- यूहन्‍ना 11:25 - Bundeli Holy Bible

²⁵ यीशु ने ऊसे कई, फिन जी जाबो और जीवन मैं ही आंव, जौन मोय पे भरोसा करत आय बो जदि मर भी जाए, तो भी जी जै है।

- यूहन्‍ना 11:25 ပူးပေါင်းရင်းမြစ်များ

- लूका 23:43

यीशु ने ऊसे कओ, मैं तोसे सांसी कैत आंव; आजई तें मोरे संग्गै सरग लोक में हुईये।

- यूहन्‍ना 1:4

ऊ में जीवन हतो, और बो जीवन मान्सन की ज्योत हती।

- यूहन्‍ना 14:19

तनक देर पाछें संसार मोय फिन नईं तक है, परन्त तुम मोय तक हौ, ई लाने की मैं जीयत आंव, और तुम भी जीयत रै हौ।

- यूहन्‍ना 14:6

यीशु ने ऊसे कई, गैल, सत्य और जीवन मैं ही आंव; बिना मोरे कोऊ बाप के ऐंगर नईं जा पा है।

- यूहन्‍ना 3:16

कायसे परमेसुर ने जगत से ऐसो प्रेम करो, कि ऊ ने अपनो एकलौतो पूत हां दे दओ, कि जो कोऊ ऊ पै भरोसा करे, बो नास न होय, बरन अनन्त जीवन पाबै।

- यूहन्‍ना 3:36

जौन पूत पे भरोसा करत आय, अनन्त जीवन ओई कौ आय; वरन बो जौन पूत की नईं मानत, ऊहां जीवन नईं मिल है, परन्त परमेसुर को कोप ऊ पे बनो रहत आय।

- यूहन्‍ना 5:21

कायसे जी तरहां बाप मरे भयन हां जिला देत आय, ऊं सई पूत जिन हां चाहत आय उन हां जिलात आय।

- यूहन्‍ना 5:26

कायसे जैसे बाप अपने में जीवन धरत आय, ऊं सई ऊ ने पूत हां भी खुद में जीवन धरबे कौ हक्क दओ आय।

- यूहन्‍ना 6:35

यीशु ने उन से कई, जीवन की रोटी मैं आंव, जौन मोरे ऐंगर आत आय कभऊं भूखो न हुईये और जौन मोय पे भरोसा करत आय, कभऊं प्यासो न हुईये।

- यूहन्‍ना 6:44

मोरे ऐंगर कोऊ नईं आ सकत, जब लौ बाप जीने मोय पठैव आय, ऊहां अपने ऐंगर खेंच न ले; और मैं अखिरी दिना ऊहां फिन जिला दें हों।

- प्रेरितन के काम 3:15

और तुम ने जीवन के देबेवारे हां मार डालो, जीहां परमेसुर ने मरे भयन में से जिला दओ, और ई बात के हम गवाय आंय।

- रोमियों 4:17

(जैसो लिखो आय, मैंने तोय बिलात जातियन कौ बाप ठैराओ आय), ऊ परमेसुर के सामूं जीपे ऊ ने बिसवास करो हतो और जौन मरे भयन हां जिलात आय, और जौन बातें हैईं नईंयां, उन कौ नाओं ऐसो लेत आय, मानो बे आंय।

- रोमियों 8:2

कायसे जीवन की आत्मा के नैम व्यवस्था ने मसीह यीशु में मोय पाप की, और मौत की नैम व्यवस्था से स्वतन्त्र कर दओ आय।

- पैली कुरिन्थियों 15:18

और जौन मसीह में बिसवास धरें मर गए, बे सोई नास भए।

- पैली कुरिन्थियों 15:29

नईं तो जौन मान्स मरे भयन के लाने बपतिस्मा लेत आंय, बे का कर हैं? जदि मुरदे जी उठतई नईंयां, तो फिन काय उन के लाने बपतिस्मा लेत आंय?

- दूसरी कुरिन्थियों 4:14

कायसे हम हां पता आय, कि जीनें यीशु हां मरे भयन में से जिलाओ, ओई ऐसो जान के, कि हम यीशु के संग्गै आंय हम हां सोई जिला है, और तुमाए संग्गै अपने सामूं लिआ है।

- फिलिप्पियों 1:23

अब मैं अधर में मानो लटको आंव; मोरो मन आय कि मैं ई संसार हां छोड़ के पिरभू यीशु मसीह लौ जाओं।

- फिलिप्पियों 3:10

मैं पिरभू यीशु मसीह हां और उनके मरे भयन में से जी उठबे के जस हां जानो चाहत आंव, और क्रूस पै जौन पीड़ा उन ने सही ऊहां समझन चाहत आंव, और उनके मरबे जैसो मैं सोई हो जाओं।

- 1 थिस्सलुनीकियों 4:14

कायसे जैसे पिरभू यीशु मसीह मरे और जी गए, ऊं सई परमेसुर उन हां जौन यीशु मसीह पै बिसवास धरें मर जात, माने पर रैत आंय, ऊं सई जिला दै है।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।

- यूहन्‍ना के दरसन कौ खुलासा 20:5

और जब लौ हजार बरस पूरे न भए तब लौ बचे भय न जी उठे; जौ तो पैलो जी उठबे कौ मौका हतो।

- यूहन्‍ना के दरसन कौ खुलासा 21:4

और बे उनकी आंखन से अंसुआ पोंछ डाल हैं; और ईके पाछें मरबो न हुईये, और न रोबो, न किलपबो, और न पिरातो हुईये; पेंला की सबरी बातें चली गईं।

- यूहन्‍ना के दरसन कौ खुलासा 22:1

फिन ऊ ने मोहां बिल्लौर जैसी झिलमिलात भई जीवन के जल की नदिया दिखाई, जो परमेसुर और मेमने के सिंहासन से कड़ के, ऊ नगर की गैल के बीच में बहत हती।

- यूहन्‍ना के दरसन कौ खुलासा 22:17

आत्मा और दुल्हिन दोई कैत हैं, कि आओ; सुनबेवारे सोई कहें, कि आओ; और जीहां प्यास लगी होबे बो आबै, और जो चाहे जीवन को जल सेंतमेंत लेबे।