- यूहन्‍ना 12:32 - Bundeli Holy Bible

³² और जदि मैं धरती पे से ऊ परे हां चढ़ाओ जै हों, तो सब हां अपने ऐंगर खेंच लै हों।

- यूहन्‍ना 12:32 ပူးပေါင်းရင်းမြစ်များ

- यूहन्‍ना 1:7

बो ई लाने आओ, कि ऊ ज्योत कौ गवाह बनै, कि सब ऊके द्वारा भरोसा करें।

- यूहन्‍ना 12:34

ई लाने भीड़ ने ऊसे कई, हम ने रीतियन में पढ़ो आय, कि मसीह सदा बनो रै है, फिन तें कैसे कहत आय, कि मान्स के पूत हां ऊंचे पे चढ़ाओ जाओ जरूरी आय?

- यूहन्‍ना 18:32

जौ ई लाने भओ, कि यीशु की बा बात पूरी होबै, जौन ऊ ने जौ इसारो करत भय कही हती, कि ऊ की मृत्यु कैसी हुईये।

- यूहन्‍ना 19:17

तब बे यीशु हां ले गए। और बो अपनो क्रूस उठाए भय ऊ जांगह लौ बाहरें गओ, जौन खोपड़ी की जांगह कहलात आय और जीहां इब्रानी में गुलगुता कहत आंय।

- यूहन्‍ना 3:14

और जैसो मूसा ने डांग में सर्प हां ऊंचे पे टांगो, वैसई जरूरी आय कि मान्स कौ पूत भी ऊंचे पे चढ़ाओ जाबै।

- यूहन्‍ना 6:44

मोरे ऐंगर कोऊ नईं आ सकत, जब लौ बाप जीने मोय पठैव आय, ऊहां अपने ऐंगर खेंच न ले; और मैं अखिरी दिना ऊहां फिन जिला दें हों।

- यूहन्‍ना 8:28

तब यीशु ने उन से कई, जब तुम मान्स के पूत हां ऊंचे पे चढ़ा हौ, तब तुम जान जै हौ कि मैं ओई आंव, और मैं अपने से कछु नईं करत, पर जैसो बाप ने मोय सिखाओ, मैं वैसई बातें कैत आंव।

- गलतियों 3:13

मसीह जौन हमाए काजें श्रापित कहाए, हम हां मोल लेके नैम के श्राप से छुड़ा लओ कायसे ऐसो पोथी में लिखो आय, कि जौन काठ में लटकाओ जै है ऊ श्रापित आय।

- 1 तीमुथियुस 2:6

जीने अपने प्राणन हां सबके तरन तारन के लाने दे दओ; जी की गवाह ठीक बेरा पै दई गई।

- इब्रानियों 2:9

यीशु मसीह हां सरगदूतन के तनकई कम करो गओ हतो, पर मृत्यु कौ दुख उठाबे के कारन मइमा और आदर कौ मुकुट पहने देखत आंय; परन्त परमेसुर की दया से हरएक मान्स के लाने मौत कौ स्वाद चीखे।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।