- यूहन्‍ना 17:14 - Bundeli Holy Bible

¹⁴ मैंने उन हां तोरो बचन कै दओ आय, और संसार ने ऊहां नईं मानो, कायसे जैसो मैं संसार कौ नईंयां, वैसई बे सोई संसार के नईंयां।

- यूहन्‍ना 17:14 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मरकुस 10:39

उन ने ऊसे कओ, हम से हो सकत आय: यीशु ने उन से कओ; जौन तकलीफ मैं उठाबे पै आंव, तुम उठा हौ; और जौन बपतिस्मा मैं लैबे पै आंव, तुम ऊहां लै हौ।

- यूहन्‍ना 17:16

बे संसार के नईं आंय, जैसो कि मैं भी संसार कौ नईं आंव।

- यूहन्‍ना 17:8

कायसे जो बातें तेंने मोय दईं, मैंने उन हां कै दओ आय, और उन ने उन बोलन हां मान लओ और सही में जान लओ आय, कि मैं तोसें कड़ो आंव, और उन ने भरोसा करो आय कि तेंने ही मोय पठैव आय।

- यूहन्‍ना 7:7

जगत तुम से बैर नईं कर सकत, परन्त मोसे करत आय, कायसे मैं ई बात की सीख देत आंव, कि उन के काज बुरय आंय।

- यूहन्‍ना 8:23

ऊ ने उन से कई, तुम खालें के आव, मैं ऊ परै कौ आंव; तुम ई जगत के आव, मैं ई जगत कौ नईंयां।

- 1 यूहन्‍ना 3:12

कैन घांई नईं करियो जौन दुष्ट हतो, जीने अपने भईया हां मार डालो: और काय हां मार डालो? कायसे ऊ को भईया धरम की गैल चलत हतो, और ऊ दुष्टी हतो।

- 1 यूहन्‍ना 3:13

भईया हरौ, हटी संसार के मान्स तुम से अदावट धरें तो अचम्भा न करियो।