- यूहन्‍ना 17:25 - Bundeli Holy Bible

²⁵ हे धर्म बाप, संसार ने तोय नईं जानो, परन्त मैंने तोय जानो और इन ने सोई तोय जानो कि तेंने ही मोय पठैव आय।

- यूहन्‍ना 17:25 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 16:16

शमौन पतरस ने उत्तर दओ, कि तें जीयत परमेसुर कौ पूत मसीह आय।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:15

वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 15:21

परन्त जे सब बातें, बे मोरे नाओं के काजें तुमाए संग्गै कर हैं, कायसे बे ऊहां नईं चीनत जीने मोय पठैव।

- यूहन्‍ना 16:27

कायसे बाप खुद तुम से प्रेम करत आय, ई लाने कि तुम ने मोय से प्रेम करो आय, और जे भरोसा करो आय, कि मैं बाप में से कड़ के आओ आंव।

- यूहन्‍ना 16:3

और बे ऐसो ई लाने कर हैं कायसे उन ने न बाप हां जानो और न मोय।

- यूहन्‍ना 16:30

अब हम जानत आंय, कि तें सब कछु जानत आय, और ई की जरूरत नईंयां, कि कोऊ तोय से कछु पूंछे, ईसे हम भरोसा करत आंय, कि तें परमेसुर से कड़ो आय।

- यूहन्‍ना 17:11

अब मैं संसार में नईं रै हों, परन्त बे संसार में रै हैं, और मैं तोरे ऐंगर आत आंव; हे पवित्र बाप, अपने ऊ नाओं से जौन तेंने मोय दओ आय, उन की सुध ले, कि जैसे हम एक आंय बे सोई एक होबें।

- यूहन्‍ना 17:18

जैसे तेंने मोय संसार में पठैव, मैंने सोई उन हां संसार में पठैव आय।

- यूहन्‍ना 17:21

जैसो हे बाप तें मोय में आय, और मैं तोय में आंव, वैसई बे भी हम में होबें, जीसे कि संसार भरोसा करे, कि तेंने मोय पठैव आय।

- यूहन्‍ना 17:23

मैं उन में और तें मोय में, कि बे सिद्ध होकें एक हो जाबें, जीसे संसार जानें कि तेंने मोय पठैव, और जैसो तेंने मोय से प्रेम करो, वैसई उन से भी प्रेम करो।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 17:8

कायसे जो बातें तेंने मोय दईं, मैंने उन हां कै दओ आय, और उन ने उन बोलन हां मान लओ और सही में जान लओ आय, कि मैं तोसें कड़ो आंव, और उन ने भरोसा करो आय कि तेंने ही मोय पठैव आय।

- यूहन्‍ना 3:17

कायसे परमेसुर ने अपने पूत हां जगत में ई लाने नईं पठैव, कि जगत हां दोषी ठहराए, पर ई लाने, कि जगत ऊके द्वारा उद्धार पाबै।

- यूहन्‍ना 6:19

जब बे पांच छ: किलो मीटर लौ नाव खेत चले गय, तो उन ने यीशु हां झील पे निंगत, और नाव के ऐंगर आत भओ तको, और बे डरा गए।

- यूहन्‍ना 7:29

मैं ऊहां चीनत आंव; कायसे मैं ऊ की कोद से आंव और ओई ने मोय पठैव आय।

- यूहन्‍ना 8:19

तब बे ऊसे कैन लगे, तोरो बाप किते आय? यीशु ने उन से कई, तुम न तो मोय जानत आव, और न मोरे बाप हां, अगर तुम मोय जानते, तो मोरे बाप हां सोई जानते।

- यूहन्‍ना 8:55

तुम ने तो ऊहां नईं चीनो, परन्त मैं ऊहां चीनत आंव; अगर मैं कहों कि मैं ऊहां नईं चीनत, तो मैं तुमाए घांई झूठो ठहर हों: परन्त मैं ऊहां चीनत और ऊके बचन को मानत आंव।

- प्रेरितन के काम 17:23

कायसे जब मैं घूमत फिरत तुमाए पूजबे की चीजन को हेर रओ हतो, तो मोहां एक वेदी मिली, जीपे लिखो हतो, “अनजाने ईश्वर के लाने”। ई लाने जीहां तुम बिना जाने पूजत आव, ओई कौ सन्देसो मैं तुम हां सुनात आंव।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- रोमियों 1:28

जब उन ने परमेसुर हां नईं मानो, तो परमेसुर ने सोई उन हां उन के बुरे हियन पे छोड़ दओ; कि बे बुरए काम करें।

- रोमियों 3:11

कोऊ समजवारो नईंयां; कोनऊं परमेसुर कौ खोजी नईंयां।

- रोमियों 3:26

और अबई ऊकी धार्मिकता उजागर भई; जीसे बो आपई धरमी ठैरे, और जौन यीशु पर बिसवास करे, उन को सोई धरमी ठैराबेवारो होय।

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- 2 थिस्सलुनीकियों 1:8

और जौन जनें परमेसुर हां नईं चीनत, और पिरभू यीशु मसीह की बातें नईं मानत उन से बदला लै है।

- इब्रानियों 8:11

और कोई हां मोरे लाने न बता हैं, कायसे बे सबरे मोहां हिये से चीन हैं।

- 1 यूहन्‍ना 1:9

परन्त जब हम अपने पापन हां मानें, तो बे हमाए पापन हां क्षिमा कर हैं, और हम हां सबरी अधरम की बातन से सुद्ध करबे में सांचे आंय।

- यूहन्‍ना के दरसन कौ खुलासा 13:8

और धरती के बे सब रैबेवारे जिन के नाओं ऊ मेमने की जीवन की पोथी में नईं गए, जो संसार की रचना की बेरा से घात भओ आय, ऊ जनावर की पूजा कर हैं।

- यूहन्‍ना के दरसन कौ खुलासा 16:5

और मैंने पानू के सरगदूत हां जौ कैत सुनो, कि हे पवित्तर जौन अबै है, और जौन हतो, तें न्यायी आय और तेंने जौ न्याय करो।