- यूहन्‍ना 11:52 - Bundeli Holy Bible

⁵² और न केवल जात के लाने, बल्कि ई लाने भी, कि परमेसुर की तितर-बितर सन्तान हां एक जुट कर दे।

- यूहन्‍ना 11:52 ပူးပေါင်းရင်းမြစ်များ

- उत्पत्ति 49:10

जब लौ शीलो नें आए तब लौ नें तौ यहूदा सें राजदण्‍ड छूटहै, नें ऊके बंस सें ब्‍यवस्‍था दैबेवारो अलग हुईये; और राज्‍य-राज्‍य के मान्‍सन ऊके बस में हो जैहें।

- लूका 15:8

या कौन ऐसी बईयर हुईये, जीके ऐंगर दस सिक्के होबें, और उन में से एक हिरा जाबै; तो बो दिया बार के और घर झाड़ बुहार के जब लौ हिरानो भओ सिक्का मिल न जाबे, ढूंढ़त न रैबे?

- लूका 2:32

कि बो दूसरी जात वारन हां उजारो दैबे हां ज्योत, और तोरे निज मान्स इस्राएल कौ जस होबे।

- यूहन्‍ना 1:12

पर जीने ऊहां अपनाओ, ऊ ने इन हां परमेसुर की लड़ेर होबे कौ हक्क दओ, यानि उन हां जौन ऊके नाओं पे भरोसा करत आय।

- यूहन्‍ना 1:29

दूसरे दिना ऊ ने यीशु हां अपनी कोद आत तक के कई, हेरो, परमेसुर को मेमना आय, जौन जगत कौ पाप उठा लै जात आय।

- यूहन्‍ना 10:16

मोरी और भी गाड़रें आंय, जौन ई गाड़रन के बाड़े की नईंयां, मोय उन हां भी लाबो जरूरी आय, और बे मोरो एैरो लें हैं; तब उन कौ एकई झुण्ड और एकई गड़रिया हुईये।

- यूहन्‍ना 12:32

और जदि मैं धरती पे से ऊ परे हां चढ़ाओ जै हों, तो सब हां अपने ऐंगर खेंच लै हों।

- प्रेरितन के काम 18:10

कायसे मैं तोरे संग्गै आंव: और कोऊ जन हानि पोंचाबे के लाने तोपे वार न कर है; कायसे ई नगर में मोरे बिलात जनें आंय।

- रोमियों 3:29

का परमेसुर अकेले यहूदियन कौ आय? का दूसरी जातवारन कौ नईंयां? हओ, दूसरी जातवारन कौ सोई आय।

- रोमियों 4:17

(जैसो लिखो आय, मैंने तोय बिलात जातियन कौ बाप ठैराओ आय), ऊ परमेसुर के सामूं जीपे ऊ ने बिसवास करो हतो और जौन मरे भयन हां जिलात आय, और जौन बातें हैईं नईंयां, उन कौ नाओं ऐसो लेत आय, मानो बे आंय।

- इफिसियों 1:5

अपनी मरजी से हम हां पेंला से धरो कि यीशु मसीह में हम उनके गोद लए लड़का कहाबें।

- इफिसियों 3:11

ऊ पुरानी मन्सा से जौन उन ने हमाए पिरभू यीशु मसीह में करी हती।

- याकूब 1:1

परमेसुर और पिरभु यीशु मसीह के चाकर याकूब की कोद से उन बारहों कुलों हां, जौन फैल फुट होकें रैत आंय, नमस्कार पोंचे।

- 1 पतरस 1:1

पतरस की कोद से जौन यीशु मसीह कौ चेला आय, उन परदेसियन के नाओं, जौन पुन्तुस, गलतिया, कप्पदुकिया, आसिया और बिथुनिया में तितर बितर होकें रैत आंय।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।

- 1 यूहन्‍ना 3:1

हेरो, परमेसुर पिता ने हम से कैसो प्रेम करो, कि हम परमेसुर के लड़का बिटिया कहाय, और हम आंय सोऊ: ऐईसे संसार हम हां नईं चीनत, कायसे संसार के मान्सन ने उन हां सोई नईं मानो।

- 1 यूहन्‍ना 3:10

ऐसई तो पता पड़त आय कि कौन शैतान छलिया, और कौन परमेसुर के मानबेवारे आंय; जौन धरम की गैल नईं चलत, बो परमेसुर को मानबेवारे नईंयां, और न ऊ जनो, जौन अपने भईया से प्रेम नईं करत।

- 1 यूहन्‍ना 3:2

प्यारे भईया हरौ, अबै तो हम परमेसुर के लड़का बिटिया कहात आंय, और अबै जौ पता नईंयां, कि हम और का हुईयें! इतनो पता आय, कि जब बे फिन के आहें तो हम सोई उन घांई हो जै हैं, और उन हां उनके सांचे रूप में तक हैं।

- यूहन्‍ना के दरसन कौ खुलासा 5:9

और बे सबरे जौ नओ गाना गान लगे, कि तें ई किताब हां लैबे और ऊ की मुहरें खोलबे जोग आय; कायसे तेंने अपने बलदान के रकत से सबरे कुल, और बोली, और लोगन, और जातियन में से परमेसुर के लाने मान्सन हां मोल ले लओ आय।