- यूहन्‍ना 10:15 - Bundeli Holy Bible

¹⁵ वैसई जैसो बाप मोय चीनत आय, और मैं बाप हां चीनत आंव, और मैं गाड़रन के लाने अपनो प्राण देत आंव।

- यूहन्‍ना 10:15 ပူးပေါင်းရင်းမြစ်များ

- मत्ती 11:27

मोरे बाप ने मोय सब कछु सौंपो आय, और अकेले पूत हां कोऊ नईं चीनत, अकेले बाप; और कोऊ बाप हां नईं चीनत, अकेले पूत; यानि ओई जीए पूत ऊहां दरसाओ चाहत आय।

- मत्ती 20:28

जी तरहां मान्स कौ पूत अपनी चाकरी कराबे नईं, बल्कि चाकर बनके और बिलातन के तरन तारन के लाने अपनो प्राण देबे आओ।

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- लूका 10:22

मोरे बाप ने मोय सब कछु दे दओ आय और कोऊ नईं जानत पूत को आय पर बाप जानत आय और बाप को आय कोऊ नई जानत, बस पूत जानत आय, और बो जीपे पूत ऊहां पांछू उजागर करो चाए।

- यूहन्‍ना 1:18

परमेसुर हां कोऊ ने कभऊं नईं तको, एकलौतो पूत जौन बाप की कंईयां में आय, ओई ने ऊहां दरसाओ।

- यूहन्‍ना 10:11

उमदा गड़रिया मैं आंव; उमदा गड़रिया अपनी गाड़रन के लाने अपनो प्राण देत आय।

- यूहन्‍ना 15:13

ईसे बड़ो प्रेम और कोऊ कौ नईंयां, कि कोऊ अपने संगी के लाने अपनो प्राण दैबे।

- यूहन्‍ना 17:25

हे धर्म बाप, संसार ने तोय नईं जानो, परन्त मैंने तोय जानो और इन ने सोई तोय जानो कि तेंने ही मोय पठैव आय।

- यूहन्‍ना 6:46

जौ नईं, कि कोऊ ने बाप हां तको पर जौन परमेसुर की कोद से आय, केवल ओई ने बाप हां तको आय।

- यूहन्‍ना 8:55

तुम ने तो ऊहां नईं चीनो, परन्त मैं ऊहां चीनत आंव; अगर मैं कहों कि मैं ऊहां नईं चीनत, तो मैं तुमाए घांई झूठो ठहर हों: परन्त मैं ऊहां चीनत और ऊके बचन को मानत आंव।

- गलतियों 1:4

उनईं ने अपने हां हमाए पापन के काजें दे दओ, किहमाए परमेसुर पिता की मरजी से हमें ई बुरए संसार के बन्धन से छुड़ाबै।

- गलतियों 3:13

मसीह जौन हमाए काजें श्रापित कहाए, हम हां मोल लेके नैम के श्राप से छुड़ा लओ कायसे ऐसो पोथी में लिखो आय, कि जौन काठ में लटकाओ जै है ऊ श्रापित आय।

- इफिसियों 5:2

प्रेम से चलो; जैसो मसीह ने तुम से प्रेम करो; और हमाए काजें जैसो अगरबत्ती की सुगन्ध परमेसुर के आगे भेंट चढ़ाई।

- तीतुस 2:14

उन ने अपने आप अपनो बलदान करो, कि हम हां सबरे पापन से दूर करबें, और हम हां साजो कर के ऐसे बनाबें जौन धरम के काज में लगे होबें।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 3:18

ई लाने कि मसीह ने सोई, जाने कि अधरमी जन के लाने धरमी ने पापन के काजें एक बेर पीड़ा भोगी, जीसे हम हां परमेसुर के ऐंगर पोंचाबें: बो देयां के लेखे से मार डालो गओ, पर आत्मा के लेखे से जिलाओ गओ।

- 1 यूहन्‍ना 2:2

पिरभु यीशु मसीह में ही हमाए पापन की क्षिमा आय; और हमाए अकेले नईं, परन्त संसार के सबरे जनन की।