- यूहन्‍ना 17:24 - Bundeli Holy Bible

²⁴ हे बाप, मोरी चाहना आय कि जिन हां तेंने मोय दओ आय, जिते मैं आंव, उते सोई मोरे संग्गै रएं कि बे मोरी ऊ महिमा हों तक सकें, जीहां तेंने मोय दई आय, कायसे तेंने संसार के जन्म से पेंला मोय से प्रेम करो।

- यूहन्‍ना 17:24 ပူးပေါင်းရင်းမြစ်များ

- उत्पत्ति 45:13

तुमोंरें ई सबरे मान-सम्मान कौ, जो मिस्र में आय और जो कछु तुमोंरों ने हेरो आय, ऊ सब कौ मोरे बाप सें बखान करियो; और तुरतईं मोरे बाप हों इतै लै अईयो।”

- मत्ती 25:21

ऊके मालक ने ऊसे कई, हे भले और भरोसेमन्द चाकर, तें तनक में भरोसेमन्द रओ; मैं तोय बिलात बस्तन कौ हाकिम बना हों अपने मालक की खुसी में सामिल हो।

- मत्ती 25:23

ऊके मालक ने ऊसे कई, हे भले और भरोसेमन्द चाकर, तें तनक में भरोसेमन्द रओ; मैं तोय बिलात बस्तन कौ हाकिम बना हों अपने मालक की खुसी में सामिल हो।

- मत्ती 25:34

तब राजा अपनी दाहिनी कोद वारन से कै है, हे मोरे बाप के धन्य मान्सन, आओ, ऊ राज्य के अधकारी हो जाओ, जो संसार के पेंला से तुमाए लाने तईयार करो भओ आय।

- मत्ती 26:29

मैं तुम से कैत आंव, कि दाख को जौ रस अबै से लैके ऊ दिना लौ नईं पी हों, जब लौ अपने बाप के राज्य मैं तुमाए संग्गै नओ न पिओं।

- लूका 12:37

धन्न आंय बे चाकर, जिन हां उन कौ मालक आके जागत पाबे; मैं तुम से सांसी कैत आंव, कि बो कमर बान्ध के उन हां भोजन कराबे हां बैठा है, और ऐंगर आन के उन की सेवा कर है।

- लूका 23:43

यीशु ने ऊसे कओ, मैं तोसे सांसी कैत आंव; आजई तें मोरे संग्गै सरग लोक में हुईये।

- यूहन्‍ना 1:14

और बचन जौन कृपा और सच्चाई से भरपूर हतो रूपवान भओ; और हमाए बीच में डेरा करो, और हम ने ऊ की ऐसी कृपा हेरी, जैसे बाप के एकई मोंड़ा की कृपा।

- यूहन्‍ना 12:26

जदि कोऊ मोरी सेवा करबो चाहे, तो मोरे पाछें चलै; और जिते मैं आंव, उते मोरो सेवक भी हुईये; अगर कोऊ मोरी सेवा कर है, तो बाप ऊ को मान कर है।

- यूहन्‍ना 14:3

और अगर मैं जाके तुमाए लाने जांगह तईयार कर हों, तो फिन आके तुम हां अपने इते लै जैहों, कि जिते मैं रओं उतईं तुम भी रओ।

- यूहन्‍ना 15:9

जैसे बाप ने मोसे प्रेम करो आय, वैसई मैंने सोई तुम से प्रेम करो आय, मोरे प्रेम में बने रहियो।

- यूहन्‍ना 17:2

कायसे तेंने तो ऊहां सब प्राणियों पे हक दओ आय, कि बो उन सब हां जिन हां तेंने ऊहां दओ आय, उन सब हां अनन्त जीवन देबे।

- यूहन्‍ना 17:22

और बो महिमा जौन तेंने मोय दई आय, मैंने उन हां दई आय कि बे वैसई एक होंय, जैसे हम एक आंय।

- यूहन्‍ना 17:5

और हे बाप, अब तें अपने संग्गै मोरी महिमा, ऊ महिमा से कर जौन जगत के जन्म से पेंला, तोरे संग्गै मोरी हती।

- यूहन्‍ना 6:37

जो कछु बाप मोय देत आय, बो सब मोरे ऐंगर आ है, और जो कोऊ मोरे ऐंगर आ है, मैं ऊहां कभऊं बायरें नईं काड़ हों।

- यूहन्‍ना 6:39

जीने मोय पठैव, ऊ की मनसा जा आय, कि सब कछु जौन ऊ ने मोय दओ आय, ऊ में से कछु भी न हिराओं पर अखिरी दिना ऊहां फिन जिला दों।

- यूहन्‍ना 8:58

यीशु ने उन से कई; मैं तुम से सांची सांची कहत आंव; ईसे पेंला कि इब्राहीम पैदा भओ मैं आंव।

- पैली कुरिन्थियों 13:12

अब हम हां ऐना में धुंधलो सौ दिखाई देत आय; परन्त ऊ बेरा आमूं सामूं हेर हैं, अबै तो मोरो ज्ञान अधूरो आय, परन्त ऊ बेरा भली भांत चीन्ह हों, जैसो मैं चीनो गओ आंव।

- दूसरी कुरिन्थियों 3:18

अकेले हम सबरन के मों पे पिरभू को तेज ऐसो दिखात आय, जैसो आईना में, तो पिरभू जौन आत्मा आय, हम उनके तेज के रूप में हरय हरय बदलत जै हैं।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- दूसरी कुरिन्थियों 5:8

ईसे हम हिम्मत बांधे रैत आंय, और देह हां छोड़ के पिरभू के संग्गै रैबे को मन बना लओ आय।

- फिलिप्पियों 1:23

अब मैं अधर में मानो लटको आंव; मोरो मन आय कि मैं ई संसार हां छोड़ के पिरभू यीशु मसीह लौ जाओं।

- 1 थिस्सलुनीकियों 4:17

और ईके पाछें हम जौन जियत हुईयें और संसार में बचे रै हैं, उनके संग्गै बादरन पै उठा लय जै हैं, कि हवा में पिरभू से जुड़े, और फिन हम पिरभू के संग्गै रै हैं।

- 1 पतरस 1:21

जौन ऊके द्वारा ऊ परमेसुर पे बिसवास करत आव, जीने ऊहां मरे भयन में से जिलाओ, और मईमां दई; कि तुमाओ बिसवास और आस परमेसुर पे होबै।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- यूहन्‍ना के दरसन कौ खुलासा 21:22

और मोहां उते कोई मन्दर नईं दिखानो, कायसे महाबली पिरभू परमेसुर, और मेमना उतै के मन्दर आंय।

- यूहन्‍ना के दरसन कौ खुलासा 3:21

जौन पक्को निकल है, मैं ऊहां अपने संग्गै सिंहासन पै बैठा हों।