- यूहन्‍ना 13:18 - Bundeli Holy Bible

¹⁸ मैं तुम सब के बारे में नईं कहत, मैं उन हां जानत आंव जिन हां मैंने चुन लओ आय, पर जौ ई लाने भओ, कि पवित्र शास्त्र कौ बचन पूरो होबै, कि जौन मोरी रोटी खात हतो, ऊ ने मोरे ऊपर लात उठाई।

- यूहन्‍ना 13:18 ပူးပေါင်းရင်းမြစ်များ

- मत्ती 10:36

और मान्स के बैरी ऊके घरई के लोग हुईयें।

- मत्ती 26:21

जब बे ब्यारी कर रए हते, तो ऊने कई, मैं तुम से सांची कहत आंव, कि तुम में से एक मोय पकड़वा है।

- मत्ती 26:23

ऊने कई, कि जीने मोरे संग्गै टाठी में हाथ डारो आय, ओई मोय पकड़वा है।

- मरकुस 14:17

और जब संजा भई तो यीशु अपने बारह चेलन के संग्गै आओ।

- मरकुस 14:18

और जब बे बैठे भोजन कर रए हते, तो यीशु ने कओ; मैं तुम से सांची कैत आंव, कि तुम में से एक, जौन मोरे संग्गै ब्यारी कर रओ आय, मोहां पकड़वा है।

- मरकुस 14:20

यीशु ने उन से कओ, ऊ बारह में से एक आय, जौन मोरे संग्गै टाठी में हाथ डालत आय।

- लूका 22:21

पर तको, मोरे पकड़वाबेवारे कौ हाथ मोरे संग्गै मेज पे आय।

- यूहन्‍ना 13:21

जब यीशु जौ कह चुको तो आत्मा में बेचैन भओ और जा गवाही देके कई, मैं तुम से सांची सांची कहत आंव, कि तुम में से एक मोय पकड़वा है।

- यूहन्‍ना 13:22

चेले एक दूसरे हां ताकन लगे, कायसे जान नईं सके, कि बो की के लाने कह रओ आय।

- यूहन्‍ना 13:26

तब ऊ ने रोटी को टुकड़ा डुबो के शमौन इस्करियोती के पूत यहूदा हां दओ।

- यूहन्‍ना 15:16

तुम ने मोय नईं चुनो, परन्त मैंने तुम हां चुनो है और तुम हां बताओ, कि तुम फल लाओ; और तुमाओ फल बनो रए, कि तुम मोरे नाओं से जो कछु बाप से मांगो, बो तुम हां देबे।

- यूहन्‍ना 15:19

जदि तुम संसार के होते, तो संसार अपनों से प्रेम करतो, परन्त ईसे कि तुम संसार के नईं आव, पर मैंने तुम हां संसार में से नबेर के बायरें काड़ लओ आय, ई लाने संसार तुम से बैर रखत आय।

- यूहन्‍ना 15:25

और ऐसो ई लाने भओ, कि बो बचन पूरो होबै, जौन उन की रीतियन में लिखो आय, कि उन ने मोसे व्यर्थ बैर करो।

- यूहन्‍ना 17:12

जब मैं उन के संग्गै हतो, तो मैंने तोरे ऊ नाओं से, जौन तेंने मोय दओ आय, उन की सुध लई, और नास के (शैतान) पूत हां छोड़ उन में से कोऊ नास नईं भओ, ई लाने कि पवित्र शास्त्र की बात पूरी होबै।

- यूहन्‍ना 18:32

जौ ई लाने भओ, कि यीशु की बा बात पूरी होबै, जौन ऊ ने जौ इसारो करत भय कही हती, कि ऊ की मृत्यु कैसी हुईये।

- यूहन्‍ना 19:24

जौ ई लाने भओ, कि पवित्र शास्त्र की बात पूरी होबै, कि उन ने मोरे उन्ना आपस में बांट लए और मोरे उन्ना पे चिठिया डालीं: ई लाने सिपाहियन ने ऐसई करो।

- यूहन्‍ना 19:36

जे बातें ई लाने भईं कि पवित्र शास्त्र की जा बात पूरी होय कि ऊ की कोई हड्डी तोड़ी नईं जै है।

- यूहन्‍ना 21:17

यीशु ने पतरस से तीसरी बेर कई, हे शमौन यूहन्ना के पूत, का तें मोय से प्यार करत आय? पतरस उदास भओ, कायसे यीशु ने तीसरी बेर ऐसी कई; कि का तें मोसे प्यार करत आय? और पतरस ने कई, हे प्रभु, तें सब कछु जानत आय, कि मैं तोसे प्यार करत आंव: यीशु ने ऊसे कई, तें मोरी गाड़रन चरा।

- यूहन्‍ना 6:70

यीशु ने उन से कई, का मैंने तुम बारहों को नईं चुनो? फिन भी तुम में से एक शैतान आय।

- प्रेरितन के काम 1:16

हे भईया हरौ, जो होने हतो कि पवित्तर पोथी कौ बो लिखो भओ पूरो होबे, जौन पवित्तर आत्मा ने दाऊद के मों से यहूदा के बारे में जौन यीशु के पकड़बेवारन कौ अगुवा हतो, पेंला से कई हती।

- प्रेरितन के काम 1:2

ऊ दिना लौ जब बो उन प्रेरितन हां जिन हां ऊ ने नबेरो हतो, पवित्तर आत्मा के द्वारा हुकम देके ऊ परै उठाओ न गओ।

- दूसरी कुरिन्थियों 4:5

कायसे हम अपने नईं, अकेले हम पिरभू यीशु को परचार करत आंय, कि बो पिरभू आय; अपने लाने तो हम कैत आंय, कि यीशु के कारण मानो तुमाए चाकर आंय।

- इब्रानियों 4:13

कछु भी परमेसुर से लुको छिपो नईंयां बे सब जानत आंय, और उनकी आंखन से कछु नईं बरको आय।

- यूहन्‍ना के दरसन कौ खुलासा 2:23

जौन ऊ की बातें मानत आय उन हां सोई मार हों, कि मण्डली के जनें जौ जान लें हैं कि मान्सन के मन की बात मोहां पता आय। मैं तुम सब के करमन कौ बदला तुम हां दैहों।