- यूहन्‍ना 15:11 - Bundeli Holy Bible

¹¹ जे बातें मैंने तुम से ई लाने कईं आंय, कि तुम में मोरी खुसी बनी रैबें, और तुमाई खुसी पूरी हो जाबै।

- यूहन्‍ना 15:11 ပူးပေါင်းရင်းမြစ်များ

- लूका 15:23

और पलो भओ बकरा लाके मारो कि हम खाबें और खुसी मनाबें।

- लूका 15:32

अब खुसी मनाबो और मगन होबो चईये, कायसे जौ तोरो भाई मर गओ हतो फिन जी गओ आय; हिरा गओ हतो, अब मिल गओ आय।

- लूका 15:5

और जब ऊहां मिल जात आय, तब बो बड़ी खुसी से ऊ गाड़र हां कन्धा पे उठा लेत आय।

- लूका 15:9

और जब मिल जात आय, तो बा अपनी सखियों और पड़ोसन हां जोड़ के कैत आय, मोरे संग्गै खुसी मनाओ, कायसे मोरो हिरानो भओ सिक्का मिल गओ आय।

- यूहन्‍ना 16:24

अब लौ तुम ने मोरे नाओं से कछु नईं मांगो; मांग हौ तो तुम हां मिल है जीसे तुमाई खुसी पूरी हो जाए।

- यूहन्‍ना 16:33

जे बातें मैंने तुम से ई लाने कई आंय, कि तुम मोय में सान्ति पाओ; संसार में तुम हां दुख होत आय, परन्त हिम्मत बांधो, मैंने जगत हां जीत लओ आय।

- यूहन्‍ना 17:13

परन्त अब मैं तोरे ऐंगर आत आंव, और जे बातें जगत में कहत आंव, कि बे अपने में मोरी खुसी पूरी पाबें।

- यूहन्‍ना 3:29

दूल्हा ओई आय, जीकी दुल्हन आय, पर दूल्हे कौ संग्गी जौन ठांड़ो भओ ऊ की सुनत आय, दूल्हा कौ ऐरो सुनके मन में खुस होत आय; और ऐई तरहां मोरी खुसी पूरी भई आय।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- दूसरी कुरिन्थियों 1:24

जौ नईंयां, कि हम तुम पे यीशु पै बिसवास करबे से अधकार जमात आंय, अकेले तुमाए मजा मौज में खुसी आय, कायसे तुम बिसवास में पक्के बने रहत आव।

- इफिसियों 5:18

और दाखन के रस पीके बेसुर्त न हो, कायसे ऐसे में बुरय काम होत आंय, पै आत्मा से भरत जाओ।

- फिलिप्पियों 1:25

ईसे मोहां पता आय कि मैं तुमाए संग्गै जीयत रै हों, कि तुम अपने बिसवास के आनन्द में बढ़त जाओ।

- 1 थिस्सलुनीकियों 5:16

हमेसा खुस रओ।

- 1 पतरस 1:8

ऊसे तुम बिना तकें प्रेम राखत आव, और अब तो ऊ पे बिना तकें सोई बिसवास करके ऐसे खुस और परसन्न होत आव, जौ कओ नईं जा सकत और मईमा से भरो भओ आय।

- 1 यूहन्‍ना 1:4

जे सबरी बातें हम ईसे लिखत आंय, कि हम हां और खुसी होबै।

- 2 यूहन्‍ना 1:12

मोय तुम हां और बिलात बातें लिखबे हां आंय, परन्त कागज और सियाही से नईं लिखो चाहत; मोरी मन्सा आय, कि तुम लौ आओं और आमूं सामूं बतकाओ करों, जीसे मोरो और तुमाओ मन भरै।