- यूहन्‍ना 14:20 - Bundeli Holy Bible

²⁰ ऊ दिना तुम जान जै हो, कि मैं अपने बाप में आंव, और तुम मोय में और मैं तुम में आंव।

- यूहन्‍ना 14:20 ပူးပေါင်းရင်းမြစ်များ

- यूहन्‍ना 10:38

पर जदि मैं उन हां करत आंव, तो चाए तुम मोरो भरोसा नईं करो, पर उन कामन कौ तो भरोसा करो, कि तुम जानो और समझो, कि बाप मोय में आय, और मैं बाप में आंव।

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 14:11

मोरो भरोसा करो, कि मैं बाप में आंव; और बाप मोय में आय; नईं तो काम देख के मोरो भरोसा करो।

- यूहन्‍ना 16:23

ऊ दिना तुम मोसे कछु नईं पूंछ हौ, मैं तुम से सांची सांची कहत आंव, जदि तुम बाप से कछु भी मांग हौ, तो बो ऊहां मोरे नाओं से तुम हां दै है।

- यूहन्‍ना 16:26

ऊ दिना तुम मोरे नाओं से मांग हौ, मैं तुम से जौ नईं कैत, कि तुमाए लाने बाप से बिनती कर हों।

- यूहन्‍ना 17:11

अब मैं संसार में नईं रै हों, परन्त बे संसार में रै हैं, और मैं तोरे ऐंगर आत आंव; हे पवित्र बाप, अपने ऊ नाओं से जौन तेंने मोय दओ आय, उन की सुध ले, कि जैसे हम एक आंय बे सोई एक होबें।

- यूहन्‍ना 17:26

और मैंने तोरो नाओं इन हां बताओ और बतात रै हों की जो प्रेम तेंने मोय से करो, बो प्रेम उन में रैबे और मैं उन में रहों।

- यूहन्‍ना 17:7

अब बे जान गए आंय, कि जौन कछु तेंने मोय दओ आय, बो सब तोरी कोद से आय।

- यूहन्‍ना 6:56

जौन मोरो मांस खात और मोरो खून पीयत आय, बो मोय में बनो रहत आय, और मैं ऊ में।

- रोमियों 16:7

अन्द्रुनीकुस और यूनियास हां जौन मोरे कुल वंस के आंय, और मोरे संग्गै कैद भए हते, और प्रेरितन में नामी आंय, और मोय से पेंला मसीही भए हते, नमस्कार।

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- पैली कुरिन्थियों 1:30

परन्त ओई कुदाऊं से तुम मसीह यीशु में आव, जौन परमेसुर कुदाऊं से हमाए लाने ज्ञान ठैरो जाने कि धरम, और पवित्तरता, और छुटकारो।

- दूसरी कुरिन्थियों 12:2

मैं मसीह में एक जनें हां जानत आंव, चौदह बरस भए पता नईंया कि देह के संग्गै, और देह बिना, परमेसुर जानत आय, ऐसो जनों तीसरे सरग लौ उठा लओ गओ।

- दूसरी कुरिन्थियों 13:5

अपने आप हां जांचो, कि बिसवास में पक्के हो कि नईंयां; अपने हां जांचो, का तुम जौ नईं जानत, कि यीशु मसीह तुम में आय? नईं तो तुम निकम्मे कड़े।

- दूसरी कुरिन्थियों 5:17

जो कोऊ मसीह से जुड़ गओ आय बो नओ हो गओ: पुरानी बातें चली गईं आंय, अब सबरो नओ दिखात आय।

- दूसरी कुरिन्थियों 5:19

जानो कि परमेसुर ने मसीह में अपनो मेल संसार के मान्सन से कर लओ, और उन के पापन की सजा उन हां नईं दई, और उनको जुड़ जाबो कैसे हो सकत, जौ बताबे कौ काज हमें दओ।

- गलतियों 2:20

मैं मसीह के संग्गै क्रूस पै चढाओ गओ हों, अब मैं जीयत नईंयां, अकेले मसीह मोय मैं जीयत आय: और मैं जौन देह में जीयत हों तो ऊ बिसवास से जीयत हों, जौन परमेसुर के पुत्र पै आय, जीनें मोय से प्रेम करो, और अपने प्रान मोरे लाने दे दए।

- इफिसियों 2:10

कायसे उन ने हम हां बनाओ आय; और मसीह यीशु में अच्छे पुन्य के काम करबे के लाने परमेसुर ने पेंला से हमाए लाने धरो होबे।

- कुलुस्सियों 1:19

पिता परमेसुर ईमें खुस आंय कि बे अपनो पूरो वास अपने पुत्र यीशु मसीह में राखें।

- कुलुस्सियों 1:27

परमेसुर ने ऐसो ई लाने करो, कायसे बे चाहत हते कि गैर इस्राएलियन उनके जसवारी बातन हां समझें, और यीशु मसीह अब उनके हिये में बसे आंय, और आंगे आबेवारी बातन की आस आय।

- कुलुस्सियों 2:9

कायसे पिरभू यीशु मसीह में परमेसुर स्वयं बसे आंय।

- 1 यूहन्‍ना 4:12

परमेसुर हां कोई मान्स ने कभऊं नईं तको; जब हम एक दूजे से प्रेम करत आंय, तो मानो परमेसुर हमाए भीतर बने रैत आंय; और उनको प्रेम हमाए भीतर भरो रैत आय।