- यूहन्‍ना 14:23 - Bundeli Holy Bible

²³ यीशु ने ऊसे कई, जदि कोऊ मोय से प्रेम करत आय, तो बो मोरे बचन हां मान है, और मोरो बाप ऊसे प्रेम कर है, और हम ऊके ऐंगर आ हैं, और ऊके संग्गै बस हैं।

- यूहन्‍ना 14:23 ပူးပေါင်းရင်းမြစ်များ

- उत्पत्ति 1:26

फिन यहोवा परमेसुर ने कई, “हम मान्‍स हों अपने स्‍वरूप के अनसार अपने समान बनाएं; और बे समंदर की मछरियों, आकास के पक्‍छियों, घरेलू पसुओं, पूरी पृथ्‍वी और सब रेंगबेवारे जन्‍तुओं पै जो पृथ्‍वी पै रेंगत आंय, अधकार रखें।”

- उत्पत्ति 11:7

ई लाने आओ, हम उतरकें उनकी भासा में गड़बड़ी डालें, कि बे एक-दूसरे की बोली हों नें समझ पाएं।”

- यूहन्‍ना 10:30

मैं और बाप एकई आंय।

- यूहन्‍ना 14:15

जदि तुम मोसे प्रेम रखत आव, तो मोरी अग्या को मान हौ।

- यूहन्‍ना 14:17

यानि सत्य कौ आत्मा, जीहां संसार ग्रहण नईं कर सकत, कायसे बो ऊहां नईं देखत आय और न चीनत आय: तुम ऊहां चीनत आव, कायसे बो तुमाए संग्गै रहत आय, और बो तुमाए भीतरे हुईये।

- यूहन्‍ना 14:21

जीके ऐंगर मोरो हुकुम आय, और बो ऊ को मानत आय, ओई मोसे प्रेम करत आय, और जौन मोय से प्रेम करत आय, ऊसे मोरो बाप प्रेम कर है, और मैं ऊसे प्रेम कर हों, और अपने आपई हां ऊ पै दरसा हों।

- यूहन्‍ना 14:24

जौन मोसे प्रेम नईं करत, बो मोरे बचन को नईं मानत, और जौन बचन तुम सुनत आव, बो मोरो नईं परन्त बाप कौ आय, जीने मोय पठैव है।

- यूहन्‍ना 15:10

जदि तुम मोरे हुकुम कौ पालन कर हौ, तो तुम मोरे प्रेम में बने रै हौ, वैसई जैसो मैंने अपने बाप के हुकम को मानो है, और ऊके प्रेम में बनो रहत आंव।

- यूहन्‍ना 16:27

कायसे बाप खुद तुम से प्रेम करत आय, ई लाने कि तुम ने मोय से प्रेम करो आय, और जे भरोसा करो आय, कि मैं बाप में से कड़ के आओ आंव।

- यूहन्‍ना 6:56

जौन मोरो मांस खात और मोरो खून पीयत आय, बो मोय में बनो रहत आय, और मैं ऊ में।

- यूहन्‍ना 8:51

मैं तुम से सांची सांची कहत आंव, अगर कोऊ मोरो बचन कौ पालन कर है, तो बो कभऊं मृत्यु हां न तक है।

- यूहन्‍ना 8:52

यहूदियन ने ऊसे कई, अब हम जान गए आंय कि तो में दुष्ट आत्मा आय: इब्राहीम मर गओ, और अगमवकता सोई मर गए और तें कहत आय, कि अगर कोऊ मोरे बचन कौ पालन कर है, तो बो कभऊं मृत्यु कौ स्वाद नईं चख है।

- दूसरी कुरिन्थियों 6:16

और मूरतन को परमेसुर के मन्दर में का काज? कायसे हम जियत परमेसुर के मन्दर आंय; जैसो परमेसुर ने कहो आय कि उन में बस हों और उन में घूम हों; और मैं उन को परमेसुर और बे मोरे जनें कहा हैं।

- इफिसियों 3:17

और बिसवास करे से मसीह तुमाए हिये में रैबे, कि तुम प्रेम में जड़ पकड़ के और नीं डाल के।

- 1 यूहन्‍ना 2:24

जो कछु तुम ने पैली बेरा से सुनो आय ओई हां मानो, कायसे जौन बातें तुम ने पेंला सुनके अपने हिये में जमा लईं, तो तुम यीशु मसीह जौन बेटा आय और परमेसुर जौन पिता आय उन में बने रै हौ।

- 1 यूहन्‍ना 2:5

परन्त जो कोनऊं उनकी कई करबे, बौ सांचई परमेसुर से प्रेम करत आय; ऐसो करबे से पता चलत आय, कि हम उनके आंय।

- 1 यूहन्‍ना 4:4

हे लड़को, तुम परमेसुर के आओ: और तुम ऊ शैतान छलिया से जीते आव; कायसे जौन तुमाए भीतरे आय, बो ऊ छलिया से जौन संसार में आय, बड़ो आय।

- 1 यूहन्‍ना 5:3

परमेसुर को प्रेम ऐसो आय, कि हम उनकी कई करें; और उनकी अग्यां कठन नईंयां।

- 2 यूहन्‍ना 1:6

प्रेम ऐसो, कि उन ने जौन अग्यां दईं आय, उन हां जिन हां हम ने पेंला से जानो आय उन पै चलो।

- यूहन्‍ना के दरसन कौ खुलासा 21:22

और मोहां उते कोई मन्दर नईं दिखानो, कायसे महाबली पिरभू परमेसुर, और मेमना उतै के मन्दर आंय।

- यूहन्‍ना के दरसन कौ खुलासा 21:3

फिन मैंने सिंहासन में से कोऊ हां जा टेर लगात सुनो, कि हेर, कि परमेसुर कौ डेरा मान्सन के बीच में आय; और मान्सन उनके संग्गै रै हैं, और बे मान्सन के परमेसुर कहा हैं।

- यूहन्‍ना के दरसन कौ खुलासा 22:3

फिन श्राप न हुईये, और परमेसुर और मेमना कौ सिंहासन नगर में हुईये, और ऊके चाकर ऊ की सेवा कर हैं।