- यूहन्‍ना 12:31 - Bundeli Holy Bible

³¹ अब ई जगत कौ न्याव होत आय, अब ई जगत कौ हाकिम काड़ दओ जै है।

- यूहन्‍ना 12:31 ပူးပေါင်းရင်းမြစ်များ

- उत्पत्ति 3:15

मैं तोरे और ई बईयर के मजारें, और तोरे बंस और ईके बंस के मजारें बैर पैदा कराहों; ऊ तोरी मूंड़ हों कुचल डालहै, और तें ऊकी ऐड़ी हों डसहै।”

- मत्ती 12:28

पर जदि मैं परमेसुर के आत्मा के द्वारा दुष्टआत्मन हां काड़त आंव, तो परमेसुर कौ राज्य तुमाए ऐंगर आ पोंचो आय।

- यूहन्‍ना 14:30

मैं तुम से अब और बिलात बातें न कै हों, कायसे ई जगत कौ हाकिम आ रओ आय, और मोय में ऊ को कछु नईंयां।

- यूहन्‍ना 3:19

और दोष कौ कारण जौ आय कि ज्योत जगत में आ चुकी आय, और मान्सन ने ज्योत हां अन्धयारे से बढ़के प्यारो जानो, कायसे उन के काज बुरय हते।

- यूहन्‍ना 9:39

तब यीशु ने कई, मैं ई जगत में न्याव के लाने आओ हों, कि जौन नईं हेरत बे हेरें, और जौन हेरत आंय बे अन्धरे हो जाबें।

- प्रेरितन के काम 26:18

कि तें उन की आंखन हां खोले, जीसे की बे अंधयारे से उजयारे की कोद, और शैतान के राज्य से परमेसुर की कोद फिरें; जीसे की बे पापन की क्षिमा, और उन लोगन के संग्गै पदवी पाबें, जौन मोय पे भरोसा करबे के द्वारा पवित्र भए आंय।

- पैली कुरिन्थियों 1:20

कां रओ ज्ञानवारो? कां रओ शास्त्र कौ जानबेवारो? कां रओ ई संसार कौ बतकाओवारो? का परमेसुर ने ई संसार के ज्ञान हां मूरखता नईं ठैराओ?

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- इफिसियों 6:12

कायसे हमाई लड़ाई मान्सन से नईंयां, परन्त हमाई लड़ाई शैतान और अंधियारे के जोर से आय, जौन आकास में आय।

- कुलुस्सियों 2:15

क्रूस में पिरभू यीशु मसीह ने सब अधकार के जोर हां हरा दओ, और सबरे संसार ने देखो कि जे सब बंध गए, और क्रूस पै उनकी जीत को जसन भओ।

- इब्रानियों 2:14

और जब हम बिसवास धरबेवारे मान्स देह धरें आंय, सो ऊ ने भी मान्स देह धरी और हमाए जैसो हो गओ; बो मर गओ कि शैतान छलिया हां बरबाद कर दे, जीहां मौत में अधकार मिलो आय।

- 1 यूहन्‍ना 3:8

जौन जनो पाप करत आय, बो मानो शैतान छलिया के उसकाय बुरय काम करत आय, कायसे शैतान छलिया पेंला से पाप करबेवारो आय: परन्त परमेसुर के बेटा यीशु मसीह ईसे परगट भए, कि शैतान छलिया के कामन हां खतम करें।

- 1 यूहन्‍ना 4:4

हे लड़को, तुम परमेसुर के आओ: और तुम ऊ शैतान छलिया से जीते आव; कायसे जौन तुमाए भीतरे आय, बो ऊ छलिया से जौन संसार में आय, बड़ो आय।

- 1 यूहन्‍ना 5:19

हम हां पता आय, कि हम परमेसुर पै बिसवास धरें आंय, और पूरे संसार के जनें शैतान छलिया की कई करत आंय।