- यूहन्‍ना 16:19 - Bundeli Holy Bible

¹⁹ यीशु ने जौ जानके, कि बे मोय से पूछबो चाहत आंय, उन से कई, का तुम ई बात के बारे में आपस में सोच विचार कर रए आव, जौन मैंने कई, कि तनक बेरा में तुम मोय न देख हौ, और फिन तनक बेरा में तुम मोय देख हौ?

- यूहन्‍ना 16:19 ပူးပေါင်းရင်းမြစ်များ

- मत्ती 6:8

ई लाने उन जैसो न बनियो, कायसे तुमाओ बाप तुमाए मांगबे से पेंलई तुमाई जरूरतें जानत आय।

- मत्ती 9:4

यीशु ने उन के मन कौ विचार जानके कई, तुम अपने अपने मन में बुरय विचार काय कर रए आव?

- मरकुस 9:32

पै जा बात उनकी समझ में नईं आई, और बे ऊसे पूछबे से डरात हते।

- यूहन्‍ना 13:33

हे लड़को, मैं और तनक देर तुमाए संग्गै आंव, फिन तुम मोय ढूंढ़ हौ, और जैसो मैंने यहूदियन से कई, तुम से सोई कैत आंव, कि जिते मैं जाबेवालो आंव, उतै तुम नईं आ पा हौ।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 16:16

तनक बेरा में तुम मोय नईं देख हौ, और फिन तनक बेरा में तुम मोय देख हौ?

- यूहन्‍ना 16:18

तब उन ने कई, तनक बेरा में, जौन बो कहत आय, का बात आय? हम नईं जानत, कि बो का कह रओ आय।

- यूहन्‍ना 16:23

ऊ दिना तुम मोसे कछु नईं पूंछ हौ, मैं तुम से सांची सांची कहत आंव, जदि तुम बाप से कछु भी मांग हौ, तो बो ऊहां मोरे नाओं से तुम हां दै है।

- यूहन्‍ना 16:26

ऊ दिना तुम मोरे नाओं से मांग हौ, मैं तुम से जौ नईं कैत, कि तुमाए लाने बाप से बिनती कर हों।

- यूहन्‍ना 16:30

अब हम जानत आंय, कि तें सब कछु जानत आय, और ई की जरूरत नईंयां, कि कोऊ तोय से कछु पूंछे, ईसे हम भरोसा करत आंय, कि तें परमेसुर से कड़ो आय।

- यूहन्‍ना 21:17

यीशु ने पतरस से तीसरी बेर कई, हे शमौन यूहन्ना के पूत, का तें मोय से प्यार करत आय? पतरस उदास भओ, कायसे यीशु ने तीसरी बेर ऐसी कई; कि का तें मोसे प्यार करत आय? और पतरस ने कई, हे प्रभु, तें सब कछु जानत आय, कि मैं तोसे प्यार करत आंव: यीशु ने ऊसे कई, तें मोरी गाड़रन चरा।

- यूहन्‍ना 6:61

यीशु ने जा जानके कि ऊके चेले ई पे कुड़कुड़ात आंय, उन से कई, का तुम हां जा बात बुरई लगत है?

- यूहन्‍ना 7:33

ई लाने यीशु ने कई मैं तनक बेरा लौ और तुमाए संग्गै आंव; तब मैं ऊके ऐंगर चलो जै हों जीने मोय पठैव आय।

- इब्रानियों 4:13

कछु भी परमेसुर से लुको छिपो नईंयां बे सब जानत आंय, और उनकी आंखन से कछु नईं बरको आय।

- यूहन्‍ना के दरसन कौ खुलासा 2:23

जौन ऊ की बातें मानत आय उन हां सोई मार हों, कि मण्डली के जनें जौ जान लें हैं कि मान्सन के मन की बात मोहां पता आय। मैं तुम सब के करमन कौ बदला तुम हां दैहों।