- यूहन्‍ना 11:19 - Bundeli Holy Bible

¹⁹ और बिलात यहूदी मरथा और मरियम के ऐंगर ऊके भईया मरे पे में सान्ति देबे आए हते।

- यूहन्‍ना 11:19 ပူးပေါင်းရင်းမြစ်များ

- उत्पत्ति 37:35

ऊके सबरे मोंड़ा-मोंड़ियों ने ऊहों सान्‍ति दैबे की कोसिस करी; परन्‍त ऊहों सान्‍ति नें मिली; और ऊ जौई कैत रओ, “मैं तौ बिलाप करत भओ अपने मोंड़ा के लिगां अधोलोक में उतर जैहों।” ई तरहां सें ऊकौ बाप ऊके लाने रोतई रओ।

- पैलो इतिहास 10:12

तब सबरे सूरवीर कड़े और शाऊल और ऊके मोंड़ों की लाशों हों उठाकें याबेश में लै आए, और उनकी हड्डियों हों याबेश में एक बांज पेड़ के तरें गाड़ दओ और सात दिना लौ उपासे रए।

- लूका 10:39

और मरियम नाओं की ऊ की एक बहन हती; और बा यीशु के गोड़न के ऐंगर बैठ के ऊकौ बचन सुनत हती।

- लूका 10:42

पर एक बात जरूरी आय, और साजे हींसा हां जौन मरियम ने नबेर लओ आय: ऊसे बो छीनो न जै है।

- यूहन्‍ना 1:19

यूहन्ना की गवाही जा आय, जब यहूदियन ने ऊके ऐंगर यरूशलेम से याजकन और लेवियन हां पूंछबे पठैव, तें को आय?

- यूहन्‍ना 11:1

मरियम और ऊ की बहिन मरथा के गांव बैतनिय्याह कौ लाजर नाओं कौ एक मान्स बीमार हतो।

- यूहन्‍ना 11:31

तब जौन यहूदी ऊके संग्गै घर में हते, और ऊहां सान्ति दे रय हते, जब उन ने मरियम हां तुरतईं उठके बायरै जात तको, तो जा समझ के कि बो कबर पे रोबे हां जा रई आय, बे ऊके पाछें हो लए।

- यूहन्‍ना 11:33

जब यीशु ने ऊहां और ऊके संग्गै आए यहूदियन हां भी रोत हेरो, तो बो आत्मा में बिलात बेचैन और दुखी भओ, और कई तुम ने ऊहां किते धरो आय?

- यूहन्‍ना 11:36

तब यहूदी कहन लगे, तको, बो ऊसे कितेक प्रेम करत हतो।

- यूहन्‍ना 11:45

तब उन यहूदियन में से जौन मरियम के ऐंगर आए हते, यीशु कौ जौ काज तक लओ हतो, उन में से बिलात ने ऊ पे भरोसा करो।

- यूहन्‍ना 11:8

चेलन ने ऊसे कई, हे गुरू, अबै तो यहूदी तोय पत्थरवाह करबो चाहत हते, और का तें फिन उतईं जात आय?

- रोमियों 12:15

खुसी मनाबेवारन के संग्गै खुसी मनाओ; और दुखी जन के संग्गै रोओ।

- दूसरी कुरिन्थियों 1:4

बो हमाए सबरे पिराते में सान्ति देत आय; कि ऊ सान्ति से जौन परमेसुर हम हां देत आय, उन हां सोई सान्ति देबे, जौन कोई पिराते से दुखी होबे।

- 1 थिस्सलुनीकियों 4:18

सो इन बातन से एक दूजे हां सान्ति बंधाओ।

- 1 थिस्सलुनीकियों 5:11

सो एक दूजे हां उसकाओ, और एक दूजे हां बिसवास में पक्को करो, और तुम ऐसई करत सोई आव।