- यूहन्‍ना 14:26 - Bundeli Holy Bible

²⁶ परन्त संग्गी यानि पवित्र आत्मा जीहां बाप मोरे नाओं में पठै है, बो तुम हां सब बातें सिखा है, और सब कछु जौन मैंने तुम से कई आय, तुम हां खबर करा है।

- यूहन्‍ना 14:26 ပူးပေါင်းရင်းမြစ်များ

- मत्ती 1:18

यीशु मसीह कौ जन्म ऐसो भओ, कि जब ऊकी मताई मरियम की पक्‍यात यूसुफ के संग्गै हो गई, तो उनके जुरबे के पेंलईं बे पवित्र आत्मा की कोद से गरभ से पाई गई।

- मत्ती 1:20

परन्त जब बो जौ सब सोचई रओ हतो तो पिरभू कौ एक सरगदूत ऊहां सपने में जौ कहत भओ दिखो; कि ऐ यूसुफ दाद के पूत, तें मरियम हां अपनी घरवाली बनाबे से न डरा; कायसे जौन ऊके गरभ में आय, बो पवित्र आत्मा की कोद से आय।

- मत्ती 28:19

ई लाने जाओ और सब जातन के लोगन हां चेला बनाओ, और उन हां बाप, पूत और पवित्रआत्मा के नाओं से बपतिस्मा देओ।

- मत्ती 3:11

मैं तुम हां पानू से मन फिराबे कौ बपतिस्मा देत आंव, पर जो मोरे बाद आबेवारो आय, बो मोय से बली आय; मैं ऊकी पनईयां उठाबे के लाक नईंयां, बो तुम हां पवित्र आत्मा और आगी से बपतिस्मा दै है।

- मरकुस 12:36

दाऊद ने खुद शुद्ध आत्मा में होकें कओ, कि प्रभु ने मोरे प्रभु से कओ; मोरे दाहिने बैठ, जब लौ मैं तोरे बैरियन हां तोरे गोड़ों के नेंचें न कर देंहों।

- मरकुस 13:11

जब बे तुमें लै जाके सौंप हैं, तो पेंला से चिन्ता न करियो, कि हम का कै हैं; पै जो कछु तुमें ओई घड़ी बताओ जाए, ओई कईयो; कायसे कि बोलबे वाले तुम नईंयां, बल्कि शुद्ध आत्मा आय।

- लूका 1:15

कायसे बो पिरभु के सामूं महान हुईये; बो दाखन कौ रस और दारू कभऊं न पी है; बो अपनी माताई के गरभ से पवितर आत्मा से पूरो भर जै है।

- लूका 1:35

सरगदूत ने ऊसे कई; पवित्तर आत्मा तोपे उतर है, और परमप्रधान की बल सक्ति तोपे छाया कर है, ई लाने बो पवित्तर जौन जन्म लेबेवालो आय, परमेसुर कौ पूत कहा है।

- लूका 1:41

जैसई इलीशिबा ने मरियम कौ परनाम सुनो, उंसई बच्चा ऊके पेट में उछल पड़ो, और इलीशिबा पवित्तर आत्मा से भर गई।

- लूका 1:67

ऊ को बाप जकरयाह पवित्तर आत्मा से भर गओ, और आगमबानी करन लगो।

- लूका 11:13

सो जब तुम बुरए होकें अपने बाल-बच्चन हां साजी बस्तें देबो जानत आव, तो तुमाओ बाप जौन सरग में आय, अपने मांगबेवारन हां पवित्तर आत्मा काय न दै है।

- लूका 2:25

और तको, यरूशलेम में शमौन नाओं एक मान्स हतो, बो मान्स धर्मी और भक्त हतो; और इस्राएल की सान्ति की बाट जोह रओ हतो, और पवित्तर आत्मा ऊ पे हतो।

- लूका 24:49

और तको, जी कौ कौल मोरे बाप ने करो आय, ऊहां मैं तुम पे उतार हों और जब लौ सरग से बल शक्ति न पाओ, तब तक तुम ऐई नगर में ठैरे रओ।

- लूका 3:22

तब पवित्तर आत्मा कबूतर की भांत ऊ पै उतरो, और जा आकासवानी भई, तें मोरो प्यारो पूत आय, मैं तोसें खुस आंव।

- यूहन्‍ना 1:33

और मैं तो ऊहां नईं चीनत हतो, पर जीने मोय पानू से बपतिस्मा दैबे पठैव, ओई ने मोय से कई, जीपे तें आत्मा हां उतरत और ठहरत हेरे; पवित्र आत्मा से बपतिस्मा देबेवालो ओई आय।

- यूहन्‍ना 12:16

ऊके चेले, पेंला तो जे बातें नईं जाने; परन्त यीशु के महिमामय होबे के पाछें, उन हां खबर आई, कि जे बातें ऊके बारे में लिखीं भईं हतीं; और लोग ने ऊके संग्गै ऐसो ही व्यवहार करो हतो।

- यूहन्‍ना 14:16

और मैं बाप से बिनती कर हों, और बो तुम हां एक और संग्गी दै है, कि बो सदा तुमाए संग्गै रए।

- यूहन्‍ना 14:25

जौ बतकाव तुमाए संग्गै रहत भए मैंने तुम से करो।

- यूहन्‍ना 15:26

पर जब बो संग्गी आ है, जीहां मैं बाप की कोद से तुमाए ऐंगर पठै हों, यानि सत्य कौ आत्मा जौन बाप से कड़त आय, तो बो मोरी गवाह दै है।

- यूहन्‍ना 16:7

तौभी मैं तुम से सांची सांची कहत आंव, कि मोरो जाबो तुमाए लाने साजो आय, कायसे जदि मैं नईं जा हों, तो ऊ सहायक तुमाए ऐंगर न आहै, पर जदि मैं जा हों, तो ऊहां तुमाए ऐंगर पठै दें हों।

- यूहन्‍ना 2:22

ई लाने जब बो मरे भयन में से जी गओ, तो ऊके चेलन हां खबर आई, कि ऊ ने ऐसी कई हती; भरोसा करो।

- यूहन्‍ना 20:22

और जब बो जौ कह चुको, तो ऊ ने उन पे फूंको और उन से कई, पवित्र आत्मा लेओ।

- यूहन्‍ना 6:45

अगमवकतन के शास्त्रन में जौ लिखो आय, और बे सब परमेसुर की कोद से सिखाए भय हुईयें। जीने बाप से सुनो और सीखो आय, बो मोरे ऐंगर आत आय।

- यूहन्‍ना 7:39

ऊ ने पवित्र आत्मा के बारे में कई, जीहां ऊ पे भरोसा करबेवाले पाबे पे हते; कायसे पवित्र आत्मा अबै लौ नईं उतरो हतो, कायसे यीशु अबै लौ महिमा में नईं पहुंचो हतो।

- प्रेरितन के काम 1:2

ऊ दिना लौ जब बो उन प्रेरितन हां जिन हां ऊ ने नबेरो हतो, पवित्तर आत्मा के द्वारा हुकम देके ऊ परै उठाओ न गओ।

- प्रेरितन के काम 1:4

और उन से मिल के उन हां हुकम दओ, कि यरूशलेम न छोड़ियो, परन्त पिता कौ कौल पूरो होबे की बाट तकत रओ, जी के बारे में तुम मोसे सुन चुके आव।

- प्रेरितन के काम 1:8

पर जब पवित्तर आत्मा तुम पे आ है तब तुम बल पा हौ; और यरूशलेम और सबरे यहूदिया और सामरिया में, और धरती के छोर लौ मोरे गवाह हुईयो।

- प्रेरितन के काम 11:16

तब प्रभु कौ बोल मोय खबर आव; जौन बो कहो करत हतो; यूहन्ना ने तो पानू से बपतिस्मा दओ, पर तुम पवित्र आत्मा से बपतिस्मा पा हौ।

- प्रेरितन के काम 13:2

जब बे उपास और प्रभु की भक्ति कर रए हते, तो पवित्र आत्मा ने कई; मोरे लाने बरनाबास और शाऊ ल हां, ऊ काज के लाने न्यारो करो, जीके लाने मैंने उनहां टेरो आय।

- प्रेरितन के काम 13:4

ई लाने पवित्र आत्मा से कय से बे सिलूकिया गए; और उते से जहाज से कुप्रुस गए।

- प्रेरितन के काम 15:28

कायसे पवित्र आत्मा और हम हां जौ सही जान पड़ो, कि इन जरूरी बातन हां छोड़; तुम पे और कोऊ बुझवा न डालें।

- प्रेरितन के काम 15:8

और परमेसुर जौन मन हां जानत आय, हमाई तरहां उनहां भी पवित्र आत्मा देके, उन की कोद में गवाही दई।

- प्रेरितन के काम 16:6

बे फ्रूगिया और गलतिया के परगना से होकें कड़े, कायसे पवित्र आत्मा ने उनहां एशिया में बोल सुनाबे से मना करो।

- प्रेरितन के काम 2:33

ई तरहां परमेसुर के दाहिने हाथ से ऊं चो पद पाके, और बाप से बा पवित्र आत्मा पाके जीकी कौल की गई हती, ऊ ने जौ उण्डेल दओ आय जो तुम तकत और सुनत आव।

- प्रेरितन के काम 2:4

और बे सबरे पवित्तर आत्मा से भर गए, और जौन भांत पवित्तर आत्मा ने उन हां बोलबे की समझ दई, बे औरें दूसरी दूसरी भाषा बोलन लगे।

- प्रेरितन के काम 20:28

ई लाने अपनी और अपने सबरे गुट की रखनवारी करो; जीके बीच पवित्र आत्मा ने तुमहां मुखिया ठहराओ आय; की तुम परमेसुर की मण्डली की रखनवारी करो, जीहां ऊ ने अपने खून से मोल लओ आय।

- प्रेरितन के काम 20:35

मैंने तुमहां हरएक बातन से जौ बताओ आय, की तुम भी ऐंसई कड़ी मेहनत करके, कमजोरन हां संभालो, और प्रभु यीशु मसीह की बातन की खबर धरियो, जौन ऊ ने आपऊ कहे; की लेबे से देबो धन्य आय।

- प्रेरितन के काम 28:25

जब बे एक दूसरे से राजी नईं भए, तब पौलुस की अखिरी बात के कहबे के पाछें बे उते से चले गए, पवित्र आत्मा ने यशायाह आगमवक्ता से तुमाए पुरखन से सही कई।

- प्रेरितन के काम 5:3

पतरस ने कओ; हे हनन्याह! शैतान छलिया ने तोरे हिए में जा बात काय डाली, कि तें पवित्तर आत्मा से लाबरी काबे, और भूमि के दाम में से कछु रख लैबे।

- प्रेरितन के काम 7:51

जैसो तुमाए बाप दादे करत हते, तुम सोई करत आव।

- प्रेरितन के काम 7:55

पर ऊ ने पवित्तर आत्मा से भरके सरग कोद तको और परमेसुर की मईंमा करी और यीशु हां परमेसुर के सूदे हाथ ठांड़ो तको और कओ।

- रोमियों 14:17

कायसे परमेसुर कौ राज खैबो पीबो नईंयां; परन्त धरम और मेल मिलाप और बा खुसी आय; जौन पवित्तर आत्मा से होत आय।

- रोमियों 15:13

परमेसुर जौन आसा को दैबेवारो आय, तुम हां बिसवास करबे में सबरी भांत की खुसी से सान्ति भर देबे, कि पवित्तर आत्मा के बल से तुमाई आसा बढ़त जाय।

- रोमियों 15:16

कि मैं दूसरी जातवारन के लाने मसीह यीशु कौ चाकर होकें परमेसुर के भले सन्देसे की सेवा याजक घांई करों; जीसे दूसरी जातवारन कौ मानो दओ जाबो, पवित्तर आत्मा से पवित्तर बनके अपनाओ जाबे।

- रोमियों 5:5

और आसा से लज्जा नईं होत, कायसे पवित्तर आत्मा जौन हम हां दओ गओ आय, ऊके द्वारा परमेसुर कौ प्रेम हमाए हियन में डालो गओ आय।

- पैली कुरिन्थियों 12:3

ई लाने मैं तुम हां चिताए देत आंव कि जौन कोई आत्मा के उसकेरे से बोले, ऊ नईं कैत कि यीशु बुरओ आय; और न कोऊ पवित्तर आत्मा के बिना कै सकत आय कि यीशु पिरभु आय।

- पैली कुरिन्थियों 6:19

का तुम हां पता नईंयां, कि तुमाई देयां पवित्तर आत्मा कौ मन्दर आय; जौन तुम में बसो आय और तुम हां परमेसुर कुदाऊं से मिलो आय, और तुम अपने नईं आव?

- दूसरी कुरिन्थियों 13:14

पिरभू यीशु मसीह की दया और परमेसुर कौ प्रेम और पवित्रात्मा की संगत तुम सबरन के संग्गै होत रए।

- दूसरी कुरिन्थियों 6:6

साजो रैके, ज्ञान से, धीरज धर के, दया करके, पवित्तर आत्मा से।

- इफिसियों 1:13

उनई में जब तुम ने सांचे बचन सुने, जौन से तुमाए तरन तारन हो, जीहां तुम ने मानो, और कौल करे भए पवित्रात्मा की चिनानी लग गई।

- इफिसियों 1:17

कि हमाए पिरभू यीशु मसीह के परमेसुर जौन सबरे जस को देबेवारो आय, तुम हां अपनी चिनारी में, बुद्धि और प्रकास की आत्मा देबे।

- इफिसियों 4:30

और परमेसुर की आत्मा हां न दुखाओ, जिन से तुमाए पाप से छूटे भय हां ईकी छाप लगी।

- 1 थिस्सलुनीकियों 4:8

सो जौन ई सीख हां हल्की बात समझत आय, बो मान्स हां नईं, पर परमेसुर हां नीचो समझत आय, जीनें हम हां पवित्तर आत्मा दई आय।

- 2 तीमुथियुस 1:14

पवित्रात्मा जौन हमाए हिये में बल देत आय, जौन काम उन ने दओ आय ऊहां सुतारो धरे रै।

- तीतुस 3:5

सो उन ने हमाओ तरन तारन करो: जौन हमाए घरम के क रमन से नईं, जौन हम ने करे, परन्त उन की दया से भओ, जीसे हम हां नओ जीवन पवित्तर आत्मा के नये बनाबे से मिलो।

- इब्रानियों 10:15

पवित्रात्मा सोई ऐसो कैत आय; कि पेंला ऐसो कहो गओ।

- इब्रानियों 2:4

परमेसुर ने जौ दिखाओ कि उनको बचन सांचो आय, अदभुत काम और चिन्ह दिखा के, और पवित्रात्मा देके ईकी गवाह दई।

- इब्रानियों 3:7

जैसो आत्मा कैत आय, कि तुम जब आज उनकी बात हां सुनो।

- इब्रानियों 9:8

इन बातन से पवित्तर आत्मा ऐसो कैत आय, कि जब लौ पेंलावारो तम्बू मैं ध्यान मनन होत हतो, जब लौ पवित्तर जांगा को रास्ता सबरन हां नईं पता चलो।

- 1 पतरस 1:12

उन पे जौ उजागर करो गओ, कि बे अपनी नोंई परन्त तुमाई सेवा के लाने जे बातें कओ करत हते, जी की खबर अब तुम हां उन से जौन सरग से पठैओ गओ: तुम हां भलो सन्देसो सुनाओ, और इन बातन हां सरगदूत सोई ध्यान से देखबे की मनसा राखत आंय।

- 2 पतरस 1:21

कायसे कोनऊं आगमवानी मान्सन की मनसा से कभऊं नईं भई, पर भगत जनें पवित्तर आत्मा से आज्ञा पाके परमेसुर कुदाऊं से बोलत हते।

- 1 यूहन्‍ना 2:20

हमें तो पवित्तर परमेसुर ने न्यारो करो आय, और जे सबरी बातन हां तुम जानत आव।

- 1 यूहन्‍ना 2:27

जैसे उन ने तुम हां अपनाओ, और जिन में तुम बने आव; सो अब कोई हां तुम हां और नईं चिताने, कायसे बे तो आपऊ तुम हां सबरी बातें बतात आंय; कोऊ सांचो आय लबरा नईंयां, सो जौन बातें उन ने बताई उन हां मानो।

- 1 यूहन्‍ना 5:7

कायसे जा बात आत्मा से भई; और आत्मा की बात सांची होत आय।

- यहूदा 1:20

प्यारे भईया हरौ, तुम ने जौन बिसवास धरो आय ऊ में पक्के बनो और मन से बिन्तवारी करत रओ।

- यूहन्‍ना के दरसन कौ खुलासा 2:11

जीके कान होबें, बो सुन लेबें कि आत्मा मण्डलियन से का कैत आय: कि जौन इन बातन में पक्को बनो रै है ऊहां दूसरी मृत्यु से कछु न हुईये।