- यूहन्‍ना 12:20 - Bundeli Holy Bible

²⁰ जौन लोग परब में प्रार्थना करबे जा रए हते, उन में कछु यूनानी हते।

- यूहन्‍ना 12:20 ပူးပေါင်းရင်းမြစ်များ

- मरकुस 7:26

जा यूनानी और सूरूफिनीकी जात की हती; और ऊ ने ऊसे बिनती करी, कि मोरी मोंड़ी में से बुरई आत्मा निकाल दे।

- यूहन्‍ना 12:1

फिन फसह के छै दिना पेंलई यीशु बैतनिय्याह में आओ, जिते लाजर हतो: जीहां यीशु ने मरे भयन में से जिलाओ हतो।

- यूहन्‍ना 12:19

तब फरीसियन ने एक दूसरे से कई, सोचो तो सही कि तुम से कछु नईं बन पड़त, हेरो, जगत ऊके पाछें चल पड़ो आय।

- यूहन्‍ना 7:35

यहूदियन ने आपस में कई, जौ किते जाहै, कि हम ऊहां न पाहैं? का बो उन के ऐंगर जाहै, जो यूनानियन में तितर-बितर होकें रहत आंय, और का यूनानियन हां भी सीख दै है?

- प्रेरितन के काम 14:1

फिन ऐसो भओ कि इकुनियुम में बे संगै संगै यहूदियन के प्रार्थनाघर में गए, और उन ने ई ढंग से बतकाव करो, कि यहूदियन और यूनानियन दौनऊ में से बिलात लोगन ने भरोसा करो।

- प्रेरितन के काम 16:1

तब बो दिरबे और लुस्त्रा हां सोऊ गओ, और हेरो, उते तीमुथियुस नाओं को एक चेला हतो, जो कोनऊ भरोसेमन्द यहूदनी कौ पूत हतो, पर ऊ को बाप यूनानी हतो।

- प्रेरितन के काम 17:4

उन में से कछु मान्सन ने भरोसा करो, और भक्त यूनानियन के बड़े झुण्ड व बिलात खास बईयरन संग्गै बे पौलुस और सीलास के संग्गै मिल गए।

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- प्रेरितन के काम 21:28

और चिल्या के कई, हे इस्राएलियो हमाई मदद करो; जौ बो मान्स आय, जौन हर जांगा सब जनन में हमाई प्रजा और रीतियन और ई जांगा के बिरोध में परचार करत आय, इते लौ कि ऊ ने यूनानियन हां मन्दर में लिया के ई पवित्र जांगा हां असुद्ध कर दओ आय।

- प्रेरितन के काम 8:27

ऊ उठ के चल दओ, ऊने तको, कूश देश कौ एक मान्स आ रओ आय ऊ खोजा हतो और कूशियों की रानी कन्दाके कौ मन्त्री और खजांची हतो, बो अराधना करबे के लाने यरूशलेम आओ हतो।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 10:12

यहूदियों और यूनानियों में कछु अन्तर नईंयां, ई लाने कि बो सब कौ पिरभु आय; और अपने सबरे नाओं लेबेवारन के लाने उदार आय।

- गलतियों 2:3

अकेले तीतुस जौन मोरे संग्गै हतो और जात से यूनानी आय; खतना करवाबे हां अबै जोर नईं डालो गओ।

- गलतियों 3:28

अब तो कोऊ यहूदी नईं रओ और न यूनानी; और न कोऊ चाकर, और न छुट्टा; न कोऊ मान्स, और न बईयर, कायसे तुम सबरे यीशु मसीह में एक आव।

- कुलुस्सियों 3:11

उन में कोई यूनानी, यहूदी, खतना करो और बिना खतना करो, और न जंगल में रैबेवारो, स्कूती, न बन्धुआ मजूर, और न छूटो मान्स न्यारे नईंयां, कायसे यीशु मसीह सब के लाने आय और सबरन के हिये में रैत आंय।