- यूहन्‍ना 11:44 - Bundeli Holy Bible

⁴⁴ जौन मर गओ हतो, बो कफन से हाथ गोड़े बंधो भओ कड़ आओ, और ऊ को मों अंगोछे से लिपटो भओ हतो: यीशु ने उन से कई, ऊके बंध खोल देओ और ऊहां जान देओ।

- यूहन्‍ना 11:44 ပူးပေါင်းရင်းမြစ်များ

- उत्पत्ति 1:3

तब यहोवा परमेसुर ने कई, “उजयारा हो,” तौ उजयारा हो गओ।

- मरकुस 5:43

फिन ऊ ने उनहां चिता के आज्ञा दई, कि जा बात कोऊ जान न पाबै और कओ; कि ऊहां कछु खाबे के लाने दओ जाए।

- लूका 19:20

तीसरे ने आके कओ; हे मालक हेर, तोरी मोहर जे आंय, जिए मैं ने अंगोछा में बान्ध धरो आय।

- लूका 7:15

तब ऊ मुरदा उठ बैठो, और बातें करन लगो: और यीशु ने ऊहां ऊ की मताई हां सौंप दओ।

- यूहन्‍ना 10:30

मैं और बाप एकई आंय।

- यूहन्‍ना 11:39

यीशु ने कई; पत्थरा हां उठाओ: ऊ मरे भए की बहिन मरथा ने ऊसे कई, हे प्रभु, अब तो ऊ में से बदबू आत आय कायसे ऊहां मरे चार दिना हो गए आंय।

- यूहन्‍ना 11:43

और जब बो जे बातें कह चुको, तो ऊ ने बिलात जोर से चिल्लाओ, कि हे लाजर कड़ आ।

- यूहन्‍ना 19:40

तब उन ने यीशु की लाश हां लओ और यहूदियन के गाड़े जाबे की रीत से ऊहां सुगन्धदार इतर के संग्गै कफन में लपेटो।

- यूहन्‍ना 20:5

ऊ ने नब के भीतर तको और उन्ना हां अलग पड़े हेरो, पर बो भीतर नईं गओ।

- यूहन्‍ना 20:7

और ऊ अंगोछा जीसे यीशु कौ मूड़ लपेटो गओ हतो, दूसरे उन्ना के संग्गै नईं परन्त अलग एक जांगह लिपटो भओ पड़ो हतो।

- यूहन्‍ना 5:21

कायसे जी तरहां बाप मरे भयन हां जिला देत आय, ऊं सई पूत जिन हां चाहत आय उन हां जिलात आय।

- यूहन्‍ना 5:25

मैं तुम से सांची सांची कहत आंव, बो बेरा आ रई आय, और अबै आय, जब मरे भए लोग परमेसुर के पूत कौ बोल सुन हैं, और जौन सुन हैं बे जी जै हैं।

- फिलिप्पियों 3:21

जौन अपने बल से सबरी बस्तन हां अपने बस में कर सकत आय, हमाई ई देह को रूप बदल के, उनकी देह जैसो बना दें हैं।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।