- यूहन्‍ना 15:5 - Bundeli Holy Bible

⁵ मैं दाख की बेल आंव, तुम डालियां आव; जौन मोय में लगो रहत आय और मैं ऊ में, बिलात फल फलत आंय, कायसे मोसे दूर होकें तुम कछु नईं कर सकत।

- यूहन्‍ना 15:5 ပူးပေါင်းရင်းမြစ်များ

- मत्ती 13:21

फिन भी अपने मन में गहरी जड़ नईं धरत और तनक बेरा कौ आय, और जब बचन के लाने दुख सताव होत आय, तो तुरतईं ठोकर खात आय।

- यूहन्‍ना 12:24

मैं तुम से सांची सांची कहत आंव, कि जब लौ गेंहूं कौ दाना मिट्टी में पड़के मर नईं जात, बो अकेलो रहत आय परन्त जब मर जात आय, तो बिलात फलत आय।

- यूहन्‍ना 15:16

तुम ने मोय नईं चुनो, परन्त मैंने तुम हां चुनो है और तुम हां बताओ, कि तुम फल लाओ; और तुमाओ फल बनो रए, कि तुम मोरे नाओं से जो कछु बाप से मांगो, बो तुम हां देबे।

- यूहन्‍ना 5:19

ई लाने यीशु ने उन से कई, मैं तुम से सांची सांची कैत हों, कि पूत खुद कछु नईं कर सकत, केवल ओई जौन बो बाप हां करत हेरत आय, कायसे जौन कछु बाप करत आय, उनई कामन हां पूत भी ओई रीत से करत आय।

- यूहन्‍ना 9:33

जदि जौ मान्स परमेसुर की कोद से न होतो, तो कछु नईं कर सकत हतो।

- प्रेरितन के काम 4:12

कोऊ दूसरे के द्वारा उद्धार नईंयां; कायसे सरग के नेंचें मान्सन में और कोऊ नाओं नईंयां जीसे मान्स तरन तारन पा सके।

- रोमियों 12:5

ऊंसई हम जौन बिलात आंय, मसीह में एक देयां होकें आपस में एक दूसरे के अंग आंय।

- रोमियों 6:22

कायसे ऊकौ दूसरो छोर तो मौत आय, परन्त अब पाप से स्वतन्त्र होकें और परमेसुर के चाकर बन के तुम हां फल मिलो जीसे पवित्रता मिलत आय, और ऊके दूसरे छोर पै अनन्त जीवन आय।

- रोमियों 7:4

हे मोरे भईया हरौ, तुम सोई मसीह की देयां के द्वारा नेम व्यवस्था के लाने मरे भए बन गए, कि ऊ दूसरे के हो जाओ, जौन मरे भयन में से जी उठो: जीसे हम परमेसुर के लाने फल लाबें।

- पैली कुरिन्थियों 10:16

बो धन्नबाद कौ कटोरा, जी पे हम धन्नबाद करत आंय, का मसीह के रकत की संगत नईंयां? बो रोटी जिये हम तोड़त आंय, का बो मसीह की देयां की संगत नईंयां?

- पैली कुरिन्थियों 12:12

कायसे जौन भांत देयां तो एकई आय, परन्त ऊ में अंग बिलात आंय, और ऊ एक देयां के सबरे अंग, बिलात होबे पे सोई सबरे जुड़ के एकई देयां आय, ओई भांत मसीह सोई आय।

- पैली कुरिन्थियों 12:27

ऐई भांत तुम सबरे जुड़ के मसीह की देयां आव, और अलग अलग ऊके अंग आव।

- दूसरी कुरिन्थियों 13:8

कायसे हम सांचे के बदले बिरोध में कछु नईं कर सकत, अकेले सांचे के काजें सब कर सकत आंय।

- दूसरी कुरिन्थियों 9:10

जौन बोवेवारे हां बीज, और खैबे हां रोटी देत आय बो तुम हां बीज दै है, और ऊहां उगा है; और तुमाए धरम के फल बहुतई बढ़ा है।

- गलतियों 5:22

अकेले आत्मा के फल प्रेम, आनन्द, मेल मिलाप, धीरज धरबो।

- इफिसियों 5:9

(कायसे जोत कौ फल सब परकार की भलाई, और धार्मिकता, और सत्त आय)

- फिलिप्पियों 1:11

और उन बातन से जौन यीशु मसीह पै ध्यान धरे से मिलत आय, परमेसुर के नाओं के जस से बढ़त जाओ।

- फिलिप्पियों 4:13

मैं ऊ परमेसुर के जोर से सब कछु कर सकत आंव।

- फिलिप्पियों 4:17

जौ नईंयां कि मोहां कछु चईये परन्त मैं चाहत आंव कछु ऐसी बातें, जौन से आगे हां तुमाओ फायदा होबे।

- कुलुस्सियों 1:10

कि तुमाई चाल पिरभू हां अच्छी लगे, और बे सबरी बातन से खुस होबें, और तुमाए काज भले होबें, और परमेसुर के काज में बढ़त चलो।

- कुलुस्सियों 1:6

जौन सुसमाचार तुम ने सुनो और जीहां संसार के मान्सन ने मानो, और ऊ पै चित्त लगाओ मानो कि जी दिना से तुम ने ऊ सुसमाचार हां सुनो, और पूरे मन से बिसवास करो, और परमेसुर की दया जौन उन ने करी ऊहां चीनो आय, और ऊहां मन में बसाओ आय।

- याकूब 1:17

हर एक साजो बरदान और हर एक साजे से साजे बरदान ऊ परै से आंय, और उजयारे के बाप कुदाऊं से मिलत आय, जौन न तो कभऊं बदलत आय, और न छाया के जैसो बदलबे वारो आय।

- 1 पतरस 2:4

ऊके ऐंगर आके, जिए मान्सन ने तो बिना काम कौ ठैराओ, परन्त परमेसुर के ऐंगर नबेरो भओ, और बिलात मोल कौ जीयत पथरा आय।

- 2 पतरस 3:18

परन्त हमाए पिरभु, और तारन करबेवारे यीशु मसीह के अनुग्रह और सान्ति में बढ़त जाओ।