- यूहन्‍ना 17:4 - Bundeli Holy Bible

⁴ जौन काज तेंने मोय करबे हां दओ हतो, ऊहां पूरो करके मैंने धरती पे तोरी महिमा करी आय।

- यूहन्‍ना 17:4 ပူးပေါင်းရင်းမြစ်များ

- लूका 22:37

कायसे मैं तुम से कैत आंव, कि धरम पोथी में जौन लिखो आय, कि बो अपराधियन के संग्गै लेखो गओ, ऊकौ मो में पूरो होबो जरूरी आय; कायसे मोरे बारे में धरम पोथी में लिखी भई बातें पूरी होबे हां आंय।

- यूहन्‍ना 12:28

हे बाप, अपने नाम की महिमा कर, तब जा आकासवाणी भई, मैंने ऊ की महिमा करी आय, और फिन भी कर हों।

- यूहन्‍ना 14:13

और जो कछु तुम मोरे नाओं से मांग हौ, ओई बो कर है कि पूत से बाप की महिमा होबै।

- यूहन्‍ना 14:31

परन्त जौ ई लाने भओ कि संसार जान ले कि मैं बाप से प्रेम करत आंव, और जी तरहां बाप ने मोय हुकुम दओ आय, वैसई मैं ऊ को पालन करत आंव, उठो, इते से चलें।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 19:28

ईके पाछें यीशु ने जौ जानके कि सब कछु पूरो हो गओ आय; ई लाने कि पवित्र शास्त्र की बात पूरी होय कई, मैं प्यासो आंव।

- यूहन्‍ना 19:30

जब यीशु ने बो सिरका लओ, तो कई, पूरो भओ और ऊ ने मूड़ नवा के प्राण छोड़ दए।

- यूहन्‍ना 4:34

यीशु ने उन से कई, मोरी रोटी जा आय कि अपने पठैबेवाले की मन की बात पूरी करों और ऊ को काज पूरो करों।

- यूहन्‍ना 5:36

परन्त जौन गवाही मोरी आय, बो यूहन्ना की गवाही से बढ़के आय: कायसे बाप ने जिन कामन हां पूरो करबे के लाने मोय सौंपो आय, यानि बे काम जौन मैं करत आंव, बेई मोरे बारे में गवाही देत आंय, कि बाप ने मोय पठैव।

- यूहन्‍ना 9:3

यीशु ने उन से कई, न ई मान्स ने पाप करो; न ईके मताई बाप ने: पर जौ ई लाने भओ, कि परमेसुर कौ काज ऊ में दरसाओ जाबै।

- प्रेरितन के काम 20:24

मैं अपने प्राण हां कोऊ भी तरहां अपने लाने प्यारो नईं समझत आंव, अगर समझत आंव, तो केवल ई लाने की में जीवन हां और ऊ काज हां, जौन मोय प्रभु यीशु मसीह से मिली आय, पूरी करों, यानि मैं परमेसुर के आसीस के सन्देसे की चित्त लगा के गवाही देओं।

- 2 तीमुथियुस 4:7

मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।