- यूहन्‍ना 14:24 - Bundeli Holy Bible

²⁴ जौन मोसे प्रेम नईं करत, बो मोरे बचन को नईं मानत, और जौन बचन तुम सुनत आव, बो मोरो नईं परन्त बाप कौ आय, जीने मोय पठैव है।

- यूहन्‍ना 14:24 ပူးပေါင်းရင်းမြစ်များ

- मत्ती 19:21

यीशु ने ऊसे कई, अपनी जायजाद बेंच के गरीबन हां बांट दे; और आके मोरे पाछें हो ले।

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 14:15

जदि तुम मोसे प्रेम रखत आव, तो मोरी अग्या को मान हौ।

- यूहन्‍ना 14:25

जौ बतकाव तुमाए संग्गै रहत भए मैंने तुम से करो।

- यूहन्‍ना 3:11

मैं तोसें सांची सांची कहत आंव कि हम जौन जानत आंय, ओई कहत आंय, और जीहां हमने हेरो आय, ओई की गवाही देत आंय, और तुम हमाई कई नईं मानत।

- यूहन्‍ना 3:34

कायसे जीहां परमेसुर ने पठैव आय, बो परमेसुर की बातें करत आय, कायसे बो बिना भेदभाव के ऊहां आत्मा देत आय।

- यूहन्‍ना 5:19

ई लाने यीशु ने उन से कई, मैं तुम से सांची सांची कैत हों, कि पूत खुद कछु नईं कर सकत, केवल ओई जौन बो बाप हां करत हेरत आय, कायसे जौन कछु बाप करत आय, उनई कामन हां पूत भी ओई रीत से करत आय।

- यूहन्‍ना 5:38

और ऊ को वचन तुम में बनो नईं रहत, कायसे जीने मोय पठैव आय तुम ऊ को भरोसा नईं करत।

- यूहन्‍ना 7:16

तब यीशु ने उन से कई, जौ सन्देस मोरो नईं, परन्त ऊ को आय जीने मोय पठैव।

- यूहन्‍ना 7:28

तब यीशु ने मन्दर में सीख देत भय जोर देके कई, तुम मोय जानत आव और जौ भी जानत हों, कि मैं किते कौआंव: मैं अपने से नईं आओ परन्त जीने मोय पठैव बो सांचो आय, जीहां तुम नईं चीनत।

- यूहन्‍ना 8:26

मोय तुमाए बारे में बिलात बातें कैने और न्याव करने आय, परन्त जीने मोय पठैव बो सांचो आय; और बे बातें जौन मैंने ऊसे सुनी, बे ही मैं जगत से कहत आंव।

- यूहन्‍ना 8:28

तब यीशु ने उन से कई, जब तुम मान्स के पूत हां ऊंचे पे चढ़ा हौ, तब तुम जान जै हौ कि मैं ओई आंव, और मैं अपने से कछु नईं करत, पर जैसो बाप ने मोय सिखाओ, मैं वैसई बातें कैत आंव।

- यूहन्‍ना 8:38

मैं बेई बातें कहत आंव, जिन हां अपने बाप के इते तको आय; ऐसई तुम भी बेई काज करत आव जिन हां, तुम ने अपने बाप से सुनो आय।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।