- यूहन्‍ना 12:49 - Bundeli Holy Bible

⁴⁹ मैंने अपने लाने कछु नईं कई, परन्त बाप जीने मोय पठैव आय, ओई ने मोय हुकुम दओ आय, कि का कहों और का बोलूं।

- यूहन्‍ना 12:49 ပူးပေါင်းရင်းမြစ်များ

- यूहन्‍ना 14:10

का तें भरोसा नईं करत, कि मैं बाप में आंव और बाप मोय में आय? जौन बातें मैं तुम से कहत आंव, बो अपनी कोद से नईं कहत, परन्त बाप जौन मोय में रहत आय, ओई अपनो काज करत आय।

- यूहन्‍ना 14:24

जौन मोसे प्रेम नईं करत, बो मोरे बचन को नईं मानत, और जौन बचन तुम सुनत आव, बो मोरो नईं परन्त बाप कौ आय, जीने मोय पठैव है।

- यूहन्‍ना 14:31

परन्त जौ ई लाने भओ कि संसार जान ले कि मैं बाप से प्रेम करत आंव, और जी तरहां बाप ने मोय हुकुम दओ आय, वैसई मैं ऊ को पालन करत आंव, उठो, इते से चलें।

- यूहन्‍ना 15:15

अब से मैं तुम हां गुलाम नईं कै हों, कायसे गुलाम नईं जानत, कि ऊ को मालक का करत आय, परन्त मैंने तुम हां संगी कहो आय, कायसे बे सब बातें जौन मैंने अपने बाप से सुनी आंय, तुम हां बता दईं आंय।

- यूहन्‍ना 17:8

कायसे जो बातें तेंने मोय दईं, मैंने उन हां कै दओ आय, और उन ने उन बोलन हां मान लओ और सही में जान लओ आय, कि मैं तोसें कड़ो आंव, और उन ने भरोसा करो आय कि तेंने ही मोय पठैव आय।

- यूहन्‍ना 3:11

मैं तोसें सांची सांची कहत आंव कि हम जौन जानत आंय, ओई कहत आंय, और जीहां हमने हेरो आय, ओई की गवाही देत आंय, और तुम हमाई कई नईं मानत।

- यूहन्‍ना 3:32

जो कछु ऊ ने हेरो, और सुनो आय, ओई की गवाही देत आय; फिन भी कोऊ मान्स ऊ की गवाही नईं मानत।

- यूहन्‍ना 5:19

ई लाने यीशु ने उन से कई, मैं तुम से सांची सांची कैत हों, कि पूत खुद कछु नईं कर सकत, केवल ओई जौन बो बाप हां करत हेरत आय, कायसे जौन कछु बाप करत आय, उनई कामन हां पूत भी ओई रीत से करत आय।

- यूहन्‍ना 5:30

मैं अपनी कोद से कछु नईं कर सकत आंव; जैसो सुनत आंव, वैसई न्याव करत आंव, और मोरो न्याव सांचो आय; कायसे मैं अपनी नईं, परन्त अपने पठैबेवाले की मनसा चाहत आंव।

- यूहन्‍ना 6:68

शमौन पतरस ने ऊसे कई, हे प्रभु हम की के ऐंगर जाबें? अनन्त जीवन की बातें तो तोरे ऐंगर आंय।

- यूहन्‍ना 7:16

तब यीशु ने उन से कई, जौ सन्देस मोरो नईं, परन्त ऊ को आय जीने मोय पठैव।

- यूहन्‍ना 8:26

मोय तुमाए बारे में बिलात बातें कैने और न्याव करने आय, परन्त जीने मोय पठैव बो सांचो आय; और बे बातें जौन मैंने ऊसे सुनी, बे ही मैं जगत से कहत आंव।

- यूहन्‍ना 8:28

तब यीशु ने उन से कई, जब तुम मान्स के पूत हां ऊंचे पे चढ़ा हौ, तब तुम जान जै हौ कि मैं ओई आंव, और मैं अपने से कछु नईं करत, पर जैसो बाप ने मोय सिखाओ, मैं वैसई बातें कैत आंव।

- यूहन्‍ना 8:42

यीशु ने उन से कई; जदि परमेसुर तुमाओ बाप होतो, तो तुम मोसे प्रेम रखते; कायसे मैं परमेसुर से कड़ के आओ हों; मैं अपनी मनसा से नईं आओ, परन्त ओई ने मोय पठैव आय।

- यूहन्‍ना के दरसन कौ खुलासा 1:1

यीशु मसीह का प्रकाशितवाक्य जौन उन हां परमेसुर ने ईसे दओ, कि अपने जन हां बे बातें, जौन जल्दी होबेबारी आंय, दिखाबें: और ऊ ने अपने सरगदूत हां पठै के अपने दास यूहन्ना हां बताओ।