- यूहन्‍ना 14:30 - Bundeli Holy Bible

³⁰ मैं तुम से अब और बिलात बातें न कै हों, कायसे ई जगत कौ हाकिम आ रओ आय, और मोय में ऊ को कछु नईंयां।

- यूहन्‍ना 14:30 ပူးပေါင်းရင်းမြစ်များ

- लूका 1:35

सरगदूत ने ऊसे कई; पवित्तर आत्मा तोपे उतर है, और परमप्रधान की बल सक्ति तोपे छाया कर है, ई लाने बो पवित्तर जौन जन्म लेबेवालो आय, परमेसुर कौ पूत कहा है।

- लूका 22:53

जब मैं मन्दर में हर दिना तुमाए संग्गै हतो, तो तुम ने मो पे हाथ न डालो; पर जा तुमाई बेरा आय, और अंधयारे को अधकार आय।

- यूहन्‍ना 12:31

अब ई जगत कौ न्याव होत आय, अब ई जगत कौ हाकिम काड़ दओ जै है।

- प्रेरितन के काम 1:3

और ऊ ने दुख पीड़ा झेलबे के पाछें बिलात पक्के सबूतों से उन हां अपने आप हां जीयत दिखाओ, और चालीस दिना लौ उन हां दिखाई देत रओ: और परमेसुर के राज की बातें करत रओ।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- दूसरी कुरिन्थियों 5:21

जौन पाप जानत लौ न हते, उनईं के ऊ परै उन ने हमाए पाप डाल दए, कि उन से हम सबरे जनें परमेसुर के लाने धरमी हो जाबें।

- इफिसियों 2:2

तुम पेंला ई संसार की रीत पै, और आकास के हाकम शैतान और ऊ आत्मा से चलत हते, जौन अबै सोई कई न करबे वारन में काम करत आय।

- इफिसियों 6:12

कायसे हमाई लड़ाई मान्सन से नईंयां, परन्त हमाई लड़ाई शैतान और अंधियारे के जोर से आय, जौन आकास में आय।

- कुलुस्सियों 1:13

उनई ने हम हां शैतान के अंधियारे से छुड़ा के अपने प्यारे बेटा यीशु मसीह के राज में जोड़ दओ।

- इब्रानियों 4:15

पिरभू यीशु मसीह हमाई उन बातन हां जी में हम कच्चे आंय; उनहां जानत आंय, कायसे एक एक बात में उनकी परख भई, परन्त उन में कोई पाप नईं कड़ो।

- इब्रानियों 7:26

हम हां ऐसई महायाजक चानें हतो, जौन पवित्तर, सूदे और बिना पाप के होबें, और पापी मान्सन जैसे न होबें, परन्त सरग लौ ऊंचे उठे होबें।

- 1 पतरस 1:19

पर निर्दोष और बेदाग मेमने जाने कि मसीह के अमोल रक्त से भओ।

- 1 पतरस 2:22

न तो ऊ ने पाप करो, न ऊके मों से कोई छल की बात कड़ी।

- 1 यूहन्‍ना 4:4

हे लड़को, तुम परमेसुर के आओ: और तुम ऊ शैतान छलिया से जीते आव; कायसे जौन तुमाए भीतरे आय, बो ऊ छलिया से जौन संसार में आय, बड़ो आय।

- 1 यूहन्‍ना 5:18

हम हां पता आय, कि जौन परमेसुर मैं बिसवास धरें आय, बो जनो पाप करतई नईंयां; कायसे परमेसुर ऊहां बचाए रैत आंय, और ऊ शैतान छलिया उन हां छी लौ नईं पात।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।