्‍ना 16:27

कायसे बाप खुद तुम से प्रेम करत आय, ई लाने कि तुम ने मोय से प्रेम करो आय, और जे भरोसा करो आय, कि मैं बाप में से कड़ के आओ आंव।

- यूहन्‍ना 16:30

अब हम जानत आंय, कि तें सब कछु जानत आय, और ई की जरूरत नईंयां, कि कोऊ तोय से कछु पूंछे, ईसे हम भरोसा करत आंय, कि तें परमेसुर से कड़ो आय।

- यूहन्‍ना 17:14

मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- यूहन्‍ना 17:18

जैसे तेंने मोय संसार में पठैव, मैंने सोई उन हां संसार में पठैव आय।

- यूहन्‍ना 17:21

जैसो हे बाप तें मोय में आय, और मैं तोय में आंव, वैसई बे भी हम में होबें, जीसे कि संसार भरोसा करे, कि तेंने मोय पठैव आय।

- यूहन्‍ना 17:23

मैं उन में और तें मोय में, कि बे सिद्ध होकें एक हो जाबें, जीसे संसार जानें कि तेंने मोय पठैव, और जैसो तेंने मोय से प्रेम करो, वैसई उन से भी प्रेम करो।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 3:17

कायसे परमेसुर ने अपने पूत हां जगत में ई लाने नईं पठैव, कि जगत हां दोषी ठहराए, पर ई लाने, कि जगत ऊके द्वारा उद्धार पाबै।

- यूहन्‍ना 3:33

जीने ऊ की गवाही मान लई आय, ऊने ई बात पे छाप लगा दई, कि परमेसुर सांचो आय।

- यूहन्‍ना 6:68

शमौन पतरस ने ऊसे कई, हे प्रभु हम की के ऐंगर जाबें? अनन्त जीवन की बातें तो तोरे ऐंगर आंय।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- पैली कुरिन्थियों 11:23

कायसे कि जा बात मोय पिरभु से पोंची, और मैंने तुम हां पोंचा दई; कि पिरभु यीशु ने जौन रात बो पकड़वाओ गओ रोटी लई।

- पैली कुरिन्थियों 15:1

हे भईया हरौ, मैं तुम हां ओई भलो सन्देसो बतात आंव जौन पेंला सुनाओ हतो, जिए तुम ने मान सोई लओ हतो और जी में तुम पक्के सोई आव।

- 1 थिस्सलुनीकियों 2:13

सो हम परमेसुर को धन्न मानत आंय; कि जब परमेसुर की बातें तुम ने सुनीं, तो तुम ने ऊहां मान्सन की नईं, परन्त परमेसुर की बातें लेखी (जा सांची आय) और अब तुमाए जीवन में दिखात आय।

- 1 थिस्सलुनीकियों 4:1

सो भईया हरौ, हम तुम से कैत आंय, और पिरभू के नाओं से तुम हां समझात आंय, जैसो तुमने तको आय, कि हम जैसो बे चाहत आंय, और जीसे खुस होत आय, ऊंसई रैत आंय, तुम सोई ऊंसई चलत आव सो अच्छे से आगे चलत चलो।

- 1 यूहन्‍ना 4:14

हम ने जौ चीनो आय और हमाई जा गवाह आय, कि परमेसुर ने अपने बेटा यीशु मसीह हां ई संसार को तरन तारन करबे हां पठैओ।

- यूहन्‍ना के दरसन कौ खुलासा 1:1

यीशु मसीह का प्रकाशितवाक्य जौन उन हां परमेसुर ने ईसे दओ, कि अपने जन हां बे बातें, जौन जल्दी होबेबारी आंय, दिखाबें: और ऊ ने अपने सरगदूत हां पठै के अपने दास यूहन्ना हां बताओ।